JEREMIYA 16:12 - BAIBEL (BSI)

¹² Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

Sumi Naga CL (Re-edited) Bible (BSI)

¹² eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 16:12 ပူးပေါင်းရင်းမြစ်များ

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

YETSAPIU 8:12

Axinemi lakhiye ghuthu 100 kutolo heqhi buqhi puaghiluvi tishimu xu aghiluvike. Iyei, panonguno kiu picheni keno ino ithi ani: “Nono Alhou gholu aye thwokha achipi shi nani,

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

JEREMIYA 13:10

Timi lhoksa hipaqoye igho lumo kepi miliveke. Panonguye pulhapujulo kuthovilo eno kusakughashi achenike eno kutau lhouqo mlla eno qe achenike. Tishi kehu chhekhaphi hipaqo kitilamu alomovekeu toi panonguye tipaphi shive nani.

JEREMIYA 17:9

‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

JEREMIYA 18:12

Panonguye ishi khochile nani, ‘Ninguye kilini chemoe, kushiye kili ani kya? Ninguye nino shinike thaqhu kuthovi eno alhoksa shi ache nanike! ’ ”

JEREMIYA 22:28

Ino pike, “Akukau Jehoiachin ye ayeghili kubove no peveke toi khunomu lumove nani kesha? Tighenguno paye pa tianuli sasu panonguno kitilamu mtha keu yeghilo hale sawuvepe kesha?”

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

AKUMLO 5:7

Nipuasuqono axine shiveke ikemu panonguye kuhavae eno ningu pelo panoqo xine ghenguno ime anipeke.

EZEKEL 20:30

Tighenguno Israilmi vilo ni, Akughushu MPEU no kiu piani keno tipau pilo: Kushiye nongu papuqono shichekeu xine nonguye shiani eno panoqo su-atu julho papesu hacheni kya?

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

MALAKI 3:7

Nongu ghi, nozuu apu asuqo toi iyezah launo tsughusu wuve eno tipaqo pelu chemoke. Ilau xaideghilo eno niye nongu lau tsughu ighini. Ikemu nonguno ishi inijuke, ‘Ninguye olau ideighi nike ghenguno kiu shimasa kya?’

Mark 7:21

Kughengu alou timi mlo lono alhoksa kukumsu ipeghikeu lono hipaqo shi cheni: Asalha, akupuka, timi ghiqhi, kutami nipu sazukeu,

ZAKINIU 29:19

Mutsumishei shilo ike ishi tsalalo hile akemi lakhi nomu tsaqui piputovekeu tsa hipaqo chiluve keghi pa likhi pa ghoshi xu wuve aye pa ghenguno thwokha kumtsu akivipu shinani kepi kumsu kevilo. Tino nongu kumtsu akivimi eno alhoksami aphiphishi kutsave nanike.

ZAKINIU 9:27

Oqeu Abraham, Isak eno Jakob kumsulu tsulo eno timi hipaqono kuthovi akeu, lhoksa kugha shi akeu eno panoqo xine shou jupukutsu kevilo.

2 Tim. 3:13

ikemu timi lhoksami ngo ghaghumiye kutami pishiqhikeulo eno pano likhi pano pishiqhikeulo vimokithe acheuve nani.

IBRIMI 3:12

Ithikuzumiqo, kutokupuyilo, kutou nongu gholo milakhi nomu amlo lhoksa eno pulumlakeu mlo xapu aghipuzu xuakeu Lhou launo ikiqivenosake.

XAKUTHAMI 2:19

Ikemu xakuthau no thiveke mtsa timiqoye itaghi idechile aqau kuxulo ilove eno azuu tiqhelimi nguno alhoksa shikitheuve. Panonguno alhou kutau mllauveno amlo thonhei panongu lhoksa laghilo xu acheuve.

SAMUEL ATUGHIU 15:23

Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”