JEREMIYA 16:11 - BAIBEL (BSI)

¹¹ Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

Sumi Naga CL (Re-edited) Bible (BSI)

¹¹ Panongu vilo pilo: ‘Kughengu no puasüqo no I kümsümave ke, Ampeu no asheshu, I kümsümave eno I yezah pheve no kütau lhouqo huthu eno mllauve, panongu mlo kümka lhoksa pape wuve no I tsa ini move,

JEREMIYA 16:11 ပူးပေါင်းရင်းမြစ်များ

KUKAMI ATUGHIU 9:9

Timiqono khochile nani, ‘Kughengu panonguno AMPEU panongu Lhou khuuno panongu puasuqo Ijip lono sasu ipeghi keu kumsumaveke. Panonguno alhou kutau qhoqhuuveno tipaqo mllauveke. Hi ghenguno AMPEU no panongu shou shikupsa hipau pukutsue.’ ”

YEKIKITHI AKINIU 7:22

Timiqono khochile nani, ‘Hiye kutau lono kumono panonguno AMPEU panoqo Lhou khuu no Ijip lono pano puasuqo saipeghi keno tipau pheve keu ghenguno ke. Panonguno kutau lhouqo lau kutshukime luve eno tipaqo mllauve ke. Highenguno AMPEU no panoqo shou kutsakungo keu hipau sughiveke.’ ”

JEREMIYA 13:22

Kushiye hikithipu kumtsu nongu lau shi ani - kushiye nophimini suxuvetsu eno nongu sazuvetsu kelapi nonguno iniju aye tiye nongu xineye shishe kije kushuwa ghenguno ke.

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

JEREMIYA 22:9

Tileno panonguno ishi khochilekile nanike, ‘Kughengu Juda lo akemiqono AMPEU panoqo Lhou sasu puloshoqhi shikeu pheveke eno kutau lhouqo mllawuve eno tipaqo qeuve kehue.’ ”

JEREMIYA 44:3

Kughengu tipaqolo achekemino alhoksa shiveke eno ipelo amlo idevepeke. Panonguno kutau lhouqo lau lhoxu heqhipe mllake eno panongu ghi nongu ghi momu nongu puasuqono khilemu mllachemo keu lhouqo qeu khaveke.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

AKUMLO 5:7

Nipuasuqono axine shiveke ikemu panonguye kuhavae eno ningu pelo panoqo xine ghenguno ime anipeke.

EZEKEL 11:21

Ikemu timi khunoqono aphikumqhupu kuchhube kutsula julho mllani keno ino tipaqo ghimeqhi nani. Panonguno kiu shikeno tipau ghenguno ino panoqo ghimeqhi nani.” Akughushu MPEU no pivae.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

MALAKI 3:7

Nongu ghi, nozuu apu asuqo toi iyezah launo tsughusu wuve eno tipaqo pelu chemoke. Ilau xaideghilo eno niye nongu lau tsughu ighini. Ikemu nonguno ishi inijuke, ‘Ninguye olau ideighi nike ghenguno kiu shimasa kya?’

1 Peter 4:3

Alhou mthakemiqono kiu shinishi chekeno tipau nonguno wovekeu tsalalo shichekeu huno kughokumovae. Nonguye kiptimi totimi mithemokeu, aghichikupo, shokumzu, mutomushu, akiyighe, kupughokile, ihughaloyi eno kuchhubekutsula ajulho shipeqhikeu mllakeu, hipaqo lono nongu kuxu xucheke.

XAKUTHAMI 2:11

Tipathiu Israilmiye AMPEU zulo axine shiuveno Baal mllau khave.