JEREMIYA 15:8 - BAIBEL (BSI)

⁸ Noyeghilo chimemino azughi phivilo asayethi akeu nguno alau akhanike. Ino nowu lhothemi aheagho lono pithivetsu eno tipaqo paza pelo aghime shipeke. Ino zuleno sukutukeu akuighupu pesu panoqo ghaqhike.

Sumi Naga CL (Re-edited) Bible (BSI)

⁸ I no azüghi lo asaye nguno alau chimemi kutomo shive tsüae; I no puchomghü lono apumi paza noqo kütsave nike saghivae; I no züleno amlo ghuju ngo akümsapu pesü panongu shou pukue.

JEREMIYA 15:8 ပူးပေါင်းရင်းမြစ်များ

ISAIAH 3:25

Nowu timi, akumtomiqoye aghukishi lono ghiqhive nani.

ISAIAH 3:26

Aphughi kuptu kikhano mloqa ighamuku nani eno aphughi huye totimi lakhi aphimini xavetsu puzu ayeghilo iqa akeu toive nani.

ISAIAH 4:1

Kughou tipado tovenikeno, totimi mitsunino kiptimi lakhi tsuquluve puzu ishi pi nani. “Nilikhi nichuqupu chu eno niphimini uni ikemu ningu pelo noye nikimi kepi pipelo, tishiaye ninguno kulaumlano akeu kukujo ikhi suwuve tsuniake.”

JEREMIYA 16:3

Hilehi atianuli khunoqo punu pua khani eno tipaqo puaza lau kiu shiveni cheni keno ino ovilo pitsuni.

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 22:7

Tipau kutsavepe nike ino timi puwuni cheni. Panongu kumtsuno pututa mughu sughi nani eno kedar suno shikeu jukighilepu tsukuchoqo ghichheqhi puzu amilo tipaqo vesuve nani.

JEREMIYA 4:16

Panonguno ashiayehqo kutughu nike ighi ani eno Jerusalem vilo aghumiye ayeghi putouno cheni kepi piniyeke. Aghumi hipaqono Juda lo aphughiqo shou igha ikughi nani

JEREMIYA 5:6

Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

JEREMIYA 6:26

AMPEU no pawu timi vilo pi, “Yeqhiye phi ulo eno ayevulo ihilo. Nonguno anu lakhi likhi akeu shou qa keshi anhezu piji qalo, kughengu nongu kutsaniye che keuye zuleno nongu leighi nani.

AKUMLO 5:3

Nipuhnoqoye aghumino pithi khaveke, eno itehi nizanoqoye chimemi shiauvae.

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

HOSIYA 4:5

Puthopucho nonguno kupuxalu ani eno tungkupumi ghi nongu nguno akiviu kiumu shiamoe. Niye nongu paza Israil kutsaveni cheni.

Luke 21:35

Kughengu tiye alichhe shipuakelo toi phayi ayeghi qhalo timi kumtsu shou ighi nani.