JEREMIYA 15:7 - BAIBEL (BSI)

⁷ Aghakhulo taun atsu-tsulo aghijini toi ino amlhu gholo nongu vepuwuke. Nongu iwu timiqo kutsaveke, ino notianuli pithivetsu kughengu nonguno alhoksa laghiqo lakhavemoke.

Sumi Naga CL (Re-edited) Bible (BSI)

⁷ I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

JEREMIYA 15:7 ပူးပေါင်းရင်းမြစ်များ

LESHELE 1:4

Ikemu kixikilamiye titoi moe; panoye amlhuno amu-u fupewuve ketoike.

ISAIAH 41:16

Nono amlhulo elepukuve nani; amlhuno tipaqo xapuwuve nani, eno pasapaghano tipaqo kutho leve nani. Tileno nono alovi nani kughengu niye oLhou ke; nono ni Israil Lhou akimtheu sheqhe nani.

ISAIAH 9:12

Kipelauno Siriya eno kulolauno Filistiya no Israil tsuchuve nike panoqo baxa mukupe ani.Tishimu AMPEU loghu ye ashekha shi mphike; ghimeqhi nike pau chhopesu achephike.

ISAIAH 9:13

Israil lo akemiye, AMPEU no panoqo ghimeqhive kethiu pinamu xaideghimoke, panonguye pa lau ideighimoke.

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 5:3

Kuchouno AMPEU ye amikucho shikeu phuju cheni. Pano nongu kuzaqhi ikemu nonguye amloksa kuhae; Pano nongu chinedaqhi kemu nonguno shikithetsu keu ikhilu tsumoe. Nonguye kuthovilo kemiqoke eno nongu xine launo tsughusu wuvemoe.

JEREMIYA 51:2

Amlhuno aghijini fulesawuveke toi ino inaghami puwu puzu Babilon kutsalevepe nani. Kughouno kutsalekeu tsala tipau ighini keno panonguno aqha kumtsu lono leighi nani eno aghakhuye zaghulei qhive nani.

JEREMIYA 9:21

Akithiye nilashe vechesu alou iloghivae eno nikukakilo iloghivae; tipauno alaghilalo ititunuqo ghiqhipewuvae eno alhikishialo lhothemiqo michepewuvae.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

EZEKEL 24:25

AMPEU no pi, “No Thinikuau timio, tipa tsala lono panonguno jupesu qheza eno alovi achekeu, khikhi panonguno juanishi acheni eno tipau xujuwu acheni keno, akumto chineki tipau ino panoqo launo ikhisuwuve nani. Ino pano tianuliqo ikhisuwuve tsu nani.

EZEKEL 36:12

Ino nongu, iwu timi Israilmi aghakhulo kughuna kithe penike saideghi nani. Ayeghiye nowu shive nani eno tipauye nongu tianuli pelo itaghi khilemu akhuava shipemo nani.

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

MATTHEW 3:12

Pa ulo athi fuleve kepu phigha peani, eno pano pa niqa shikimthe puzu pa thi pekutsusawo alelo su nani, ikemu amu-uye ghapinhemla keu mi lono piti nani!”

ZAKINIU 28:18

“AMPEU no nongu shou musuini keu lono atianuli aghulo likhi punu, tuxatini akivi shimo eno amshi ngo bheri aghulo likhive pe nani.

ZAKINIU 28:32

Nonguno ju apulaghi nopu nongaqoye inaghami lau aqemi shipenike tsupu wuve nani. Ghulo atsu-tsu notianuliqo ideighini malaye juaniepi nongu nhethino qeive nani.

ZAKINIU 28:41

Nonguye anu eno anga lho nani ikemu tipaqo puha khave nani kughengu panonguye aghukishi lono akughumi shi sasu wuve nani.