JEREMIYA 15:21 - BAIBEL (BSI)

²¹ Ino lhoksa kughami ngo heqhi buqhikemi ulono ohakholuve nani. Ni, AMPEU no piqhiveake.”

Sumi Naga CL (Re-edited) Bible (BSI)

²¹ I no kixikilami u lono no xaphelu nani, eno ayiküsami u lono o xachilelu nani.”

JEREMIYA 15:21 ပူးပေါင်းရင်းမြစ်များ

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

LESHELE 27:2

Kughono alhoksamino iha-ighi eno ipithiveniye pukaputsa keno, ighumi eno imithichekeqoye kupuxape iluqive nani.

LESHELE 37:40

AMPEU no panoqo kuphu eno xaphelu cheni, pano kixikilami launo panoqo xalu cheni, kughengu pa pelo susholupeniye panonguno pukhuke.

LESHELE 97:10

AMPEU ye alhoksa mithichekemi kimiye cheni; pano pawu timiqo kuxu pukhalu cheni; kixikilami kuka launo panoqo xaphelu cheni.

ISAIAH 29:20

Tishikeuno kutami qodachekemi ngo Alhou phimo gihumo kemiqoye tino ashekha shive nani. Axinemi kumtsu kutsaleve nani.

ISAIAH 29:5

Jerusalem, inaghami khunoqono oleighinikeno panonguye ayeghi mukhu toi fulesawuve nani eno panoqo ghushimi akuighupu shiakeqoye aghijini toi fupe wuve nani. Zuleno eno huqhemoke lono

ISAIAH 49:26

Ino nongu qodaneda chekemiqo lakhino lakhi pithivepe nani; Panonguye ghiqhikile keu ngo muqhomzakeu shomzu nani. Tileno timi jeli kumtsuno niye AMPEU kepi ithi nani, nongu xaluchekeu eno nongu kuqhophe chekeu kepi ithi nani. Panonguno niye Israil Lhou akuka kumtou kepi ithi nani.”

ISAIAH 54:17

Ikemu kiu ghunanu pinamu nongu ghuzamla nani; nongu ngukukemi kumtsu vilo nonguno ghechile kulupu shi nani. Ino iqemiqo susholuve nani eno tokulupu panoqo tsu nani.” AMPEU no pivae.

ISAIAH 60:16

Ashiayehqo eno kukamino aza lakhi no linga tuchomujo keshi oheju nani. Nono ithi nanike, ni AMPEU no oxaluke, Israil Lhou Akughushuu no okhaqhipheke.”

JEREMIYA 16:1

Itaghi AMPEU no iputsa eno ivilo ishi pike,

JEREMIYA 20:13

AMPEU lau alephelo! AMPEU sheqhelo! Pano alhoksami kuka lono qodape akeqo sunhephelu cheni.

JEREMIYA 26:24

Ikemu Safan nu Ahikam no isaphu akehu timiqo ulo heqhipithive penike ikhi phetsu move.

JEREMIYA 31:11

Ino Israil wu timiqo phepuwuvae eno ashiayeh kuloghi lakhi launo panoqo xaluvae.

JEREMIYA 38:28

Ike Jerusalem khasupe leluvemoke tsala kutolo niye akukau kughaki kikhalalo qhipe puache.

JEREMIYA 39:11

Ikemu Akukau Nebukadnezar no ahza kutsuu akijeu Nebuzaradan pelo ahza hipau tsupenike pipuwu:

JEREMIYA 39:12

“Wulo eno Jeremiya phuju puzu akivishi pa tucho hijulo. Pa shou bupuku kevilo ikemu pano kiu kiu shinishi aghini keno tipau pa ghenguno shitsulo.”

JEREMIYA 50:34

Ikemu panoqo xapheluniye akeuye mutotoike - pa jeye Aqokitikhi MPEU ke. Pa ampino panoqo ghenguno pitsu kepu shi nani eno ayeghilo iquighaikeu sughi nani, ikemu Babilon lo kuami lau akupuna sughi nani.”

DANIEL 3:17

Nino puluchekeu Lhou ye pano pulo aye ami lono eno okuka zulono nixaphe luve nani.

DANIEL 3:25

Akukauno iniju, “Tishi aye kishino niye pano bidi ami mutalo alache iqho iqi chekeu ithulu anikea? Panongu phiau tsughapua moe, panonguye kitilamu ami gholo ake mihi amoe, eno panoqo gholo abidiuye alhou lakhi jutoi ithulu anie.”

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

Rommi 16:20

Tishiaye, alokughuno tsuchekeu Lhou no Satan pesu itheno nongu pukhu qholo nedaqhilu nani. Ampeu Jisu wu kupukini nongu gholo apelo.

2 Kor. 1:10

Pano akumsa kuyighupu lono ningu xapheluke, eno ningu xaphelu nani; eno ningu lajupu pa shou bepe anike pano itaghi ningu xaphelu anani.