JEREMIYA 14:16 - BAIBEL (BSI)

¹⁶ Panoqono khunoqo vilo hipaqo tsa pipuani keno timi tipaqo ghi tikithipushi heqhipithi nani. Panoqo kithikumoye Jerusalem laghila lo vephepeve nani eno panoqo kumo shiqhotsuni kemi ghi kuha nani. Panoqo kumtsu lau hipau shinani, pano nipu, atianuli kiptimi totimi kumtsu sukuqha nani. Panoqo kixikila ghenguno ino panoqo pelo lope nani.”

Sumi Naga CL (Re-edited) Bible (BSI)

¹⁶ Eno timi khunoqo lau panongu no tungkuptsa pi cheni keno tipaqo ghi püqümiye ngo azütakikihi no Jerusalem laghila lo vepheve nani. Panongu nipu momu apu-anga khunomu pano shiqhomo nani. Kughengu I no pano lhoksa pesü pano shou lepuku nani.

JEREMIYA 14:16 ပူးပေါင်းရင်းမြစ်များ

AHOLE 1:31

Tishiaye, nonguno kiu ithulu kuzupu keno tipau ithulu nani eno nolikhi nokumlano nongu ngaqhi nani.

ISAIAH 51:20

Alaghila cheku kumtsulo now timiye qeikelauno iluqike; panonguye ashihami lichelo ashe meluvekeu toike. Alhou loghuye khipaphi keno panonguno pepujuake.

ISAIAH 9:16

Kughengu khunoqono timiqo saphe chekeno alakumo lono panoqo sapheke eno panoqo saphekemi kumtsu kubang khavae.

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 20:6

Pashur, no eno nokibolomiqo ghi kughaluveno Babilon lo sawuve nani. Noye tilano thive nani, tiye okusami nono khunoqo vilo akimiki kumzapu pichekeno tipaqo kumtsu gholo qhove nani!’ ”

JEREMIYA 27:15

AMPEU no piveake paye panoqo puwu puamoe eno panonguye pa je lono nongu vilo akimiki tsa pianike. Ike pano nongu hapupove nani eno nonguye heqhi pithive niake, nongu ghi eno nongu vilo akimki tsa hipaqo piakemi tungkupmi ghi pithikhave nanike.”

JEREMIYA 4:18

Juda, nono kiu kuxu xucheni eno kiu kumla mla cheni keno tipauno olikhi oshou hipau sughi anike. Oxineno hipau ghime huthu tsuke; hino omlo jiputave tsuake.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 7:33

Akithi kumoye aghau ngo tughashi chuqupu shive nani, eno khunomu lhoxu tipaqo shikumsa kemi kuhave nani.

JEREMIYA 8:1

“Tipa ghulokilo Juda lo kukamiqo saghi, kijemi saghi eno achinemi ngo tungkupumi saghi eno Jerusalem lo kutami achekeqo saghi kumtsu panoqo kumoki lono khalau ikhiphe nani.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

JEREMIYA 9:20

Ino pike, “Nongu totimiqo, AMPEU tsa inilo, pa tsa amlo tsuqhiyi kumsujulo. Kishi mloqa kepu keno nongaqo shikalo, kishi kithikuhalo le phekepu keno nopumiqo shikalo.

JEREMIYA 9:22

Akithi kumoqoye aqha kumtsulo kutholevae, tiye alulo aghuma qhepuakeu toivae, Tiye aghi kughomino aghi ghope athiu qhiveno khunomu pekutsumono aketoivae. Hiye AMPEU no ivilo pilopi pikeuke.”

EZEKEL 39:14

Aqhi tsuni tove kethiu, timi kishephelu puzu aghakhu kachesu kicheghuzu shiwupe nani tiye ayeghilo akithi kumo aghikeu phupesu qhopeniyeke, tishianguno panonguno aghakhuqha shikimthelu nani.

AMUS 7:17

Ike AMPEU no no Amaziya vilo piani, ‘Onipuye alaghilalo kutuqhalimi shiwuve nani eno otianuliqoye aghushi lono thi nani. Noghakhuye kijeveno kutami tsuve nani, eno noye akumthami inagha lono thive nani. Israil lo akemiqoye pano yeghi lono sawuve puzu hapuwuve nani.’ ”

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”