JEREMIYA 14:14 - BAIBEL (BSI)

¹⁴ Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

Sumi Naga CL (Re-edited) Bible (BSI)

¹⁴ Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 14:14 ပူးပေါင်းရင်းမြစ်များ

ISAIAH 56:10

Pano pi, “Sakiphemiye iw timiqo kutughu kepushi akelauye panonguye anhethi kighichemike! Panonguye kiumu mthake. Panonguye akikhe tsuno ighamoveke toike, panonguye ihozu puzu asamo pumoke likhike. Panonguye zuanikeu kimiyeke!

ISAIAH 9:15

Muchomi timino gihuche keqono akutsuke eno tungkupmi miki chekeqono ashomhike!

JEREMIYA 20:6

Pashur, no eno nokibolomiqo ghi kughaluveno Babilon lo sawuve nani. Noye tilano thive nani, tiye okusami nono khunoqo vilo akimiki kumzapu pichekeno tipaqo kumtsu gholo qhove nani!’ ”

JEREMIYA 28:11

timi kumtsu nhekithe lono ishipi, “AMPEU no pike hikithipushi kuokhasu khipaqo Nebukadnezar no ashiayehqo kuolo pipekeno AMPEU no hechheve nani ke, eno ampe kini dolono pano hipau shi nani ke.” Tipathiu niye cheve.

JEREMIYA 28:13

“Wulo eno Hananiya vilo pilo. AMPEU no pike, Noye asuno shikeu kuokhasu kubolevae, ikemu ino tipau zuqhulo ayino shikeu kuokhasu shitsu nani.

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

JEREMIYA 29:21

“Aqokitikhi MPEU, Israil Lhou no Kolaiya nu Ahab ngo Maaseiya nu Zedekiya pama ghili piveake, pamaye nongu vilo paje lono akimki tsa piani. Pano pive ake pano hipama pesu Babilon lo Akukau Nebukadnezar ulo suvetsuni cheni eno nongu gizu lono pano pama pithive nani.

JEREMIYA 29:31

Babilon lo akughumiqo lau Shemaiya ghili hipau pesu tsupuwulo pi pike:” Ni, AMPEU no Shemaiya ngo pa laghami kumtsu ghimeqhi nani. Niye pa puwu puamoe ikeghi paye tungkupmi lakhi toi nongu putsa ke eno panongu pelo akimki pulu peke.

JEREMIYA 37:19

Owu tungkupmi khunoqono ovilo Babilon kukauye oleghimo nani momu ayeghi hipau leighimo nani kepi pichekeqoye kiu shikhave akya?

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

JEREMIYA 8:11

Iwu timiqo ghuzaku qoye chixesho keu likhi toi shi-ghi panonguno mla itha acheni. Thwokhalo vimo akeghi panonguno, ‘Kumtsulo vi ani’ ipi picheni.

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

EZEKEL 12:24

“Israilmi gholo hinguno hilauye kichileu kungunhetsu momu sapimi chekeu tungkuptsa kuhave nani.

EZEKEL 13:2

“Thinikuau timio, Israil lo tungkupmi khunoqono pano likhi panowu tungkuptsa piqhi cheni keno tipaqo hachilekeu tsa pilo. Panoqo vilo AMPEU tsa inilo pilo.”

EZEKEL 13:23

Ike itehiye nowu kichile kungunhetsu ngo sabidekeu ashe azutsa pikeu kumtsu tavae. Niye nongu kuka launo iwu timiqo hakholuveni cheni, tishianguno niye AMPEU kepi nonguno ithi nani.”

EZEKEL 21:29

Nonguno zuxouno ithulukeu huye kichileke eno ashe-azu tsa nonguno pichekeu huye akimkike. Nonguye kixikila eno alhoksake eno nongu tsala cheni, nongu ghime ashekhau tsala chenike. Azutakihiye nongu kuoghilo ikughini cheni.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

ZEKHARIA 13:3

Khuala no tsuyikhomo tungkuptsa piniepi aye, pa puaza pa lhokeu no pa vilo ishi pinani, ‘Noye xu moake, kughengu nono AMPEU jelono akimkitsa pike.’ Pano tungkuptsa piaye papu azano pa qhuqhi pithilu nani.

ZAKINIU 18:20

Ikemu tungkupmi khuuno ighumono ino pa vilo tishilo pimo namu pano ije lono atsape shi napi aye paye thimasake eno tihutoi tungkupmi khuuno kutau lhouqo jelono pini keno pithive masake.’

1 Tim. 4:2

Akukutsu hipaqoye timi pishikiqhimi kimkimi vechewo ighi cheni eno timi tipaqo loloye kivikusa ithichekeu huye ayino pitikushughive keu toivae.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,