JEREMIYA 14:12 - BAIBEL (BSI)

¹² Panonguno kumvu kuphupenike ighamuku pinamu niye initsumoke; eno panonguno akuchopu piti mllakeu ngo athi pesu mllakeu kumllagho itsue pinamu niye panoqo lau amlo qini chemoe. Tishike kumono, aghukishi ngo akhu-ava eno kusukini pesu ino panoqo heqhipithi nani.”

Sumi Naga CL (Re-edited) Bible (BSI)

¹² Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 14:12 ပူးပေါင်းရင်းမြစ်များ

JOB 27:9

Shiluksa pa shou ighikelo Alhou ye pa ghugha initsu nani kesha?

AHOLE 1:28

Tileno nonguno alokutsu ku nani, ikemu ino khochilemo nani. Nonguno aqha kumtsulo iphuwuluvi ikemu iphumla nani.

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

AHOLE 21:27

Kughou kixikilamino alhoksa kimiji lono aghashipe mllani keno AMPEU ye tipau mithi cheni.

AHOLE 28:9

Nono ayezah peluchemo aye Alhou ye okighini initsunikeu ighono mithi kutu cheni.

ISAIAH 58:3

Timiqono iniju, “AMPEU no khilemu nijuthulu chemo aye kushiye kumvu ani kya? Pano nilau amlo tsumo aye ninguye kushiye achuqupu chumono ani kya?” AMPEU no panoqo vilo pi, “Julepi, nonguye kumvu kemtsa nonguye nonguno shinishikeu puzusu wuvecheni eno nokumla kishimi qodaqhi chenike.

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 11:14

Jeremiya, noye timi hipaqo ghenguno ilau khuini momu qhuiniju kevilo. Kughou panonguno shiluksa sholu puzu kuphupe nike ivilo pini keno niye panoqo sutsa chilutsumo nani.”

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 21:6

Hipau phughilo xuakemi kumtsu ino pithikhave nani, timi pina tikishi lhoxu namu akusu lhoksa lono thive nani.

JEREMIYA 24:10

Ino aghukishi, puqumiyekeu eno kusukini panoqo shou sughi nani tiye ino panoqo ngo pano puasuqo tsukeu yeghilo panoqo milakhimu kuhavemoke kutolo tipau shi nani.”

JEREMIYA 32:24

“Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

JEREMIYA 8:13

“Timino pa thi-ghopua keu pekutsuke toi niye iwu timiqo pekutsu nishike; ikemu panonguye atsayibo athi pithimo keu toike; khughubo athi pithimokeu toike; anipa ghi thizumuyive. Tighenguno ino khalaumi pelono aghakhu luvepe nikeu pulovetsuake.”

JEREMIYA 9:16

Ino panoqo kugha pesu ashiayeh kutami gholo kuthole puwuve nani, tiye panongu ke kumono pano puasu ghi chimla aphikemiqo gholo puwuve nani, ino panoqo qhoyi kutsale khavemoke kutolo ino aghushimi muqo panongu shou puwu nani.”

EZEKEL 14:19

“Momu ino kitixe kusu tipau ghakhulo puwuni kelo eno iloghu lono lhoxu kutomo kuxu luvetsuni, timi ghi pichepighi ghi;

EZEKEL 14:21

Akughushu MPEU no piakeuye hike: “Ino iwu aghimepu akusa akusau bidi pesu Jerusalem shou puwuni chenike, tiye aghukishi, puqumiyekeu, tughashi eno kusukini timi ashi-aghau aphiphishi kutsave peniyeke.

EZEKEL 8:18

Ikemu panonguye iloghu kighide kumtsu pumasa nani. Niye panongu pheveni chemoke momu panongu jupe imlo iqiveni chemoke. Panonguno shiluke thaqhu ighamuku ilau khuini nani ikemu niye panoqo tsa initsumo nanike.”

HOSIYA 5:6

Panonguno amshi ngo bheri heqhipe AMPEU mllaniye shi cheni ikemu tino panoqo ghenguno akivipu shilu chemoe. Panonguye pa phumla nani kughengu paye panoqo pheveake.

AMUS 5:21

AMPEU no pi, “Nonguno achineyeh kiqi lono tiqhetini shikeu ino junishimo eno jumithike; niye tipaqolo ngo sumlake!

MICAH 3:4

Nonguno AMPEU vilo ighamuku ighani kepu ghuloki wocheni, ikemu pano nongu tsa khochilemo nani. Paye nongu kukhu kighini initsumo nani kughengu nonguno alhoksa kumla mla puanike.

ZEKHARIA 7:13

Ino pikeu panonguno inimoke ghenguno kughou panonguno inikhu keno ino khochilemoveke.

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

MALAKI 2:13

Nonguno hipau ghi shi acheni. Nonguno anhezu ngo akuqa kumlo pesu AMPEU mllakeu khache putsuqhi cheni, kughengu nonguno pa lau akumllagho sughikeu ikhilutsumoyeke.

Piyeküsü 6:8

Ino jukeloye, phalayikeu khurshi lakhi aghi. Tipau shou iku puzu chekeu jeye akithi eno Hades no tipau punukhoi papeche. Panongu pelo aghukishi, puqumiye, kusukini eno tughashi peitha puzu ayeghilo timi kikije bidi shikelo lakhi pithivepeni keu shi akuka tsupe pua.