JEREMIYA 14:10 - BAIBEL (BSI)

¹⁰ AMPEU no timi hipaqo ghili ishi pi, “Panonguye ilauno pove nikeuno pano lokutu acheni eno pano likhi pano ghasuni chemoe. Ikehu niye panoqo lau amlo kiqi kuhae. Panonguno akumou jeli shikeu ino kumsupu che nani eno panoqo xine ghenguno ghimeqhi nani.”

Sumi Naga CL (Re-edited) Bible (BSI)

¹⁰ Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 14:10 ပူးပေါင်းရင်းမြစ်များ

KUKAMI ATUGHIU 17:18

Lino Elija vilo pi, “Alhou wu timi, noye kushiye ilau hi shivetsu kya? Noye hilehi ighino Alhou pelo ixine kumsuchile lukithe peno tipau ghenguno inu pithive tsukesha?”

LESHELE 119:101

Niye alhoksa ghushoghili kumtsu phevae kughengu niye otsa gholu nishike.

LESHELE 95:10

Ampe lhobidi niye timi tipaqo jupe imlo putaveke. Ino pi, ‘Panonguye aghekulukumomi ke! Panonguye izah kutsu penikeu hebideke.’

IPEKULU 32:34

Itehiye wulo, ino ovilo pipuakeu alo timiqo sawulo.Iwu kungumino osawu peni kepi kumsululo ikemu timi hipaqono axine shivekeu ghenguno ino panoqo ghimeqhini keu do ghuloki cheni.”

JEREMIYA 2:36

Nonguno ashiayeh kutami lhouqo lau tsughusu wukeu lono nolikhi no pesu lhalhaive ani. Asiriya no nongu mlo kusapu shivetsu keshi Ijip no nongu mlo kusapu shitsu nani.

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 31:34

Panoqo gholo khunomu pano ghakhumi vilo AMPEU ithilo ipi shikapiyeni chemoke, kughengu kumtsuno ni ithi nani, aku-amighiu lono akijeu kushu kutolo. Ino panoqo xineqo pevetsuni eno niye, khilemu panoqou kivikumo kumsupu ache move nanike. Ni, AMPEU no piveake.”

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

JEREMIYA 8:5

Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.

EZEKEL 29:16

Israil ye khilemu itaghi panoqo pelo kuphupe nike pano pukhukeu shimove nani. Ijip shou kishive keno tipauno Israilmi pelo panoqo shou pukhukeuye kiu toi akumou keno Israil loputsu tsu nani. Tileno niye Akughushu MPEU kepi Israil no ithi nani.”

HOSIYA 11:7

Panonguno tsumomo ilauno tsughusu wuve nikeu shi acheni. Kuokhasu panoqo shou akeu ghenguno panonguno ighamuku igha nani ikemu khunomu tipau peqheluvetsumo nani.”

HOSIYA 11:9

Niye ixu kighide lono oghimeqhive mo nani niye itaghi Israil kutsakithemoe. Kughengu niye Alhou kethono timi kumoe. Ni, Akimtheuye osasu ani. Niye axu kighide lono olau ighimo nani.

HOSIYA 7:13

“Panoqoye ahasapuke! Panonguno iqhive puzu isasu kumjo ani. Panonguye kutsave nani. Niye panoqo xalunishi akemu panonguno imllakeuye kichileke.

HOSIYA 7:2

Niye alhoksa hipaqo kumtsu kumsuchilelu nanike pi panonguye kumsumlae; ikemu axineno panongu suhope akeu niye tipaqo ithumlavemoe.”

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

AMUS 3:2

“Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

AMUS 5:22

Kughou nonguno akiptipu akumllagho ngo athi kumllagho ilau sughi nikeno niye tipaqo ikhilutsuni chemoe; nonguno imllaniaye lhoxu ashi pubeleyi keu hu niye lutsuni chemoe.

IBRIMI 8:12

Panonguno hekibide xine shikeu shou imlo ighiqhiyikeu anani, Eno niye panongu xineqo khilemu kihikula tsumove nani.”

SAMUEL ATUGHIU 15:2

Pano Amalekmi aghime tsunicheni kughengu panongu puasu no Israilmi no Ijip lono ipecheke ghulokilo lakhachileke.