JEREMIYA 13:20 - BAIBEL (BSI)

²⁰ O Jerusalem, julo! Oghumiqoye ahuu kudauno iqi cheni! Nongu pelo jukuto peniaye pichetsu cheni, nowu timi nonguno jupesu qheza chekeqoye khile ani kya?

Sumi Naga CL (Re-edited) Bible (BSI)

²⁰ “Khunoqo ahuu no cheni keno pishipuwo julo. O pelo jukuto peniye pichetsü keu jukivi loji khile ani kea?

JEREMIYA 13:20 ပူးပေါင်းရင်းမြစ်များ

AHOLE 14:28

Akukauye khipahi kijekeno tiye timi khijehi shou pano ayehpe ani keno tileno ithi ani; timiqo kuhakeloye paye kiumu kumo ake.

JEREMIYA 1:14

Tileno AMPEU no ivilo ishi pi, “Ahuu kudauno kutsakungo keu hipa yeghilo akemi kumtsu shou muqhole ikughi nani,

JEREMIYA 1:15

kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

JEREMIYA 10:22

Inilo! Asutsa ighivae! Ahuu akeu shiayeh lakhilo muqhu- akeu kije ipeghi ani; tipaulo ghushimi lojino Juda lo aphughiqo asayeqha kughulhovetsu nani, eno sherno ngokeu-a shivetsu nani.”

JEREMIYA 13:17

Ikemu nonguno initsumo aye, Nongu qhekuza ghenguno ino kusuuno qa nani; Ino kukhu kimjishi qa nani eno inhezuno qoipeghi nani kughengu Alhou wu timiqoye akughumi shi sawuveni ake.

JEREMIYA 23:2

Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.

JEREMIYA 25:37

Kughengu AMPEU no pa loghu kighide lono noshiayeh kutsaleve eno noghakhu iqunei achekeu huye ixapiniyi qhiveake.

JEREMIYA 6:22

AMPEU no pi, “Ahuu akeu ghakhu lono timiqo cheni; putou akeu shiayeh kije lakhino aghu shinike kuto kugho ani.

HABAKUK 1:6

Ino Babilon ayikusau eno ngosukumlau pesu akuka tsuno kutami yeghi lelupe nike puwuni cheni.