JEREMIYA 12:7 - BAIBEL (BSI)

⁷ AMPEU no pi, “Niye Israil phevae; Niye ino kishelukeu shiayeh qhivae. Ino kimiye chekemi timiqo pesu pano ghumi ulo phesuve tsuake.

Sumi Naga CL (Re-edited) Bible (BSI)

⁷ “Ni ye I kibo phevae, Ni ye I mheghi qhivae; I ngulho no qhuivü chekeu pesü li ghümi u lo süve tsüae.

JEREMIYA 12:7 ပူးပေါင်းရင်းမြစ်များ

KUKAMI AKINIU 21:14

Ino timi ghupe puaghi kemiqo kughapesu panongu ghumi ulo suvetsu nani, tipaqono panongu leluve nani eno panongu yeghi shipsave tsu nani.

LESHELE 106:40

Ikehu AMPEU ye pawu timiqo lau axuideve; panongu jupe pa mlo zuzushive.

LESHELE 78:62

Paye pawu timiqo lau pa xuideve eno panoqo ghumi pelo ghiqhi pithipe.

ISAIAH 2:6

O Alhou, noye owu timi Jakob laghami qhiveke! Ayeghi kumtsu kipelau ngo Filistiyami launo sughikeu kuduu shichekeuno chhivae. Timiqoye inaghami ghushoghili pape wuvae.

JEREMIYA 11:15

AMPEU no pi, “Ino kimiye chekemiqoye alhoksa kumla shi ani. Panonguye kishi puzu ichinekilo akepushi ani kya? Panonguno ashoqhi shikeu eno aghashi keu lono kutsakungo keu lakha kulupu shinani kepi kumsu ani kesha? Tipauno panoqo lopivilu nani kesha?

JEREMIYA 14:19

AMPEU, noye qhoi Juda peive akesha? Noye Zion lo akemiqo jumithini kesha? Noye kushiye shishe alhoksapushi nighuzavetsu no ninguye vimla vea kya? Ninguno alokughuno phujuke ikemu akivipu kiumu ipeghimoke; Ninguno shikipivi laju kemu tipa zuqhulo shikuighukeu ighike.

JEREMIYA 17:4

Nonguye ino ayeghi nongu tsu keu qhivetsu kepu shi nani eno ino nongu pelo nonguno kiumu mthano akeu yeghilo noghumiqo qepe nani, kughengu iloghuye ami toike eno tiye alhokupuju iqu ananike.”

JEREMIYA 22:5

Ikemu nonguno ino ahza tsukeu pelumo aye ino nongu vilo ashoqhi shive anike akighiki hipauye ixapiniyive nani. Ni, AMPEU no piqhive anike.

JEREMIYA 23:33

AMPEU no ivilo pi, “Jeremiya, kughono iwu timi lakhino momu tungkupmi lakhino momu achinemi lakhi no ovilo, ‘AMPEU tsape ye kiu kya?’ ipi inijuaye noye ishi pilo, ‘Noye AMPEU makhoke eno pano noikhipe peve nanike!’

JEREMIYA 23:39

ino panoqo sunheqhe puzu ilauno putosuu vepuwuve nani, panoqo ghi ino panoqo ngo pano puasuqo tsupuakeu phughi kinikujo kutholeve nani.

JEREMIYA 51:5

Ni, Aqokitikhi MPEU Alhou ye Israil ngo Juda pheve mphike, panonguno ni, Israil wu Akimtheu shou axine shipuaghi namu niye panongu qhimphike.

JEREMIYA 7:14

Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

HOSIYA 11:1

AMPEU no pi, “Kughou Israil no itimi lakhi shiakeno ino pa kimiyeche, Ijip lono ino inu kulue.

HOSIYA 9:15

AMPEU no pi, “Panoqono alhoksa kumla shikeu kumtsu Gilgal lono huthuke. Tileno niye panoqo jumithi thuveke. Panonguno alhoksa shike ghenguno ino iyeghi lono panoqo hapheve nani. Niye hinguno alauye panoqo kimiyemo nani. Panongu sakiphemi kumtsuno imjochileke.

JOYIL 2:15

Zion Toghilo afuko kuyighalo; kumvu nikeu zah lakhi tsulo eno kuhokumqo kepushi ku-lo!

JOYIL 3:2

Ino ashiayeh hekutsu puzu Jehoshafat Khilalo panoqo saghi nani. Tilehino panonguno iwu timiqo shou shipepuakeu jeli kumtsu ghe- ghuno ino panoqo shou kughathabe nani. Panonguno inaghami yeghilo Israilmi apanagha haleveke, eno iyeghi, Israil kijethavetsuke.

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

ZAKINIU 33:12

Benjamin lagha ghili pano pitsu: “Alagha hipauye AMPEU no qhuivu eno susho cheni; Pano atsala kupujulo panoqo khekuto cheni, panoqo mtalo pano ngo acheni.”