JEREMIYA 12:14 - BAIBEL (BSI)

¹⁴ AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

Sumi Naga CL (Re-edited) Bible (BSI)

¹⁴ I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 12:14 ပူးပေါင်းရင်းမြစ်များ

LESHELE 105:15

“Ino kisheluvekeu iqemi shipusalu nosake; iwu tungkupumi bukevilo.”

LESHELE 106:47

Ni xalulo, O AMPEU niLhou, ashiayehqo launo ningu sachile saghi tsulo, tishianguno ninguye oshikimthini eno oje kimthe sheqhenike.

JEREMIYA 2:3

Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 48:1

Hiye Aqokitikhi MPEU, Israil Lhou no Muab ghenguno pikeu: Nebo lo akemiqo kimiyeshe nolae. panoqo taun ye kutsavae! Kiriathaim ye khasuluvae, tipau liwo kuloghiye tuxaqhivae, eno tipaulo timiqoye shikukujovae;

JEREMIYA 48:47

Ikemu ighinikeu tsalalo AMPEU no Muab pesu itaghi kinikulu shi nani. Hipaqo kumtsu Muab shou shi nani kepi AMPEU no piveake.

JEREMIYA 49:1

Amunmi ghenguno AMPEU no pikeu tsa hike: “Israil lo kiptimiqo khile ani kya? Pano yeghi sushoni kemi lakhimu kuha kesha? Kishi kelauno khunoqono Milkom mllachekemi keno timi tipaqo pelo Gad shiayeh yeghi bocho luvepe puzu tilehi kughuna anipe kya?

JEREMIYA 49:7

Edom ghenguno AMPEU no pikeu hike: Edom lo kuamiqoye aloqhiyi kughathalu chekeu puhavea kesha? Pano lau akukumsu tsuchekemiqoye kiu shikepu keno pitsu chemovea kesha? Panoqo lokutsu kumtsu hauve akesha?

EZEKEL 28:25

Akughushu MPEU no pike, “Ino ashiayeh kutami khunoqo gholo Israil kuthole puwuve keno tipaqo launo Israilmi sachile saghi nani, ashiayeh kumtsuno niye akimthe kepi ithi nani. Israilmiye pano ghakhulo xucheuve nani, tiye ino iqeu Jakob tsukeu ghakhuke.

EZEKEL 28:26

Panonguno kiumu kupunamono xulu nani. Panonguno aki shisu eno atsayilu chisu nani. Pano cheaxulo kuami khunoqono panoqo thaigha chekeno ino tipaqo ghimeqhi nani, Israil ye sukusho qholo anani. Tileno niye panoqo Lhou AMPEU kepi panonguno ithi nani.”

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

EZEKEL 36:5

“Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

EZEKEL 37:21

Tishi puzu panoqo vilo pilo, ike ashiayeh kutami gholo khilehi panoqo wuve keno tilauno ni, Akughushu MPEU no iwu timiqo kumtsu salu nani, panoqo hekutsu kumqo nani eno pano yeghilo sachile saghi nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

ZEKHARIA 1:15

niye ashiayeh khipaqono iquneyi eno alokughuno shiani keno tipaqo shou iloghu kighide ani; kughengu iwu timiqo shou iloghu be akelauye ashiayeh kutamino iwu timiqo shishe ghime auvae.

ZEKHARIA 2:8

Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

ZAKINIU 28:63

AMPEU no nongu pelo kinikulu shilu eno alau ikowolu pekeulo alovi ketoi pano nongu kutsaleve eno shipsave keulo ghi paye alovi nani. Nonguno ngoluniye akeu yeghi lono nongu nhujove nanike.

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.