JEREMIYA 12:1 - BAIBEL (BSI)

¹ AMPEU, ino osasu itsa kugha- kepu pesu kutsala aye, Noye achipiu shiaghive nani putsake. Ikeghi niye osasu kuchou xakutha vehu kigheve masavae. Kushiye kusakughamiye shishe kinikulu shipe kya? Kushiye amikucho kumomino ikukithelupe kya?

Sumi Naga CL (Re-edited) Bible (BSI)

¹ O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

JEREMIYA 12:1 ပူးပေါင်းရင်းမြစ်များ

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

EZRA 9:15

O AMPEU Israil Lhou: Nono kuchou Lhou ke, ninguye ishi tsala hipaulo achili shi pojo ighi kulumiqoke. Nino nixine pesu ozulo puthugho anie. Ninguye ozulo ighi kuzu kumoe.”

NEHEMIA 9:33

Noye nighimeqhi keu achipike, ninguno axine shivekemu noye pukhukulushike.

JOB 12:6

Kupuka kupughami kiye iqunei acheni, eno Alhou phimo kemiye pukhube kulupu acheni, pano kumto no pano lhou shi anamu.

JOB 13:3

Ikemu niye Tuchomujokutsuu putsanie, ino la-akeu pesu Alhou sasu kighejuni shi anie.

JOB 24:12

Aphughi lono thiuchekemi no ighamukue, eno izapusu akeqono akukuphu tsupeniye ighae. Ikemu Alhou ye panongu kighini phitsu moe.

JOB 24:23

Alhou no pano pelo sushokulu shi eno mumbekulu shi xu aghi peluvi, ikemu pa nhethino pulhapuju pano kuxu jukuto acheni.

JOB 8:17

Tipaqo kuhuno ama ghokunaluve cheni eno atuqu vehope acheni.

LESHELE 116:5

AMPEU ye kimiyekini eno aloke; ni Lhou ye qhuivulayikeu.

LESHELE 119:137

Noye achipiuke, O AMPEU eno oyezahye achipike.

LESHELE 119:75

Ino ithianike owu kughakuthaye achipiuke, AMPEU, nono ighimeqhi keuye noye amikuchoe.

LESHELE 145:17

AMPEU ye pano mla ithakeu kumtsulo amikuchoe, pa kumla kumtsulo kupuqhiyikeu ani.

LESHELE 37:1

Kixikilami ghenguno omlo kutakihi akevilo, akumou mlakemi jupesu anheshu kevilo.

LESHELE 37:35

Ghuthu lakhi kixikilami lakhi aka aghashi xukemi ino ithulu pe puani; eno Libanon lo kedar subo toi kutami ghusupe ache;

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

LESHELE 51:6

Noye akikhi eno kuchou avehupushi anike, tighenguno olokutsu pesu imlo tuqhou shika piye tsulo.

LESHELE 92:7

Kixikilamino alupi toi thuwu aghiluvi, akumou shichekeqono kinikulu shi aghiluvi;

AHOLE 1:32

Puju shiju mphikeqoye alokutsu milivekeu ghenguno thive cheni. Mbomzumiye alokumsu kuha keu ghenguno kutsapinyive cheni.

YETSAPIU 8:14

Ikemu tiye adou tsake. Ayeghiqhalo kiu shiani keno julo: ado khaniloye amikuchomiye kixikilamino ghimeqhi cheni eno kixikilamino amikuchomi saxu ithulu cheni. Ino piani, highi adouke.

ISAIAH 41:21

AMPEU, Israil Kukauno hipau piani: ‘Nongu ashiayeh lhouqo, nowu atsa kughakepu peighi julo. Atsa lakulupu jeli kumtsu sughijulo!

ISAIAH 48:8

Ino ithianike noye pukhube kumlami ke, alhokuthulo noye hekibidemi kepi ithi achekemike. Ikehu noye hipau khilemu chilu chemoke, kha-ghinomu hipatsa okinilo ighimphike.”

JEREMIYA 11:20

Tileno ino inikhu, “Aqokitikhi MPEU, noye achipishi xathachekeu lakhie; nono timi kukumsu ngo alou ithikeu jeli kumtsu peju cheni. Ino o-ulo ivehu kulhuqhivetsu ani, ike nono timi hipaqo shou amukhulu keu ipelo jukuto khe pelo.”

JEREMIYA 12:6

Othikuzumi, nobolomi kuchou thotsu ojechuveke ohakuqo qhikeulo panongu ghi chhosuke. Panonguno ashou toi oputsa pinamu noye panoqo pukhu kevilo.”

JEREMIYA 3:20

Ikemu amikucho kumo nipu toi noye ilau amikucho shi achemoke. Ni, AMPEU no piqhi ani.”

JEREMIYA 3:7

Lino hipau kumtsu shive kethiu liye mutsuqheino ideighi nani kepi ino kumsuake. Ikemu liye ilau ideighimoveke eno litsunipu amikucho kumou Juda no tipau kumtsu ithuluake.

JEREMIYA 32:16

Qhuluvekeu kughathalu keu kaku Baruk lau tsuve kethiu ino ishi inikhu,

JEREMIYA 5:11

Israil ngo Juda lo akemiqono ikughapesu qhoi atheshiveke. Ni, AMPEU no pike.”

JEREMIYA 9:2

Asayeqhalo ngokulupu-a ino aghi keaye, iwu timiqo launo poveno tilau wuveni cheke. Panongu kumtsu pichebekum-lamike, muquqhi chekemi muqoke.

AKUMLO 1:18

“Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

EZEKEL 18:25

“Ikemu nonguno ishi pie, ‘AMPEU no kiu shikeno tiye achipi kumoe!’ Nongu Israilmiqo, itsa inilo. Nonguye ino mla ithakeu gholaye achipi kumo kepi kumsu cheni. Nonguno shichekeu gholau no achipi kumouke.

DANIEL 9:14

O AMPEU niLhou nono kishi nighime nani piakeno ni ghimeveke, kughengu noye alhokuthu kiu achipi keno tipau shicheni, ikemu nino otsa inichemo.

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

HOSIYA 6:7

“Ikemu panonguno Adam toi ayeghi lo ighi kemtsa ino panoqo sasu puloshoqhi shikeu kubolevetsu.

HABAKUK 1:4

Ayezah miqemilei eno adou shiauvae eno kuchou xakutha shitsukeu kuhae. Alhoksamino amikuchomi kopuhavae eno tishikehu kuchou xakuthaye shichighivae.

ZEFANIA 3:5

Ikemu AMPEU ye aphughilo aphike; paye kiuno achipi keno tipau shicheni eno achipi kumou khilemu shichemoe. Ina atsu-tsu pawu timiqo lau pano kuchou xakutha sughi cheni. Tishi keghi tilehi achipi kumomino akumou shi acheni eno kujochemoe.

MALAKI 2:17

Nongu tsa kuzano AMPEU ye angaghaive apeke. Ikeghi nonguno ishi inijuke, “Ninguye kishi puzu pa ngaghaivepe kya?” Ishi pikeu lonoke: “Aqokitikhi MPEU ye alhoksa kumlami kumtsu akivi kepi kumsu cheni; kuchouno paye panoqo lau alokivishi acheni.” Momu ishi pikeu lonoke: “Alhou amikuchou kepi chekeu huye khile ani kya?”

MALAKI 3:15

Nino ithulukeuye aqhekuzamino alokivishi ani. Alhoksamiye kinikulu shiluke likhi kumono panonguno panoqo kumla lhoksa shikeu pesu Alhouw kheakulu ghuju cheni tishi keghi kiumu shimono aluve cheni.’ ”

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.