JEREMIYA 11:17 - BAIBEL (BSI)

¹⁷ “Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

Sumi Naga CL (Re-edited) Bible (BSI)

¹⁷ Aqokitikhi MPEU, khuu o shosü keno, Pa no o shou amhekiqi xaküthaza beva, kughengu Israel ngo Judah kibo no alhoksa kümla shike, Baal lau akümllagho tsü keu no I xukutho pe I mlo shikighide tsüe.”

JEREMIYA 11:17 ပူးပေါင်းရင်းမြစ်များ

SAMUEL AKINIU 7:10

Ino iwu timi Israilmi ghenguno a-a lakhi kisheluveno panongu pelo tipaulo ngolupe. Khipa alo khuunomu panongu ghimemono ngokulupu keno tipa alo. Panonguno hipa yeghilo iloghi kelo angukami axekusumino panongu le ache, ikemu itehiye hikithipu shimae. Nongu ghumi launo ino nongu susho luvenike tushoqhi ani eno alagha kughuko tsuni.

YEKIKITHI AKINIU 28:25

Juda lo taun ngo aphughi kumtsu lo pano asu-atu kumlla-a mlape qhi eno tipa qolo tsungqui ta piti kumna pesu inaghami lhouqo lau tsuke. Hikithipu shi puzu AMPEU, pa puasu Lhou loghu pa shou sughike.

LESHELE 44:2

No ampino ashiayeh kutami haleve puzu panoqo yeghilo owu timiqo sawo suke; Nono ashiayeh kutami ghimeqhi ikemu owu timiqo pelo ililayi xulupeke.

LESHELE 80:15

Ighino nono atsaibo shosukeu xalulo, atsai khuni nono thuwupe no mutotoive keu hu!

LESHELE 80:8

Nono Ijip lono atsaibo lakhi suipe ghike; nono ashiayeh kutami hapupo veno tipaqo yeghilo tipau tsaibo shosuke.

ISAIAH 5:2

Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

JEREMIYA 1:14

Tileno AMPEU no ivilo ishi pi, “Ahuu kudauno kutsakungo keu hipa yeghilo akemi kumtsu shou muqhole ikughi nani,

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 11:13

Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

JEREMIYA 12:2

Nono Pano shosuke eno pano- nguno akuhu qusu; thu ipeghi eno axathi pithi cheni. Panonguye pulhapuju opi pivi acheni Ikemu panongu muloye olauno putou acheni.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 18:8

ashiayeh tipauno alhoksa kudauno tsughusu wuve aye ino kiu shini pipuakeno niye shimove nani.

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 2:21

Kishekidelu keu tsayibo, alothi akiviu lono ipeghikeu lakhi toi ino oshosuke. Ikemu noye kiu shiuvea kela julo! noye tsuwuveno amekuhave keu tsayibo toivae.

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

JEREMIYA 26:19

Akukau Hezekiya ngo Juda lo akemiqoye Mika pithiveke kumoe. Tishinike zuqhulo, Hezekiya no AMPEU sumsave eno pa pulou shilu nike pukaputsake. AMPEU no panoqo shou kutsakungo keu sughi nikeu shi pipuakeu lono pa kukumsu kilive. Itehi ghi ninguno ni likhi nishou akumsapu kutsakungo keu sughiniye anie.

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 32:30

Inahu abothu xughili lonomu Israil lo timiqo ngo Juda lo timiqono kiu mulaqhi keno tipauno imlo shikighide acheni iloshipusu achenike.

JEREMIYA 35:17

Ike, ni Aqokitikhi MPEU, Israil Lhou no itehiye nongu Juda ngo Jerusalem lo akemiqo shou kutsaleveni keu ino tushoqhi puakeu kumtsu sughini cheni. Ino hipau shinikeu shiani kughengu ino nongu putsa keulo nonguno itsa initsumoke, ino nongu kukelo nonguye ikhochilemoke.”

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

JEREMIYA 40:2

Ahza kutsuu akijeuno ilikhi isawu puzu ivilo pi, “AMPEU oLhou no ayeghi hipauye kutsa kungoveni keu shi shikichi cheke

JEREMIYA 40:3

eno itehiye pano shiniepi kiu pikeno tipau shivae. Hipaqo kumtsu shivekeuye kutau ghenguno kumono nowu timino AMPEU shou axine shive eno pa gholumoke.

JEREMIYA 42:10

‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

JEREMIYA 44:5

Ikemu nonguno initsumoe momu amlo tsuqhiyikeu kuhae. Nonguye nonguno kutau lhouqo lau aghashi keu yeh lhoksa hu phevemoke.

JEREMIYA 44:8

Nonguye kushiye hilau Ijip lo acheuveniye ighivekeu-alo kutau lhouqo lau lhoxu heqhi mlla ani eno asu-atu julho mlla puzu imlo shikighide ani kya? Nonguno nolikhi nongu kutsaleveniye hipau shi ani kesha? Tishianguno ayeghilo ashiayeh kumtsu nongu phimo ghi peitha eno musuinikeulo nongu je peithapeni kesha?

JEREMIYA 45:4

“Ikemu ni AMPEU ye ino kiu shipuku puakeno xaleqhive ani eno ino kiu shosu keno nhuleve ani.

JEREMIYA 7:18

Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 17:5

Tithiu pano Israil yeghi lono mulosubo lhothe lakhi pesu ighi eno aghuma yeghi lakhilo tipau shosuve, tipau thuwulu kepushi, pulhapuju azu akeu yeghiloke.

HOSIYA 10:1

Israil lo akemiqoye atsayibo lakhilo atsayithi kumzapu pithi akeu toike. Panonguno khijehi kinikulu shilu keno tijejehi akumlla kiptia mlape qhike. Pano yeghino vikitheuveno axa ala ipeghikeulo panonguno mllakeu tuqu tsukucho jukighilepu shi shipeqhike.