JEREMIYA 11:13 - BAIBEL (BSI)

¹³ Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

Sumi Naga CL (Re-edited) Bible (BSI)

¹³ O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

JEREMIYA 11:13 ပူးပေါင်းရင်းမြစ်များ

KUKAMI AKINIU 23:13

Josia no akukau Solomon no Jerusalem kipela kudau Oliv to chhiliu akumlla-a shikeu khipa-a lono aghuthikusu lhou Astarte, Sidonmi lhouliu, Khemos Muabmino mllachekeu lhou eno Amunmi lhou kumlla-a hipaqo kumtsu kughukughalei qhivetsu.

YEKIKITHI AKINIU 28:25

Juda lo taun ngo aphughi kumtsu lo pano asu-atu kumlla-a mlape qhi eno tipa qolo tsungqui ta piti kumna pesu inaghami lhouqo lau tsuke. Hikithipu shi puzu AMPEU, pa puasu Lhou loghu pa shou sughike.

ISAIAH 2:8

Panoqo yeghilo ajulho shisukeuno chhivae eno panongu uno mlakeu asu-atu mllau khavae.

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 17:1

AMPEU no pi, “Juda lo akemiqo, nongu xine ye ayino shikeu pesu yepe qhipuani; tiye hira kumtssu pesu nongu mlolo eno nowu akumlla khache chekulo kihepuku puani.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 19:5

eno panonguno Baal ghenguno akipti-a mlape qhike, tishi puzu panoqo tianuli heqhipe ami lono pitipe mllakeu shiniyeke. Niye panoqo vilo hipau shilopi khilemu ahza tsumoe; hiye ikukumsulo ghi kuhakeuke.

JEREMIYA 2:28

Nolikhi nonguno alhouqo shipesu qhikeu khile ani kya? Nonguno kughou shiluksa shini keno tipaqo pelo nongu xalu pelo, panonguno tishikulupu shiaghiaye! Juda, noye aphughi khijehi ani keno tijejehi alhouqo kutomo puanike.

JEREMIYA 3:24

Ikemu Baal akukujopu lhou mllakeu lono nitsu aqu, anu anga noqo, kha-ghi ghuloki lono nipuasuno mlla chekeu kumtsu puhakhave tsuake.

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

JEREMIYA 32:35

Panonguno Hinom Khila lo Baal lau eno panongu tianuliqo Molek lhou lau heqhi mllanike akipti-aqo mlape qhike. Niye hipau shipenike ahza tsupuamoe eno panonguye hikithipu shipuzu Juda lo timiqo pelo axine shipe nanike pikeu ikukumsulo pinamu iloghi moke.”

JEREMIYA 44:21

“Akumllagho khipau pesu nonguno eno nopuasuno, nowu kukami eno sakiphemi eno aghakhulo akemiqono Juda lo taunqolo ngo Jerusalem laghilalo mllakeu hu AMPEU ye tipaqo mthave momu paye tipaqo kumsumavea kughashi nonguye kumsu ani kesha?

JEREMIYA 44:5

Ikemu nonguno initsumoe momu amlo tsuqhiyikeu kuhae. Nonguye nonguno kutau lhouqo lau aghashi keu yeh lhoksa hu phevemoke.

JEREMIYA 48:35

Ino Muab lo akemiqo pelo panoqo kumlla-alo piti mllachekeu ngo panoqo lhouqo lau heqhipe mllachekeu lakhave nani. Ni, AMPEU no piveake.

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 16:24

alaphe kumtsulo asu-atu julho mllakepu a-a mlape qhike eno salhakeu shikibeke.

HOSIYA 10:1

Israil lo akemiqoye atsayibo lakhilo atsayithi kumzapu pithi akeu toike. Panonguno khijehi kinikulu shilu keno tijejehi akumlla kiptia mlape qhike. Pano yeghino vikitheuveno axa ala ipeghikeulo panonguno mllakeu tuqu tsukucho jukighilepu shi shipeqhike.

HOSIYA 12:11

Ikeghi Gilead lo ajulho shisukeu mlla acheni eno khunoqono tipaqo mlla cheni keno thi nani. Gilgal lo amshitsu heqhi mllae, ikemu tilehi akumllagho kiptiaqoye aluza thoqhalei keulo atu kumqopuakeu shive nani.”

HOSIYA 9:10

AMPEU no pi, “Ino Israil phulu tughuloye tiye asayeqha lo atsayithi phulu aketoike. Kughou ino nongu puasuqo ithulu keno khughuthi kipithi ghulokilo khughuthi kini amusuu toike. Ikemu kughou panonguno Peor Toghi lo ighikeno panonguno Baal mllathuve, eno paikhavino panonguno kupuqhiyi chekeu lhouqo toi panonguye niqhunilaive.