JEREMIYA 10:3 - BAIBEL (BSI)

³ Timi hipaqo chineyehye amekuha ke. Aghasalo asubo lakhi yeqhi asukumlamino ananu pesu tipau chhithake,

Sumi Naga CL (Re-edited) Bible (BSI)

³ kughengu timiqo khuaye ye ame kühae. Asübo lakhi aghasü lono thaqhi no külalumi no amüghü pesü ajulho mla cheni.

JEREMIYA 10:3 ပူးပေါင်းရင်းမြစ်များ

LESHELE 115:4

Panoqo lhouye tsandiyi ngo shunayino shike, timi uno tipau kughulhoke.

ISAIAH 45:20

AMPEU no pi, “Ashiayehlo timiqo, kumqo pesu ighilo, akukaqha ikiqive kelo ghupe puaghikemiqo; atsa kughatha kepushi nonguye ighilo! Asuno ajulho shikeu pesu kulobide piye chekemiqo eno panoqo xamlakeu lhou lau khuchekemiqo, kiumu mthakemiqo!

JEREMIYA 1:16

Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 2:5

AMPEU no pike: “Nongu puasuqoye ino vimono akeu kiu ithulu keno panonguye ilauno putosuve kya? Panonguye ame kuhakeu asu atu mlla eno panongu ampino ame kuhakeu shiuveke.

ACHINE 18:30

AMPEU no pi, “Ino ahza tsukeu gholulo eno nongu zuu timi khunoqono aghakhulo achekeno tipaqo ghushoghili pape kevilo eno ghushoghili tikithipu shikeu lono nolikhi nongu pelo mithemovekeu shikevilo. Niye nongu Lhou AMPEU ke.”

MATTHEW 6:7

“Nongu kighinilo, kutami shiayeh qo toi kumsa tsa kutomo peitha kevilo, kughengu panonguno atsa chilo pikeu lono Alhou no initsu nani kughashi panonguye kumsu acheni.

Apostolmi 19:26

Nongu ampino chilu eno ithuluve ake, Efesia lo likhi kumono Asia yeghiqha kumtsulo Paul ipikeu hipauno timi kumzapu musu kughuzuvae. Pano pikeuno timi u-no mlakeu lhouye khilemu alhou kumoe pi pie.

Rommi 1:21

Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

1 Peter 1:18

Kughengu nonguye apuasuqo launo adou laghi pepimhe susu cheghikeu lono amekusho kiu tsu puzu nongu xaphelu keno nonguno ithi ani. Tiye hauvekepu thime shunayi momu tsandiyino kumoe,