JEREMIYA 10:25 - BAIBEL (BSI)

²⁵ Omllamokeu shiayehqo shou ologhu ide eno opevekemiqo shou tipau pukulo. Panonguno owu timiqo pithivetsu; panonguno qhoyi ningu kutsa leveke eno niyeghi ixapinyi qhivetsuke.

Sumi Naga CL (Re-edited) Bible (BSI)

²⁵ O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 10:25 ပူးပေါင်းရင်းမြစ်များ

JOB 18:21

Kuchouno alhoksami kuxu eno Alhou kumthami ye hitoike.

LESHELE 14:4

Akighithi kuha kesha? Kusakughami kumtsuno hipaqono asho chukeshi iwu timiqo tsa khaveke, eno panonguye AMPEU vilo inikhu moe.

LESHELE 147:20

Paye ashiayeh kutami ghenguye hipau shipuamoe; panoqoye pa yezah mthake. AMPEU sheqhelo!

LESHELE 27:2

Kughono alhoksamino iha-ighi eno ipithiveniye pukaputsa keno, ighumi eno imithichekeqoye kupuxape iluqive nani.

LESHELE 69:24

Ologhu kighide panoqo shou lepu kulo; oxu kighideno panoqo hathaluve pelo.

ISAIAH 43:22

AMPEU no pi; ‘Ikemu Israil, nonguye iju anga ghaiveke; nonguno imllamoveke.

ISAIAH 64:7

Milakhimu akighini lono olau ideghimoe, milakhimu opelo kuphu penike wumoke. Noye nilauno itshuluve eno nixine ghenguno niqhiveke.

ISAIAH 9:12

Kipelauno Siriya eno kulolauno Filistiya no Israil tsuchuve nike panoqo baxa mukupe ani.Tishimu AMPEU loghu ye ashekha shi mphike; ghimeqhi nike pau chhopesu achephike.

JEREMIYA 11:1

AMPEU no ivilo pike,

JEREMIYA 30:16

Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

JEREMIYA 50:7

Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

AKUMLO 2:22

Nono ighumi kusuno aqha kumtsu lo isuhu pesu shikumsa keu ghulhu shipe, eno omlo kighide tsalalo khunomu pokaulu momu puxulu pe move. Ino ati anuli khunoqo tuchomujo saputhu keno panonguno ghiqhivetsuke.

ZEFANIA 1:6

Khunoqo no ilauno idewove eno ipapemoveni eno khunoqono ilau ighimoni momu panoqo sapiyelo pi inijumoni keno ino tipaqo kutsa leve nani.”

ZEFANIA 3:8

AMPEU no pi, “Ino ithupuzu ashiayehqo ngukunikeu tsala kutolo khe-aghilo. Niye ashiayehqo ngo akukaqhaqo hekutsu nike xathaluvae, eno panoqo shou iloghu agho-shi pipekeu ithipe nani. Ayeghiqha kumtsu iloghu mikuyiquno pitileve nani.”

ZEKHARIA 1:15

niye ashiayeh khipaqono iquneyi eno alokughuno shiani keno tipaqo shou iloghu kighide ani; kughengu iwu timiqo shou iloghu be akelauye ashiayeh kutamino iwu timiqo shishe ghime auvae.

John 17:25

Apu Amikuchou! ayeghiqhaye omtha ikemu niye no ithi ani, eno nono ipuwukepi hipaqono ithi ani.

Apostolmi 17:23

Kughengu ino iqho-iqi puzu nonguno chini chekeu-a jukelo ashikimthe kipti-a lakhilo ishi yepuku puakeu ino ithulue. ‘Ithiwo tomlakeu Lhou salla.’ Tishiaye, ti khikhi nonguno mlla cheni kemu, nonguno mthano acheni keno, nongu vilo tihu ino asheshu ani.

1 Kor. 15:34

Nongu kukumsu achipiulo ighivelo eno axine shikithe akevelo. Kughengu nongu khamiye Alhou mthake, nongu shikukujo nike niye hipau piani.

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”