JEREMIYA 10:16 - BAIBEL (BSI)

¹⁶ Jakob Lhou ye panoqo toimoke. thwokha kumtsu lhokeuye pa likhinoke, eno pawu timi shipenike pano Israil kishelue. Pa jeye Aqokitikhi MPEU ke.

Sumi Naga CL (Re-edited) Bible (BSI)

¹⁶ Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 10:16 ပူးပေါင်းရင်းမြစ်များ

LESHELE 119:57

O AMEPU, niye olikhi lunishike; niye oyezah gholunikeu piqhike.

LESHELE 135:4

Pano pa likhi pa ghenguno Jakob kisheluke, Israilmi pe pawu shiniye kisheluke.

LESHELE 142:5

AMPEU, ikuphupe nike ino ovilo ighamuku ighae, AMPEU, nono isushokuluu ke; akuxu hipaulo noye ino lunishi chekeu ke.

LESHELE 33:6

AMPEU tsano kungugha lhoke, aqhi, tsukinhe eno ayepuqoye pa tuthu kisheno lhoke.

LESHELE 73:26

Ikukumsu ngo iphiashiye qeinai kitheluvi, ikemu Alhou ye ikumtoke, pulhapujulo iwuke.

LESHELE 74:2

Owu timi, khipaqo nono kha-ghino kisheluve akeno tipaqo kumsululo, khunoqo timi quaxe shiakelono owu timi muqo shipeniye saipe ghikeqo kumsululo. Zion toghi, ghuthu lakhiye nono tile achekehu kumsululo.

IPEKULU 19:5

Ike itehiye nonguno igholu eno iwu puloshoqhi pelu aye nonguye iwu timiqo shi nani. Ayeqhiqha kuchopu iwu ke ikemu nonguye iwu kishe kiphemi shi nani,

IPEKULU 34:9

Pano pi “AMPEU, kuchouno nono ilau amlo qi ani pi aye nisasu wutsulo pi ino oqhuiniju ani. Timi hipaqoye kuthovilo kemiqoke ni lhoksa eno ni xine peivetsulo eno owu timiqo kepi ningu ikhiluve tsulo.”

AHOLE 16:4

AMPEU no mlape puakeu jeli kumtsu pututa kimji ani; eno kixikilamiye kutsapinyiveni keu kimji shipe puani.

ISAIAH 19:25

Aqokitikhi MPEU no panoqo kumghatsu nani eno ishi pi nani, “Iwu Ijipmiqo, no Asiriya ino lhokeu eno no, Israil, ino kisheluve keu timiqo, ino nongu kumghatsuni.”

ISAIAH 45:7

Ino akuvu ngo akuzu kuma lhophe tsuke; Ino kukumgha ngo kutsakungo keu kinikujo sughi cheni. Ni, AMPEU no hipaqo kumtsu shichenike.

ISAIAH 47:4

Israil Lhou akimtheuno nikuqho pheke pa jeye Aqokitikhi MPEU ke.

ISAIAH 47:6

Niye iwu timiqo shou imlo ideke; panoqoye iwu kumo toi ino peitha veke; Ino panoqo pesu okukalo suve tsuke, eno noye panoqo kimiyeqhiyi keu piyemoke; kitemi ghi nono mughachhoi peithake.

ISAIAH 51:15

“Niye nongu Lhou AMPEU ke; Ino azughi xuputhoke eno tipau zufukukuchono igha cheni. Ijeye Aqokitikhi MPEU ke!

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

JEREMIYA 10:12

AMPEU no pa kuka pesu ayeghi mlake; Pa lokutsu pesu ayeghiqha lhopheke eno kungugha qhachhowoke.

JEREMIYA 10:6

AMPEU, otoikemi milakhimu kuhae; noye akuka kughushuke eno ojeye kije eno akuka ani.

JEREMIYA 31:35

Puchou tsalalo akuvu ghenguno AMPEU no tsukinhe kutotsuke, putholo vuqai penike aqhi ngo ayepuqo tsuke. Pano azughi xukutho puthuke eno tipau igha chenipeke; pa jeye Aqokitikhi MPEU ke.

JEREMIYA 32:18

Nono iqemokeu kikimiye qhethonhe lau piye puanike, ikemu noye apuaza xine ghenguno ghi timiqo ghimeqhi cheni. Noye kije eno akuka akeu Lhou ke; noye Aqokitikhi MPEU ke.

JEREMIYA 33:2

AMPEU khuuno ayeghi mla, khuuno tipau lhophe eno tipau pesu tipa-alo qhikeno, pano iputsake. Pa je AMPEU ipikeuno ishi pike,

JEREMIYA 46:18

Ni, Aqokitikhi MPEU no akukauke, niye xuachekeu Lhou ke. Tabor naghutono naghuto kutau nguno qhemghai akeshi, Karmel naghutono azughi shou chuqumughai akeshi, ole ighi nikeu kuka kumtoye titoike.

JEREMIYA 50:34

Ikemu panoqo xapheluniye akeuye mutotoike - pa jeye Aqokitikhi MPEU ke. Pa ampino panoqo ghenguno pitsu kepu shi nani eno ayeghilo iquighaikeu sughi nani, ikemu Babilon lo kuami lau akupuna sughi nani.”

JEREMIYA 51:19

Jakob Lhou ye tipaqo toimoke; Pano thwokha kumtsu lhoqhike, eno Israil kishelu keuye pawu timiqo shiache peniyeke. Pa jeye Aqokitikhi MPEU ke.

AKUMLO 3:24

Niye kiumu kuhakemu AMPEU ani ikehu pa shou iwu lajupu qhicheni.

AMUS 4:13

Naghutoqo eno amlhu lhokeuye Alhou likhinoke. Pano timi pelo pa kukumsu ithipe cheni; pano puchou pesu putho shivepe cheni. Paye ayeghi kuchuqu shou nepuku cheni, pa jeye hike: AMPEU, Aqokitikhi Lhou ke!

ZEKHARIA 2:12

Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.

ZAKINIU 32:9

ikemu Jakob polo kughukomiye pa sala shi pano kishelue.