JEREMIYA 10:12 - BAIBEL (BSI)

¹² AMPEU no pa kuka pesu ayeghi mlake; Pa lokutsu pesu ayeghiqha lhopheke eno kungugha qhachhowoke.

Sumi Naga CL (Re-edited) Bible (BSI)

¹² Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

JEREMIYA 10:12 ပူးပေါင်းရင်းမြစ်များ

BOTHUBO 1:1

Abothu lono Alhou no atsutsu ngo ayeghi lhoe.

BOTHUBO 2:5

atsunibo lakhimu eno alothi lakhimu ayeghilo lhoipeghi mono ae, kughengu AMPEU Alhou no ayeghi shou tsughu puku pemono ake eno timi lakhimu achhigha chimono ake.

YEKIKITHI ATUGHIU 16:26

Ashiayeh kutami lhouqoye kumtsu ajulho likhie, ikemu AMPEU no atsutsuqo eno thime jeli kumtsu lhoe.

JOB 26:7

Pano ahuu kumsa-a lo atsutsu su khoe, eno kumsa keu alo ayeghi pesu tuthuqhie.

JOB 37:18

Noye Alhou sasu atsutsu sukholu nani kesha? Ayi azu tsupu akeshi ti akumgha shilupe nani kesha?

JOB 9:8

Alhou likhino atsutsu sukhoke, eno azughi ghahwu ghutsu nedake.

LESHELE 104:2

Noye akuvu pesu okuzupu anike, nono aphiki sukho ketoi kungugha xakhoke.

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

LESHELE 119:90

Tiqheli kumtsulo omikuchoye haumokeuke; nono ayeghi pe pa-alo qhike eno tiye tishi acheni.

LESHELE 24:2

Pano azukutho shou tipau ghopeqhi, eno azughi kutholo tipau boqha qhapeqhike.

LESHELE 33:6

AMPEU tsano kungugha lhoke, aqhi, tsukinhe eno ayepuqoye pa tuthu kisheno lhoke.

LESHELE 65:7

Nono azughi ghugha ghasu, azutu kucho sutsa ghasu; nono timiqo ghugha ghakuquke.

LESHELE 78:69

Tilehino kungughalo paki akeu toi pa chineki shike; ayeghi hutoi pano tipau shikumtope qhike eno pulhapujulo mutotoi shikumto pe qhike.

LESHELE 93:1

AMPEU ye akukauke. Paye akughushuu eno akumto pepusu ani. Ayeghiye pa alo mutotoi qhipe puani eno ithave pemlake.

AHOLE 3:19

AMPEU no pa lokutsu lono ayeghi lhope; pa kighithi lono atsutsu kughupe qhi.

AHOLE 30:4

Khuno atsutsulo kighithi ithikhaluve akya? khuno pa-u pesu amlhu tsuqulu akya? momu aphi tachu lono azu gholu akya? momu tsutsu yeghibo shope puani kya? paye khuu kela noye ithi ani kesha? eno panuye khuu kya?

ISAIAH 37:16

“Akughushu MPEU, Israil Lhou, kerubim shou akuka lakhulo iqa akeu, olikhino Alhou ke, ayeghiqhalo akukaqha kumtsu shou ayehpe akeu. Nono ayeghi eno atsutsu lhopheke.

ISAIAH 40:22

Tiye ayeghi ngo atsutsu nguno hukudau kunguu pa kuka lakhulo iqa akeuno mlake; timi aqhou akemiqoye alhache toi kititike. Pano aphi xachho akeshi atsutsu xachhoke, ngonikeu aphiki lakhi shiwoke toi.

ISAIAH 42:5

Alhou no atsutsu lhophe eno tipau sukhope puani; pano ayeghi eno tile akuxu akeu kumtsu akoghe shipheke; Pano tile timi akeqo kumtsu lau akuxu eno atuthu tsuke. Itehiye AMPEU Alhou no pa qeu vilo ishi pi,

ISAIAH 44:24

“Niye AMPEU, nongu xakuluu; nongu lhophekeu huye nike. Niye AMPEU, thwokha kumtsu lhokipheu ke. Ilikhino kungugha sukhope qhike; Ino ayeghi lhokelo, kutami khuu nomu ikuphu puamoe.

ISAIAH 45:12

Ayeghi lhokeu huye inoke eno tile kughunape nike timi jeli lhoke. Ikuka pesu ino kungughaqo sukhope qhike; ino tsukinhe, aqhi eno ayepuqo tsuqupe ani.

ISAIAH 45:18

AMPEU no kungughaqo lhopheke, Alhou ipichekeu huye pake! Pano ayeghi kughu eno lhopheke, pano hipau mutotoi shike eno pepushu niyeke. Paye hipau pesu munamghai lhoke kumoe, ikemu timi pelo kughunache peniyeke. Hipau pikeu huye panoke, “Ino AMPEU ke, alhou kutau kuhake.

ISAIAH 48:13

I-uno ayeghi boqha mulake eno kungugha sukhope qhike. Kughou ino ayeghi ngo atsutsu kuni kelo tipaqono payi ighi puzu puthughope ngoluve cheni.”

ISAIAH 49:8

AMPEU no pawu timiqo vilo pike, “Kughono nongu xalukepu ghuloki ighini keno, ino nongu kupuqhiyi keu piye nani eno nonguno kuphulepi ighakeu khochile tsu nani. Ino nongu kheni eno nongu sushoni eno nongu vechewo timi kumtsu sasu puloshoqhi lakhi shi nani. Itehi noyeghi peveno adoushi akeulo itaghi nongu pelo ngolupe nani.

JEREMIYA 10:13

Pano ahza tsukeulo atsutsu kunguu azu akeuno igha; pano ayeghi shekha lono khungkusu saghi. Tsughu akelo pano tsutsupha kulo cheni eno pano pekutsupua kebo lono amlhu puwu.

JEREMIYA 10:16

Jakob Lhou ye panoqo toimoke. thwokha kumtsu lhokeuye pa likhinoke, eno pawu timi shipenike pano Israil kishelue. Pa jeye Aqokitikhi MPEU ke.

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JEREMIYA 27:5

“Ikuka kumto kije pesu ino ayeghiqha ngo timi lhoxu eno ayeghilo xuakeu lhoxu kumtsu lhophetsuke; eno tipau pesu khuu khumu ino kishelukemi tsucheni.

JEREMIYA 32:17

“AMPEU Alhou, nono okuka kije eno okumto pesu ayeghi ngo atsutsu mlake; oghenguye kiumu kupunakeu kuhae.

ZEKHARIA 12:1

Hiye AMPEU launo Israil ghenguno atsape tsukeuke. AMPEU khuuno atsutsu sukhope qhiwo, ayeghi lhophe eno timi lolo akuxupi kughulhotsu keno pano piani:

John 1:3

Alhou no pa vechewo thwokha lhoke eno pa sumoke loye kiumu lhoqhi pe puamoe.

Kolosiami 1:16

Kughengu pa su-puzu kungughalo, ithukulu, ithukumla, akuka lakhu, ayehkipe qha, ayehkipemi eno ayehkipeqo namu kumtsu Alhou no lhopheke. Thwokha pano lho eno pa vehupu ghenguno lhopheke.