JEREMIYA 1:19 - BAIBEL (BSI)

¹⁹ Panonguye otheqhi mla nani kughengu ino osusho nike ogholo ani. Ni, AMPEU no piqhi ani.”

Sumi Naga CL (Re-edited) Bible (BSI)

¹⁹ Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

JEREMIYA 1:19 ပူးပေါင်းရင်းမြစ်များ

LESHELE 129:2

“Ino lhothemi shiaphi lono ighumino akijikusa pushi ighimeke, ikemu panonguye ishou tolu mphike.

JEREMIYA 1:18

Julo, Juda yeghiqhalo akemi kumtsu kukami, kijemi, achinemi eno timiqono omujo nani. Ikemu ino ishi tsala lono panoqo mujochile kulupu kumto otsu ani eno noye aphughi veho putupuakeu phughi lakhi toi nani, ayino shikeu tsukucho toi nani eno alazayi pesu putupuakeu toi nani.

JEREMIYA 1:8

Noye panoqo jupe msa kevilo kughengu ino ogholo anani eno osusho nanike. Ni, AMPEU no pianike!”

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

JEREMIYA 11:21

Anathot lo akemiqono ipithive penishi acheni, eno panonguno ivilo pikeuno ino AMPEU tsape pesu asheshu aye panonguno ipithiveni pike.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 2:1

AMPEU no ivilo

JEREMIYA 20:10

Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

JEREMIYA 26:8

AMPEU no ivilo pilo pi ahza tsukeu kumtsu ino pitave kemtsa panonguno itsuquluveno ighamuku pi, “Noye hipau ghenguno pithive kepushivae!

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 39:17

Ikemu ni, AMPEU no osusho nani eno noye nono musa akeu timi ulo suvetsumo nanike.

JEREMIYA 42:11

Babilon kukau musa kevilo. Ino nongu gholo ani eno pa kuka launo ino lekholuve nani.

JEREMIYA 46:28

Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsave nani, ikemu niye nongu kutsamo nani. Niye nongu ghimemono puwuvemo nani; ikemu ino nongu ghimekeulo niye aghibiu lono shi nani. Ni, AMPEU no piveake.”

DANIEL 3:25

Akukauno iniju, “Tishi aye kishino niye pano bidi ami mutalo alache iqho iqi chekeu ithulu anikea? Panongu phiau tsughapua moe, panonguye kitilamu ami gholo ake mihi amoe, eno panoqo gholo abidiuye alhou lakhi jutoi ithulu anie.”

AKIKIHI 14:9

AMPEU hebide kevilo eno timi tilehi kughuna akemiqo jupesu musa kevilo. Ninguye mulalei panongu leluve nani. AMPEU no ningu sasu ani eno panoqo sushope akeqo ghahwu shou pano theqhiluvae, tighenguno panongu jupe musa kevilo.”

Apostolmi 26:17

Israilmi eno Judakumomi launo ino oxaphelu nani, tipaqo lau ino opuwu anike.

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”