JEREMIYA 1:18 - BAIBEL (BSI)

¹⁸ Julo, Juda yeghiqhalo akemi kumtsu kukami, kijemi, achinemi eno timiqono omujo nani. Ikemu ino ishi tsala lono panoqo mujochile kulupu kumto otsu ani eno noye aphughi veho putupuakeu phughi lakhi toi nani, ayino shikeu tsukucho toi nani eno alazayi pesu putupuakeu toi nani.

Sumi Naga CL (Re-edited) Bible (BSI)

¹⁸ Julo, I no ishi no o pesü ayeghi kümtsü mjochile kepu, Judah kükamiqo, tile kijemi, achinemi, eno ayeghi lo timiqo mjochile kepu aliwo kumto phughi shitsüni, ayi no shikeu tsükucho, alazayi tupiqo shitsüni.

JEREMIYA 1:18 ပူးပေါင်းရင်းမြစ်များ

ISAIAH 50:7

Ikemu panonguno ithaighakeuye ighuza mla kughengu AMPEU Alhou no ikuphuke. Tighenguno niye agi teqhiteleyi tipaqo kutuu kutu-o luke.

JEREMIYA 1:17

Jeremiya, kutolulo, wulo ino ovilo pilopi ahza tsukeu kumtsu pesu panoqo vilo pilo. Noye panoqo musa ichi kevilo tikumo aye nono panoqo zulo akelo ino opelo alau msa ichivepe nanike.

JEREMIYA 1:19

Panonguye otheqhi mla nani kughengu ino osusho nike ogholo ani. Ni, AMPEU no piqhi ani.”

JEREMIYA 15:10

Niye kiutoi ahakusapu timi kela! kushiye iza polono ayeghilo ipunu supe kela! Niye aghakhulo timi kumtsu sasu muto eno kutsalakepu shike! Niye khuu vilo mu pisa nalu puamoe momu puna puamoe; ikeghi kumtsuno imusuinike.

JEREMIYA 15:20

Timiqo sheloye ino okugha pesu alazayino shikeu tozu paphi shitsu nani. Panonguno omjo chile nani ikemu panonguye oshou tolu pemo nani. Ino osushoni eno akivishi okhenike ghenguno ogholo ache nani.

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

JEREMIYA 21:4

Zedekiya vilo pilopikeu pesu ino pike: “Zedekiya, owu ghushimi qono Babilon kukau ngo pa ghushimi sasu aghushi akeulo ino nongu pelo tomlave peni cheni. Aphughi mtsalono ino owu ghushimiqo ghunanu kisheqhipe qhi nani.

JEREMIYA 26:24

Ikemu Safan nu Ahikam no isaphu akehu timiqo ulo heqhipithive penike ikhi phetsu move.

JEREMIYA 34:3

Noye pomla nani; noye kughaluveno pa ulo suve nani. Noye agi kinheqhi pa sasu kusholu nani eno ampino kuptsa nani; tishi puzu noye Babilon lo wu nani.

JEREMIYA 37:7

Zedekiya vilo pilopike, “Ijipmi ghushimino okuphuniye alalo cheake, ikemu tiye pano ghakhulo idewove nani.

JEREMIYA 38:18

Ikemu nonguno qhoi liqhipe suvemoaye hipau phughiye Babilonmi lau tsuveni cheni eno panoqono hipau pitileve nani eno noye panoqo launo povemla nanike.”

JEREMIYA 38:2

AMPEU no ishi pikeu pesu piachekeu chiluve, “Khunono aphughilo ngo auveni keno aghukishi momu akhuava eno kusukini lono thina nike. Ikemu khuno aphughi lono ipeve puzu Babilonmi lau liqhipe suveni keno tipaqoye heqhipithivemo nanike; paye pa kuxu likhimu pukhaluniake.”

JEREMIYA 42:22

Tighenguno hipau kumsululo: nonguno khipa yeghilo wunishi ani eno tilau xuauveniye ani keno tilauno nonguye aghukishi, akhuava momu kusukini lono thi nanike.”

JEREMIYA 6:27

Jeremiya, timino ayi ghujuke toi iwu timiqo pejulo eno panonguye kiu toi anikela julo.

John 1:42

Tishi puzu pano pa sasu Jisu lau ighi. Jisu no pa ju puzu pi, “Noye Johan nu Simon ke. Oje Kefa ku-tsunie.” (Tiye Pitor ipikeu eno pa kiqiye “Atuqu.”)

Piyeküsü 3:12

Khunono theqhikulushi tolunikeno, ino pa pelo iLhou chinekilo atsukucho lakhi shipe nani; paye tipau lono khilemu khalau wuvemo nani, eno ino pa shou iLhou je eno iLhou phughi je yepuku nani. Aphughi tiye kungughalo Alhou launo iqighinikeu Jerusalem akitheuke. Ije akitheu ghi ino pa shou yepuku nani.