JEREMIYA 1:16 - BAIBEL (BSI)

¹⁶ Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

Sumi Naga CL (Re-edited) Bible (BSI)

¹⁶ I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 1:16 ပူးပေါင်းရင်းမြစ်များ

KUKAMI AKINIU 22:17

Panonguno imiliveno alhou kutau lau aghakishi gho pesu mllave eno panongu kumla tishikeu lono igha shikighide vetsue. Iloghu kighide Jerusalem shou avae eno tiye puhave mla nani.

YEKIKITHI AKINIU 15:2

eno pano Akukau Asa sasu kusholuni ke wu. Pano ishi igha ku, “Akukau Asa ngo nongu Juda ngo Benjamin lo kuami kumtsu itsa inilo! AMPEU ye nonguno pa gholo ake kutolo nongu gholo ani. Nonguno pa phuju aye paye nongu pelo pa phulu pe nani, ikemu nonguno tsughusu wuve aye pano nongu qhive nani.

YEKIKITHI AKINIU 28:2

eno Israil lo kukami kuxu papewuve. Pano ayino Baal julho shipe qhiuve,

YEKIKITHI AKINIU 34:25

Panonguno ipeveke eno kutau lhouqo lau aghakishi pesu tsuke eno panonguno mlave keu huno iloghu xukuthove tsuke. Iloghu ye Jerusalem shou xukutho pukuvae eno tiye iquilomo nanike.

YEKIKITHI AKINIU 7:19

Ikemu no eno owu timiqono ino nongu tsukeu yezah ngo ahzaqo hebideveno kutau lhouqo mllawuve aye,

ISAIAH 2:8

Panoqo yeghilo ajulho shisukeuno chhivae eno panongu uno mlakeu asu-atu mllau khavae.

ISAIAH 37:19

tipaqo lhouqo pitile vetsuake, tipaqoye alhouqo kekumoe ikemu timi uno asu ngo atu pesu ajulho kughulhokeuke.

ISAIAH 44:15

Timino asubo pesu hami sukughupusu shi eno hamino ajulho shisu nikeulo peitha ishi chenike. Asubo lakhilo aleqhi lakhi pesu ami shipuzu pano pughalu eno achuqupu belu lholu; aleqhi lakhiuye pano alhou lakhi shicheni eno tipau mlla cheni.

ISAIAH 65:3

Panonguye kujomomitheno imlo shikighide acheni. Panonguno chinichekeu ghutulo lhoxu heqhipe tughachine shike eno tughachine khachelo tsungquikeu-ta pitike.

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 10:3

Timi hipaqo chineyehye amekuha ke. Aghasalo asubo lakhi yeqhi asukumlamino ananu pesu tipau chhithake,

JEREMIYA 11:12

Tithiu Juda ngo Jerusalem lo kuamiqoye panoqono akumllagho heqhipe mllache keu lhouqo lau wu nani eno tipaqo vilo kuphulepi ighamuku pi nani. Ikemu kughou kutsakungo keu hipau ighini keno alhou tipaqoye panoqo xamla nani.

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 2:28

Nolikhi nonguno alhouqo shipesu qhikeu khile ani kya? Nonguno kughou shiluksa shini keno tipaqo pelo nongu xalu pelo, panonguno tishikulupu shiaghiaye! Juda, noye aphughi khijehi ani keno tijejehi alhouqo kutomo puanike.

JEREMIYA 4:12

AMPEU no ahza tsukeu lono ighikeu mulhuye tinguno akumkau shi nani! Tiye AMPEU ampino pawu timiqo shou kughakutha pibe anike.

JEREMIYA 4:28

Ayeghino mloqa nani; atsutsuno zumoleive nani. AMPEU no piveake, pano kumsaqhivae pano kughathave ake eno athiu idewovemo nanike.

JEREMIYA 44:17

Ninguno kiu shiniepi pivea keno tipau kumtsu ninguno shi nanike. Ninguno nilhouliu, Atsutsu Kukaliu lau akumllagho pesu tsua nani; eno ninguno li lau aji pesu akumllagho shi leqhi tsu nani, tiye ninguno eno nipuasuqono eno nikukauno eno niwu sakiphemino Juda lo taun akeqolo eno Jerusalem laghilalo shicheke tho ninguno shi nani. Tishiche keu lono ninguye achuqupu kupukunoshi acheke, ninguye kinikulushi cheke eno akupuna kiumu kuhake.

JEREMIYA 5:29

“Ikemu hikithipu thime ghenguno ni, AMPEU no panoqo ghimeqhi nani; hipa shiayeh shou ino amukhu lunanike.

JEREMIYA 5:9

Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

JEREMIYA 51:17

Tipau ithulukeulo, timino mamaive eno akukumsu hauve; asu-atu julho mlaqhi chekemiqo vehu kughuzu shive, kughengu panonguno mlaqhikeu lhouqoye kichileu eno akuxu kuhae.

JEREMIYA 7:17

Juda phughilo ngo Jerusalem laghilalo panonguno kiu shi ani keno noye ithumla kesha?

JEREMIYA 7:18

Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 16:18

Ino aye shisukeu phimini otsukeu nono ikhipesu ajulho tipaqo puuke eno ino oliv teli ngo tsungquikeu ta otsukeu pesu ajulho mllake.

EZEKEL 24:14

Ni, Akughushu MPEU no pivae. Ino chhosu masakeu ghuloki ighivae. Niye oxineqo palokutovemo nani momu kimiyekeu eno kupukeu piyemo nani. Nono mula puakeu ghenguno oghimeqhive nani.” Akughushu MPEU no pivae.

HOSIYA 11:2

Ikemu ino khije alau pa kukeno, tijejehi paye ilauno tsughusuwuve. Iwu timiqono Baal lau lhoxu heqhipe mlla; panonguno ajulho shisukeu lau tsungqui keu ta pitikumna.

HOSIYA 8:6

Israilmi ayikiyiqimino ajulho shike eno tiye khilemu alhou lakhike kumoe! Samaria shunayi mishitsu mllachekeu huye hepho kighinyive nani!

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

Apostolmi 7:41

Tishi puzu panonguno amshiti lakhi shipeqhi eno hipa julho lau akumllagho pesu mlla, eno panongu uno mlaqhilukeulo ahukulu shi aghulhu shi.

ZAKINIU 28:20

“Nonguno alhoksa mla eno AMPEU milive aye pano kutsakungo keu, kubangu keu eno akupuna nonguno mla itha keu kumtsulo sughi tsu nani, tiye papashi eno qhoi nongu kutsale khavemoke kutolo tishi nani.

ZAKINIU 31:16

AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

JOSHUA 24:20

eno nono tusumi lhou mllaniye pa qhive aye pano oshou ideighi nani eno oghime nani. Pano opithive nani, paye puzuu ye oghenguno akivishi aghi luvi.”

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.