JEREMIYA 1:15 - BAIBEL (BSI)

¹⁵ kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

Sumi Naga CL (Re-edited) Bible (BSI)

¹⁵ I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

JEREMIYA 1:15 ပူးပေါင်းရင်းမြစ်များ

ISAIAH 22:7

Juda yeghi aghuma khilaye aghushi khurkuluno nhakhape ani; ghushimino khurshi shou iku puzu Jerusalem Khagho zulo puthughope ani.

JEREMIYA 10:22

Inilo! Asutsa ighivae! Ahuu akeu shiayeh lakhilo muqhu- akeu kije ipeghi ani; tipaulo ghushimi lojino Juda lo aphughiqo asayeqha kughulhovetsu nani, eno sherno ngokeu-a shivetsu nani.”

JEREMIYA 10:25

Omllamokeu shiayehqo shou ologhu ide eno opevekemiqo shou tipau pukulo. Panonguno owu timiqo pithivetsu; panonguno qhoyi ningu kutsa leveke eno niyeghi ixapinyi qhivetsuke.

JEREMIYA 13:20

O Jerusalem, julo! Oghumiqoye ahuu kudauno iqi cheni! Nongu pelo jukuto peniaye pichetsu cheni, nowu timi nonguno jupesu qheza chekeqoye khile ani kya?

JEREMIYA 25:28

Panonguno aulono ajukhu ikhilu tsumopi aye eno tipau shomo piaye tileno panoqo vilo Aqokitikhi MPEU no pikeuno panonguye tipau lono shoni aphike pilo.

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 33:10

AMPEU no pi, “Timiqono piakeuye a-a hipauye asayeqha toike, tipaulo timi kuhae momu tipaulo tughashi lhoxu ngomovae. Panonguno piakeu tiye achipike; Juda lo taunqo eno Jerusalem laghilaqoye yenguyeleivae; timi mu lhoxuqomu tilehi kuha. Ikemu a-a hipaqolo nonguno itaghi

JEREMIYA 34:1

Kughou Babilon kukau Nebukadnezar ngo pawu aghumiqo, ashiayeh jeli khunoqono pa qholo achekemiqo muqono panoqo choqhepe puzu Jerusalem ngo tipau holo taunqo le akeno AMPEU no iputsake.

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 39:3

(Kughou Jerusalem leluve keno Babilon kukau wu kijemi kumtsu Khagho Amtau lo ighi puzu pututa-alo ngolukhave; tipaqo gholo Nergal Sarezer, Samgar Nebo, Sarsexim eno itaghi kutami Nergal Sarezer ghi ighi puzu ngoluve.)

JEREMIYA 4:16

Panonguno ashiayehqo kutughu nike ighi ani eno Jerusalem vilo aghumiye ayeghi putouno cheni kepi piniyeke. Aghumi hipaqono Juda lo aphughiqo shou igha ikughi nani

JEREMIYA 4:6

Zion kudau ala kichepiyelo! xulu kepushi polo! munu kevilo! AMPEU no ahuu kudauno alhoksapu eno kutsakungo keu kije lakhi sughi ani.

JEREMIYA 43:10

Tipathiu panoqo vilo pilo, ni, Aqokitikhi MPEU, Israil Lhou no iqeu Babilon kukau Nebukadnezar hipa-alo saghi nani pilo, eno pano atuqu hipaqo nono qhapuakeuqo shou pa kuka lakhu qhi nani eno akukau phiki atuquqo shou xakho nani.

JEREMIYA 44:6

Tighenguno ino imlo kighide ngo iloghu pesu Juda lo taunqo shou eno Jerusalem laghilalo lepukuke eno ino tipaqo shou ami suvetsuke. Tipaqoye ixapinyi qhiveke eno jukumsapu shivetsu, ishi kutolo tishi anike.

JEREMIYA 46:24

Ijipmiye shikukujove; panonguye ahuu akemiqono leluveke. Ni, AMPEU no piveake.”

JEREMIYA 5:15

Israil lo akemiqo, AMPEU ye nongu leve penike ashiayeh lakhi putosuuno saghini cheni. Hiye mughachhoi keu eno mulholo shiayeh lakhike, nonguno panoqo tsa ale mthakeu shiayeh lakhike.

JEREMIYA 6:22

AMPEU no pi, “Ahuu akeu ghakhu lono timiqo cheni; putou akeu shiayeh kije lakhino aghu shinike kuto kugho ani.

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

AKUMLO 5:11

Zion totimi qoye kutamino sazuvetsu; Juda lo aphu akeqo kumtsulo ninga noqoye anguka lono shipusave tsuke.

EZEKEL 32:30

“Ahuu kukapumi kumtsu tilau ani, eno tihutoi Sidonmi ghi ani. Ghuthu lakhiye panoqo kuka kumtono shithughui cheke ikemu itehiye panonguye aghushi lono thivekeqo sasu kujomza kepushi iqivae eno inaqhoi ihozuvae, aphighuyiko ghamoke. Panonguye kithimi yeghiqhalo iqikemiqo kukujopu kusajeke.

JOYIL 2:20

Ino tulhaqu loji ahuuno ighikeu ikhive nani eno tipaqo hamiye asayeqha lo hasuve nani. Tipaqo tughiu shichekemiqo Akithi Zughilo hasuve nani, Tipaqo thikucholo chekemiqo Mediteriya Zughilo hasuve nani. Tipaqo kithi kumono tsumunashui nani. Ino panoqo kutsave nani, tiye panoqono nongu shou shipuakeqo ghengunoke.

ZEKHARIA 6:6

Khurshi tsubuyi keuno sunheche keu yeghikiluye ahuu Babilon lo wucheke, khurshi akimiye yeghikiluno kulolau wu cheke, khurshi hughayikeu yeghikiluye apeu ayeghi ake kudau wu cheke.