JEREMIYA 1:14 - BAIBEL (BSI)

¹⁴ Tileno AMPEU no ivilo ishi pi, “Ahuu kudauno kutsakungo keu hipa yeghilo akemi kumtsu shou muqhole ikughi nani,

Sumi Naga CL (Re-edited) Bible (BSI)

¹⁴ Ikehu Ampeu no I vilo pi, “Ahuu no kütsakungo keu ayeghi hipau lo küghüna akemi shou ikughi nani.

JEREMIYA 1:14 ပူးပေါင်းရင်းမြစ်များ

ISAIAH 14:31

Ighamuku muloqalo, nongu Filistiyami phughiqo! Nongu kumtsu musa khokhoshivelo! Ahuu kudauno ayeghi mukhu phoboleyi ipeghi ani, tiye ghushimi muqoke eno tipanoqo gholo musa ichikemi lakhimu kuhae.

ISAIAH 41:25

“Kipelau achekemi milakhi ino kishelu puani; Ahuu kudauno leighi penike ino pa saighi nani. Alikishiuno aghani qoda akeshi pano ayehkipemi aniba kumlhoshi qodae.

JEREMIYA 10:22

Inilo! Asutsa ighivae! Ahuu akeu shiayeh lakhilo muqhu- akeu kije ipeghi ani; tipaulo ghushimi lojino Juda lo aphughiqo asayeqha kughulhovetsu nani, eno sherno ngokeu-a shivetsu nani.”

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 4:6

Zion kudau ala kichepiyelo! xulu kepushi polo! munu kevilo! AMPEU no ahuu kudauno alhoksapu eno kutsakungo keu kije lakhi sughi ani.

JEREMIYA 46:20

Ijip ye jukighilepu mishiqu toike, ahuu kudauno quqhikeu khi lakhino leighike.

JEREMIYA 47:2

“Julo! Ahuu azu ipechenike eno zuqo ghoki lakhi toi qowu chenike. Panonguno ayeghi ngo tile akeu, aphughiqo eno tile akemiqo kumtsu nhaluve nani. Timiqono kuphupe nike ku nani; ayeghilo timi kumtsuno amlo itapinyi igha qa nani.

JEREMIYA 50:41

‘Ahuu akeu ghakhu lono timi chekhani, ala kushuwalo ashiayeh kuloghi lakhike; kukami kutomono aghushi nike kutope ani.

JEREMIYA 50:9

Ahuu ashiayeh akumtomi akeqo muqo ino xukuthoni cheni eno panoqo pelo Babilon leighi peni cheni. Panonguno tipa yeghi sasu ajo-shi puzu aghushino tipau leluve nani. Panonguye ashihami shitsamiqoke, apiji kapuwu keu lo mijikeu khilemu vezuve chemoke.

JEREMIYA 6:1

Benjamin lo akemiqo, xulukepu shi polulo! Jerusalem launo polulo! Tekoa lo afuko kuyighalo eno Bet Hakherem lo amichipushi ami shilo. Kutsakungokeu eno hepho pinyikeuye ahuuno ighiniye kuto ani.

JEREMIYA 6:22

AMPEU no pi, “Ahuu akeu ghakhu lono timiqo cheni; putou akeu shiayeh kije lakhino aghu shinike kuto kugho ani.

EZEKEL 1:4

Ino jupuku kelauye ahuu kudauno pasapagha lakhi cheghi keu ithulu. Khungkusu kuloghi lono tsutsupha kuloake eno tipa sukumxalo atsutsu yevuqai ake. Tsutsupha kulo akeu alo kiu kela asapuyi toikeuno yepuvu ake.

EZEKEL 24:3

Ihekibidemi iw timiqo vilo ni, Akughushu MPEU no panoqo ghenguno kimighi piyekeu tsa hipau akeu pesu pilo: Ami shou ali pepukulo eno azu pesu tipaulo lesulo.

JOYIL 2:20

Ino tulhaqu loji ahuuno ighikeu ikhive nani eno tipaqo hamiye asayeqha lo hasuve nani. Tipaqo tughiu shichekemiqo Akithi Zughilo hasuve nani, Tipaqo thikucholo chekemiqo Mediteriya Zughilo hasuve nani. Tipaqo kithi kumono tsumunashui nani. Ino panoqo kutsave nani, tiye panoqono nongu shou shipuakeqo ghengunoke.

ZEKHARIA 6:6

Khurshi tsubuyi keuno sunheche keu yeghikiluye ahuu Babilon lo wucheke, khurshi akimiye yeghikiluno kulolau wu cheke, khurshi hughayikeu yeghikiluye apeu ayeghi ake kudau wu cheke.