JEREMIYA 1:13 - BAIBEL (BSI)

¹³ Itaghi AMPEU no iputsa ghi ishi iniju, “Noye kutau kiu ithulu ani kya?” “Ahuu kudau ali lakhi muqhole akeu ino ithulu ani eno tiye hikidiu kugho ighiniye kuto anike,” ipi ino khochile.

Sumi Naga CL (Re-edited) Bible (BSI)

¹³ Ampeu tsa akiniu I lau ighi no pi, “No ye kiu ithulu ani kea?” I no pi, “Ahuu no kughove keu akumqho li ithulu ani.”

JEREMIYA 1:13 ပူးပေါင်းရင်းမြစ်များ

BOTHUBO 41:32

Farao no ghuthu kini pumoide keu kiqi huye tipau shini putsakeu shi ghi Alhou no kughuva, eno kushuwa womono Alhou no ti ighipeni chenie.

ISAIAH 55:11

Ino pikeu tsa ghi tikithipuke, tiye ino kiu shipeniye kughu puani keno tipau ye shikupu nani; tiye ino shipe nike puwukeu kumtsu shi nani.”

JEREMIYA 24:3

Tileno AMPEU no ivilo pi, “Jeremiya, noye kiu ithulu ani kya?” Ino ishi khochile, “Khughuthi ithulu anie. Akiviqoye ighono alo ani eno alomove keuye ighono alomoke, chunikeu ighono alomoe.”

EZEKEL 11:3

Panonguno pikeuno, ‘Ninguye itaghi kighitheno aki shiwolu nanike. Aphughiye belho akeu li toi ani eno ninguye tipaulo ashi akeu toike, tishiepimu amino ningu pitinikeu lono alino nisusho pesu aketoi anike.’

EZEKEL 11:7

Tighenguno ni, Akughushu MPEU no nongu vilo hipau pianike: Aphughi hipauye kuchouno belho akeu li lakhike ikemu kiuno ashi kya? Nono ghiqhivekemiqo kithi kumoke! Nonguye hile qhimove nani, ino aphughi lono khalau nongu vepheve nanike!

EZEKEL 12:28

Tighenguno ni, Akughushu MPEU no piakeu panoqo vilo pilo: Hinguno hilauye khilemu munu auvemo nani. Ino kiu pivea kela shive nanike. Ni, Akughushu MPEU no pivae!”

AMUS 8:2

AMPEU no pi, “Amus, noye kiu ithulu ani kya?” “Axathi ashoghi lakhike,” ipi ino khochile. AMPEU no ivilo pi, “Iwu timi Israilmi ghenguno kishekhave kepu ighivae. Niye panoqo ghimeqhiniye kumsupu akeu kilivemoake.

ZEKHARIA 4:2

Pano ivilo, “Noye kiu ithulu ani kya?” ipi iniju. Ino khochile, “Shunayino shikeu akulu kibepu lakhi ithulu ani. Akutsuqalo teli sukepu khu lakhi ani. Akulu kibepu shou akulubo tsuni ani eno akulubo lakhikhilo akulukighi tsuni sukepua ani.