JEREMIYA 1:10 - BAIBEL (BSI)

¹⁰ Ishi tsala lono ashiayehqo ngo akukaqhaqo nhuvepe eno tulevepe nikeu, kutsave eno halevepe nikeu, shipuku eno shosupenikeu kuka ino otsu ani.”

Sumi Naga CL (Re-edited) Bible (BSI)

¹⁰ I no ishi tsala lono o pesü shiye eno kükaqhaqo shou süsüvae, nhüve eno hephove penike, kütsaleve eno haleve penike, shiqhe eno shosü penike süsüvae.”

JEREMIYA 1:10 ပူးပေါင်းရင်းမြစ်များ

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

KUKAMI ATUGHIU 19:17

Hazael ulono pokaluve aghimu Jehu no pithivetsu nani eno Jehu u lono pokaluve aghimu Elisha no pithivetsu nani.

YETSAPIU 3:3

heqhipithi pekepu do eno shipivipe kepu do, hephove pekepu do eno shipuku pekepu do.

JEREMIYA 1:5

“Apolo azu ghomphi lono ino noithi ake, opunu mphi lono opelo ashiayehqo lau tungkupu shipe nike ino okutashi kisheluke.”

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 25:13

Kughou ino Jeremiya vechewo kaku hipaulo kutsakungokeu yekutsu puakeu kumtsu pipuatsu akeno, ashiayehqo shou kutsakungo sughinikeu shi ino kichipua keqo kumtsu pesu Babilon ghimeqhi nani.

JEREMIYA 31:28

Ino panoqo nhuve, tulaqhi, haleqhi, kutsale eno tulenikelo kutokupui shike toi ino jukutokugho puzu panoqo shosuni eno panoqo xaqhepuku nanike.

JEREMIYA 31:40

Akhila kumtsu khilehi kithimi qho cheni eno tubatuzu pele cheni eno Kidron ghokiti ahuu kudau aluqa akeqo kumtsu kipelau Khurshi Khagho kutolo ilau akimthe shipe qhi nani. Aphughi huye itaghi khilemu hepho piniyivemo momu kutsalevemo nanike”

JEREMIYA 36:2

“Likuzu kaku lakhi lupuzu tipaulo Israil ngo Juda eno ashiayehqo kumtsu ghili ino ovilo pivekeu yesulo. Josiya no akukau shiake ghulokilo ino atughushi oputsakeu lono ishi kutolo ino ovilo pivekeu thwokha kumtsu yesulo.

JEREMIYA 44:27

Julo, nongu pelo kinikulu shipemo nike ino jua nani eno kutsalevepe nani. Nongu kumtsu aghukishi momu kusukini lono thikhave nani tiye nongu kumtsu kuhave moke kutolo tishi nani.

JEREMIYA 45:4

“Ikemu ni AMPEU ye ino kiu shipuku puakeno xaleqhive ani eno ino kiu shosu keno nhuleve ani.

EZEKEL 21:19

“Thinikuau timio, Babilon kukauno pa zuta pesu ighilu kepu alaghi kini amichi shivetsulo. Tikuma kinikujo aghakhu lakhi lono huthu kepu shilo. Ala shokuba khile aghini keno kichekeu michipu shipe qhilo.

EZEKEL 23:36

AMPEU no ivilo pike, “Thinikuau timio, noye Ohola ngo Oholiba pama shou kughatha nike kutoluvea ma? Pamano kuchhubekeu thime shivekeu pesu ngukulo.

EZEKEL 32:18

“Thinikuau timio, Ijip lo timi kumzapu ghenguno mlo qahlo. Ashiayeh kumtomi kutamiqo gholono panongu ghi kithimi yeghiqhalo piqilo.

EZEKEL 36:36

Tileno acheaxulo ashiayeh akeqo puxupe puaghi keqono ni, AMPEU no aphughiqo ixapinyive keu shipuku kithevetsu, aluza hailovekeu shosukithetsu kepi panoqono ithi nani. Ino hipau shitsu nani kepi ni, AMPEU no tushoqhivae eno ino shitsuni putsake.”

EZEKEL 43:3

Kungunhetsu hipauye Alhou no Jerusalem kutsaniye ighikelo ino ithulukeu kimihike eno Kebar ghoki phivilo ino ithulukeu kimihike. Tileno niye ayeghilo igi pishiqhope iluqive.

HOSIYA 6:5

Tighenguno ino iwu tungkupmi lau kughathabe keu ngo kutsakungo keu pesu puwu nani. Ino nongu launo lunishi akeuye mutsumishei hike:

AMUS 3:7

AMPEU Alhou ye pano kughupe akeu pesu pa qemi, tungkupmi vilo piyesumo keloye khilemu tipau shini chemoke.

AMUS 9:11

AMPEU no pi, “Ino David kukaqha tsuchile nikeu tsala cheni, tiye aki ilaqiveno ixapinyive keu toike. Ino tipau kuptu pukhove nani eno tipau sachileluni. Ino tipau shikithe nani eno tipau pesu kha-ghi wovekeulo akeu toivetsu nani.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”