James 5:9 - BAIBEL (BSI)

⁹ Athikuzumiqo, nongu lakhino lakhi shou muchho kevilo, tishianguno Alhou no nongu shou kughathabemo nani. Julo, Kughakuthauye ahukikhalo puthugho ani.

Sümi Tiqhelimi Bible

⁹ Athiküzümi eno achelimiqo nongu lakhi no lakhi lau nhenheshi kevilo tishiaye no ye küghathabeve nani. Küghaküthau ye ahukikha lo puthugho ani!

Sumi Naga CL (Re-edited) Bible (BSI)

⁹ Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

James 5:9 ပူးပေါင်းရင်းမြစ်များ

BOTHUBO 4:7

Nono akivi mula puaghi aye no ikhilu moni kesha? Eno nono akivi shipuaghimo napi aye, axine no ahukikha ijepe anie. Tino oshou kaluve nishi anie, ikemu noye ti theqhiluve masae.”

LESHELE 59:15

Panonguye atsu toi itsu susu achuqu phucheni eno lukumkhashi ithumla aye igha cheni.

EZEKEL 7:12

Aghulokiye cheake. Atsalaye kupunu ighivae. Qhukemi na jekemi namu alokivishi momu amloksa shiakepu kuhake kughengu Alhou no kumtsu shou aphiphi shi ghimeqhi nani.

ACHINE 19:18

Khuu shoumu amkhu lukevilo momu pa mithi acheuve kevilo, ikemu olikhi okimiyeke toi okisughumi kimiyelo. Niye AMPEU ke.

MATTHEW 24:33

Tihutoi, nonguno hipaqo thwokha kumtsu ithulu kelo aghulokiye kupunuvae eno ahukikha tove akepi nonguno ithilo.

Mark 13:29

Titoi, kughou hipaqo thwokha shikeu nonguno ithuluni keno adoye kupunuva, tiye kupunu kuchou shiveakepi nonguno ithivelo.

Mark 6:19

Ikehu Herodia ye Johan shou ighono aghapu ache eno pa pithive nishi ache, ikemu Herod ghenguno tishimlano acheke.

1 Kor. 10:11

Hipaqo kumtsu panongu shou ikughi keu huye kichekipiyeke, ikemu hipaqo yepe qhipuaghikeuye ningu kutughuakeu ke, kughengu ninguye kishekha wochekeu ghulokilo xuayae.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

2 Kor. 9:7

Tishiaye milakhi khino suchilemono momu tsulepikeu ghenguno kumono pano kumsulu keu lono pesu tsulo, kughengu amlo qiqhiyi tsukemi Alhou no kimiye cheni.

Galatiami 5:14

Kughengu ayezah kumtsu atsa hipaulo shikupu ani, tiye: “Okisughumi olikhi otoi kimiyelo.”

Galatiami 5:26

Ningu qhezamoni momu lakhi no lakhi xukuthomoni momu lakhino lakhi jupe anheshumoni nolo!

James 4:11

Athikuzumiqo, lakhino lakhi shou alhoksa pikevilo. Khunono pa thikuzumi shou alhoksa picheni momu pa thikuzumi shou kughathabe cheni keno paye Ayezah shou alhoksa pianike eno tipau shou kughathabe anie. Nono Ayezah shou kughathabe aye noye Ayezah papelukemi kumovae ikemu tipau shou kughathabekemi shiauvae.

James 4:12

Alhou likhino ayezah tsukeu eno kughakuthauke. Pa likhino xakulupu eno shipuhave kulupu anike. Ikemu noye khuu keno okusami shou kughathabe cheni kya?

James 5:10

Athikuzumiqo, tungkupmi khunoqono Ampeu jelono piche keno panoqo kumsululo eno panonguye kishi aghimeshi kheakulu shi chekeno tipau pesu kichekipiye shilulo.

James 5:7

Athikuzumiqo, tishiaye Ampeu ighinike kutolo kheakulu shilo. Julo,alukichimi lakhiye pa lulo akughupushi axa ipeghi nikeu khe acheni, paye tsutsughu atughiu ngo ashekhau tsutsughu ithumlake kutolo kheakulushi khe acheni.

1 Peter 4:5

Ikemu panonguye kuxumi eno kithimi shou kughatha niye kutope akeu Lhou lau kihikulayi tsu nanike.

1 Peter 4:9

Nhenheshimono nongu kilo lakhino lakhi sasu kilelo.

Piyeküsü 3:20

Julo, ino ahukikha phivilo puthughono kukhu cheni; khunono isutsa chiluno ahukikha khaqhini keno ino pa lau iloghini eno pa sasu kuchukusho shini.