James 5:5 - BAIBEL (BSI)

⁵ Nonguye ayeghilo nibonileyi eno aghakiqipu lono xu acheni; ghiqhikepu tsala ghenguno nonguye atha pubeyiluvae.

Sümi Tiqhelimi Bible

⁵ Nongu ye ayeghi lo kinikülü eno alikhi aghapiqi keu lo xü auvae. Nongu ye ghikiqhi tsalá ghenguno atha pubeyiluvae.

Sumi Naga CL (Re-edited) Bible (BSI)

⁵ Nongu ye ayeghi lo nibonilei eno aghakiqipu shi xüvae. Ghiqhini keu tsala ghenguno nongu ye atha pubeyivae.

James 5:5 ပူးပေါင်းရင်းမြစ်များ

LESHELE 17:14

Ayeghi hipaulo khunono lunishikeu pighi cheni keno tipaqo launo ixaphelo, O AMPEU, Nono panoqo ghenguno aghimepu kutopuakeu pesu panongu ghimeqhilo, pano tianuli ghenguno lukumkhashi kutotsulo eno pano tianuliqo wu atianuli shou ghi kuto tsulo!

LESHELE 73:7

Panongu nhethiye atha pubeyike, eno panongu mloye kixikila mquno qoli acheni.

AHOLE 17:1

Akupuna kilo chukhakumoshi ilhuakeu nguno amlo iquneyi ashokoza chu akeu pavi.

AHOLE 7:14

“Niye ishitsalalo aghakishi kumllagho tsukeu lono ashi suwo puanie.

YETSAPIU 11:9

Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

ISAIAH 22:13

Tishinike zuqhu nongu ye nuauve eno ahukulu lokivi shiauve. Nonguno chuniaye bheri ngo amshi heqhi eno nonguno aji sho auve. Nonguno ishi pike, “Ninguye chu sho ani nolo kughengu thiniake.”

ISAIAH 3:16

AMPEU no piani, “Jerusalem lo totimiqoye kishi aqhekuza kela julo! Panonguye akuo shohe pesu iqho iqi acheni. Panonguye ghaghu nhethi xapu acheni. Panonguno cheiqho iqi cheni eno panoqo launhelo amuquno igha asutsa shicheni.

ISAIAH 47:8

‘Itehiye hipau inilo, no aghakiqipu kimiyekichiu, noye mutotoi eno kiumu oshou shimla akepi kumsu achenike. Nono piakeuno noye Alhou toi kije kepi cheni, eno khuumu otoikeu kuhakepi acheni. Noye khilemu tusachimemi shimoa kepi kumsu acheke momu otianuli ye kithikuha shimo nani kepi cheke.

ISAIAH 56:12

Shokumzumi hipaqono ishi picheni, ‘Aji ta luni nolo eno ninguno toluke thaqhu muxoni nolo! Thoghi tsalaye ishi tsala nguno shishe akiviu shive nanike!’ ”

JEREMIYA 12:3

Ikemu AMPEU, nono ni ithi ani; ino kiu shikeno nono ithulu acheni, eno niye kishi okimiye cheni keno nono ithi ani. Bheri ghiqhiveniye akeshi timi lhoksami hipaqo sunhekiti sawu- velo panoqo ghiqhive kepu ghuloki tomoke kutolo panoqo ghukhe shialo.

JEREMIYA 25:34

Ighilo, nongu sakiphemiqo, nongu iwu timi khemiqo, ighamukulo! Mloqalo eno ayeghi mukhulo ihilo. Ningu ghiqhive kepu do ighiveake, nonguye bheritsu toi ghiqhile khave nani.

EZEKEL 16:49

Li ngo lingaqoye chukepu nibonilei achekeu eno iqughai akupuna kuhano achekeu ghenguno qhezacheke, ikemu panonguye kumlhomi eno aquagha shi achekemiqo tucho hijumoke.

EZEKEL 39:17

Akughushu MPEU no ivilo pi, “Thinikuau timio, aqha kumtsulo ashi aghauqo ighilopi kulo ino panoqo ghenguno heqhipe mllakeu chupeniyeke. Tiye Israil naghutolo aghulhu kije lakhi shi nani, tipa-alo panonguno ashi chu eno ahji tsuyelu nanike.

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

Luke 16:19

“Ghuthu lakhi kinimi lakhi shishe amekusho phimini pepu eno tsalakipe nibonile keulo xu ache.

Luke 16:25

Ikemu Abraham no pi, ‘Kumsuchilejulo, anu, okuxu kupuju akivi nhemgha ithulu ache eno Lazar ye shilukusa kumtsu ithulu ache ikemu hileye paye alokughuno tsu ani eno nono ime ani.

Rommi 13:13

Atsala kuvulo akemi toi ningu ghusho-ghililo kithikiyi shini nolo. Ningu itho-igho moni, shokumzu shimoni, shupu moni, akupusho- akupugha shimoni, kichighimoni momu anheshu moni.

1 Tim. 5:6

Ikemu chimemi khuno li kuxu kilhekulhu xuni keno liye xu anamu kithimi shiauvae.

2 Tim. 3:4

pishikiqhi, aka-aghoshikeu, aqhekuzano tsutsungoju, Alhou kimiyenike zuqhulo alikhi aghakiqipu kimiyekeu.

2 Peter 2:13

eno panonguno alhoksa huthutsukeu jume aghime panongu tsu nani. Atsala kuvu lono panongu shiaji ghapiqi nikeuno pano mlokiqi shi acheni. Panonguye nongu gholo kuchu kusho shikuqha kelo akukujopu eno tichetighepuke eno nongu gholo tishipulaghi panonguye alhoksa laghilo aghakiqipu shi acheni.

Jude 1:12

Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

Piyeküsü 18:7

Lino ajekipi eno nibonileyi pepimheke hutoi Aghime eno amlo kusapu tijehi li tsulo. Kughengu lino li likhi li vilo ishi piche; ‘Akukaliu lakhi shighi ino hile iqa ani! Niye chimemi lakhi kumoe, Niye khilemu amlo kusa shimo nani!’

SAMUEL ATUGHIU 25:36

Abigail no Nabal lau akilo ide ighike ghulokilo paye aghulhu kije kukami lakhi hutoi shi aghi. Paye aloqhi shomzu pesu agi hughughuyi ngo aghive, tighenguno liye thanau tomoke kutolo kumu pa vilo pimoe.

SAMUEL ATUGHIU 25:6

Nonguno petha pa tsughi ishi pilo: “Kumghakeu olau, nokilo eno nono kiu anikeno tipaqo kumtsu shou alupelo.