James 5:20 - BAIBEL (BSI)

²⁰ hipau kumsululo: khunono axinemi lakhi alakumolo chechekeu lono sachile saghi nikeno axinemi tipau kuxu akithipu lono xalu anie, eno axine kumzapu pevetsulu kepu shilu anipeke.

Sümi Tiqhelimi Bible

²⁰ hipau kümsüchilelu lo: Khukhumu axinemi lakhi shipimi keu laghi lo cheche keu lono sachile saighi aye axinemi tipaqo küxü akithí lono xalu anie, eno axiné kutomo pevetsülu kepu shilu anie.

Sumi Naga CL (Re-edited) Bible (BSI)

²⁰ khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.

James 5:20 ပူးပေါင်းရင်းမြစ်များ

LESHELE 32:1

Khunoqo xine pevetsua keno tipaqo lokivipue, Khunoqo xine nhavetsua keno tipaqo lokivipue.

AHOLE 10:12

Akimthino akupuna xukutho cheni ikemu kikimiyeno akipimi kumtsu jonhavetsu cheni.

AHOLE 10:2

Amikucho kumo lono akini ithulukeuye okivipu kiumu shi mlae, ikemu amikuchoye okuxu puxulu nani.

AHOLE 11:30

Amikuchono akuxupu tsucheni ikemu hekiqhi bukiqhi no tipau ikhisuwuve cheni.

AHOLE 11:4

Okithi tsalalo kinikuluye okivipu shimla nani ikemu amikuchono okuxu xaluve nani.

AHOLE 17:9

Timi pelo oju alope nishi aye olau akumou shikeu kipimi pevetsulo. Akumou shikeuno shompami shiakeu hephove nani kepi kumsupu achelo.

John 5:24

“Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

Rommi 11:14

Tishikeu lono nishiaye Judami pelo anheshu peni cheni, eno tipau lono panoqo khami likhimu xalukepu shini.

1 Kor. 1:21

Tighenguno Alhou no pa suqekighithi lono ayeghilo timiqo pelo panoqo suqekighithi vechewo Alhou ithikepu shitsumove. Tishinike zuqhulo ninguno mbomzu sutsa pesu asheshu keu vechewo khunoqomino ti pulukeno tipanoqo xalupe nikeuno Alhou pulou shiaghive.

1 Kor. 9:22

Akupululo tomo chhimokemi gholo niye panoqo lakhi paphi shicheni, tishianguno tomo chhimokemi Khristo lau saghilu niyeke. Niye kishialashi puzu khami likhimu xakulupu shilunimalaye timi kumtsu gholo thwokha kumtsu shi cheni.

1 Tim. 4:16

Olikhi ojukuto eno okukutsu jukutolo. Phekevino pukaputsalo, kughengu nono hipaqo shiaye olikhi oxalu eno otsa chilukemi xakulupu shi nani.

Philemon 1:19

Iuno hi yepuku ani: Ni, Paul no lochile nani. (Kumchomaghi ovilo piputo akepu kuhakemu, okuxu ghi ishou bepe anikene).

James 1:15

Tileno pawu shinishi kutukeu lhoksano mishipuluve puzu axine punuqhi cheni; eno kughou axine chhikhoi thuwuveni keno akithipu sughi cheni.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

James 5:15

Akupulushi inikhukeu lono akusuu viluve nani, Ampeu no atho puthotsu nani eno pano axine shivekeu pevetsu nani.

James 5:19

Ithikuzumiqo, nongu gholo milakhino kuchou launo alakumolo wuvenikelo kutami lakhino timi tipau sachile saghilu aye

1 Peter 4:8

Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.

Piyeküsü 20:6

Kithimi xuputhukeu atughiu hipaulo khunoqono suluni keno tipanoqoye shishe akumgha eno alokivipue. Akithi akiniuye panoqo shou akuka kuha nani, panonguye Alhou wu eno Khristo wu achinemi shive nani eno panonguno pa gholo ampe 1000 ayehpe nani.