James 5:14 - BAIBEL (BSI)

¹⁴ Nongu gholo khualaye kusukini shi ani kesha? Paye akukuholo kichimiqo kulo, eno panoqo pelo Ampeu jelono suakeu shou teli pesu nutsu puzu pa ghenguno inikhutsu pelo.

Sümi Tiqhelimi Bible

¹⁴ Nongu dolo khuala ye küsükini shi ani keshea? Panongu pelo akukuho lo kichimiqo ku no panongu shou akighini shi no thazü pesü Ampeu je lono panongu nukümtsha pelo.

Sumi Naga CL (Re-edited) Bible (BSI)

¹⁴ Nongu gholo khuana ye küsükini shi ani keshea? Pa ye akukuho lo kichimi kuno panoqo pelo Ampeu je lono thazü pesü nu püzü pa shou inikhu tsü pelo.

James 5:14 ပူးပေါင်းရင်းမြစ်များ

KUKAMI ATUGHIU 17:21

Tileno Elija no pawu ghuthu kuthu anu lau chhopuwono inikhu, “O AMPEU iLhou, anu hipau puxuvetsulo!”

KUKAMI AKINIU 4:33

Pano akikha khave eno AMPEU vilo inikhu.

KUKAMI AKINIU 5:11

Ikemu Naaman ye amlo idesu wove eno ishi pi, “Ino kumsukeuye paye akulaghi lomu ipeghino pa MPEU Alhou ku puzu ipughakulo pa-u pesu kuzupuku tsuno ishipivi tsu nani ghashi athono.

Mark 16:18

Panongu no apighi ikhiqhelu momu tughu yelu namu panongu shipsamla nani; panonguno kusukinimi shou au betsu kelo tipaqono viluve nani.”

Mark 6:13

Panonguno tughami kutomo haphevetsu, kusukinimi kutomo shou teli pesu nutsu puzu panoqo kusu shipivi vetsu.

Apostolmi 11:30

Panonguno titoi shi, Barnaba ngo Saul pama ulono akukuholo kichimi lau akukuphu tsupuwue.

Apostolmi 14:23

Akukuho atsu-tsulo kupulumiqo ghenguno kupulumi kichimi kishephepe qhitsu, akighini shi eno kumvu puzu panonguno hi kichimiqo pesu panoqono pululuvekeu Mpeu lau kulhuqhisuvetsu.

Apostolmi 15:4

Panonguno Jerusalem lo ighikelo akukuhomi, apostolmi eno kupulumi kichimiqono aghakiqishi panongu sasu, eno Alhou no panongu pesu kiu shilupekeno kumtsu panoqo vilo lhepiye.

Apostolmi 28:8

Publio pa puhye aghakimki ngo ajikubano supuzu azu-a dape ae. Paul no pa kilo wuno inikhutsu eno pa-u pesu pa shou chhope be eno pa shipivie.

Apostolmi 9:40

Ikemu Pitor no panoqo kumtsu khalau pipeve eno qhoqhunhepe inikhu, tishieno pano akumo kudau tsughu ighino pi, “Tabitha, ithuvelo.” Lino anhethi tsukho Pitor ithuluno ithu iqave.

Titus 1:5

Kreta lo ino oqhivekeuye kiu shikithe kepushi anikeno tipaqo kithikiyi shipeniyeke eno taun kumtsulo akukuholo kichimi susupeniyeke. Ino kichepiyeveke toi