James 5:11 - BAIBEL (BSI)

¹¹ Khunoqono puqhekulu shi keno tipaqo lokivipukepi picheni. Job no puqhekulu shikeu nonguno chiluvae, eno ashekhalo Ampeu no kishi shitsukeno nonguno ithuluvae. Ampeu ye kimiyeqhiyi keu eno kupuqhiyi keuke.

Sümi Tiqhelimi Bible

¹¹ Nongu no ithi akeu toi, ningu ye khunoqo no tsükhoi shi no aghime puqhelu keno tipaqo ye akümghau kepi kihi cheni. Nongu no Job’w tsükhoi keu ghili chiluvea eno Ampeu no ashekha lo kiu shive keno nongu no ithuluvea. Ampeu ye kimiyeqhiyi keu eno kimiyekini no chhitoi ke.

Sumi Naga CL (Re-edited) Bible (BSI)

¹¹ Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

James 5:11 ပူးပေါင်းရင်းမြစ်များ

YEKIKITHI ATUGHIU 21:13

David no Gad khochile, “Niye avekusa dolo avae! Ikemu niye timi pelo ighime penishimoe. AMPEU no ighimeve peni, kughengu paye kimiyekiniu ghi ke.”

YEKIKITHI AKINIU 30:9

Nonguno AMPEU lau xaideghi aye timi nosholokumi sasu akughumi shi sawuve kemiqono panoqo shou amlo ighi qhiyive nani eno panoqo pelo aghakhu lo ide ighiluve pe nani. AMPEU nongu Lhou ye kimiyekini eno kupukini ke eno nonguno pa lau xaide ghi napi aye pano nongu ikhilu nani.”

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

NEHEMIA 9:31

Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

JOB 1:1

Khaghi Uz ghakhulo Job ipikeu ache. Paye Alhou sumsa kemi eno tichetighemi kumo ikemu akumzumi eno lhoksakugha lono tsughuve chekemi.

JOB 1:2

Paye anu tsuni eno anga kuthu ache,

JOB 2:10

Ikemu Job no li vilo pi, “Noye mbomzumi tsa toi pi anie. Alhou no kiwala akivi ningu tsu aye alokivishi ikhilu cheni. Pano shiluksa puwutsu kelo muchho nike shea?” Aghime hi kumtsu sholue pimu, Job ye kiumu Alhou shou axine tsa piqhimoe.

JOB 23:10

Ikemu Alhou no ipukhu ne sukiqhe lakhikhi ithi ani, pano ipejuve kethiu niye shuna toi tsughukhui nani.

LESHELE 103:13

Apu lakhino atianuli kimiyeke toi AMPEU ye pa gihu kemi lau kimiye keu acheni.

LESHELE 103:8

AMPEU ye kupukini eno kimiyekini, asheshino axuidekeu eno iqemo keu kikimiyeno chhitoi akeu.

LESHELE 116:5

AMPEU ye kimiyekini eno aloke; ni Lhou ye qhuivulayikeu.

LESHELE 119:132

Ilau tsughu ighilo eno ikimiyelo, okimiyekemi kumtsu lau tishi cheke toi.

LESHELE 145:8

AMPEU ye ivulaikeu eno kimiyekini asheshino aloghu ide cheni, eno iqemokeu kikimiyeno chhitoike.

LESHELE 37:37

Timi kivimi jupe pualo, amikuchomi jukuto kughoilo; iqughaikemiye atianuli achenike,

LESHELE 51:1

Ikimiyekutu tsulo, O Alhou owu iqemokeu kimiyekini, eno okikimiye kupukunoshi akeu kiqi lono ixine nuxa puhave tsulo!

LESHELE 78:38

Ikemu Alhou ye pawu timiqo kimiye kutuke. Pano panongu xine pevetsu eno panongu kutsa pinyivemoke. Ghuthu kutomo pa xukighide eno aloghu suchile pesu ngoveke.

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

LESHELE 94:12

AMPEU, nono kutsupiyekeu timi huye alokivishi kepu anike, oyezah pesu khuno shikani keno tipano lokivipuke!

IPEKULU 34:6

Tithiu AMPEU no pa gizuuno hechesu wu eno ishi kuke. “Ni, AMPEU ye kimiye qhiyikeu eno kupukeu no chhitoi akeu Lhouke, mllalei axu ideve chemoe eno kikimiye ngo pukhukulu kutsasa piye chekeuke.

YETSAPIU 7:8

Kiu kiumu ashekha launo abothu nguno akiviuke. Kutuukuluye aqhekuza nguno akiviuke.

ISAIAH 63:7

AMPEU wu iqemokeu kikimiye ino pia nani; pano mlatsukeu kumtsu ghenguno ino pa sheqheni. Pano kinikulushi Israil lo timiqo kumghatsuke, pawu kupuqhiyikeu eno iqemokeu kikimiye ghengu noke.

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

AKUMLO 3:22

AMPEU wu ikiqivemo keu kikimiye ngo kupuqhiyikeuye achephi.

DANIEL 9:9

Nino oghobide amu noye kimiye kiniu kehu nikipimi qhive tsuke.

JOYIL 2:13

Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

AKIKIHI 14:18

‘Ni, AMPEU ye mulalei aloghu ideve chemo, kimiye keu kije pukhukulu shipiye cheni, axine eno hebidekeu kipimi qhivetsu chenike. Tishimu niye apuaza khunoqono axine shiveni keno panoqo tianuli tiqheli akuthuu lono abidiu kutolo aghime tsumono phevekeu shimo nani.’

MATTHEW 10:22

Ije ghenguno timi kumtsuno nongu mithi nani. Ikemu timi khunono ashekha kutolo kutu-u khealu nikeno tipano xalu nani.

Luke 1:50

Pa sumsakemi kumtsu shou tiqhelino tiqheli kuto kimiyekeu piye cheni.

Luke 11:10

kughengu khukemi kumtsu tsu cheni, phukemino ithulu cheni, eno kukhukeu khaqhisu cheni.

Luke 6:36

Nongu paPuh ye kupukini kehu nongu ghi kupukini shilo.”

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

Ephesiami 1:6

hiye pawu kupukini kimthe jukuvupu khikhi pano Kimiyekicheu gholono kumsano ningu tsukeu sheqhepe niyeke.

Ephesiami 2:4

Ikemu Alhou kikimiye ye shishe kije kehu

IBRIMI 10:39

Ninguye athiu tsughuchile woveno puhavekemi kumoe. Ninguye akupulu akemiqoke eno Alhou no ningu puxulukemiqoke.

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

IBRIMI 3:6

Khristo ye anu kehu Alhou kilo pukhubekulu shike. Ninguno ithamono mutotoi akeu tsuqupe eno ningu wu lajupulo amlo kuloghishi aye, ninguye Alhou kike.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

James 1:2

Ithikuzumiqo, kughou nonguno akijikusa jeli sholuni keno tikumtsulo nonguye mughashe ani kepi kumsululo,

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

1 Peter 3:14

Ikemu amikucho shikeu ghenguno nonguye aghime shikepushive namu tiye nongu ghenguno alokivipuke. Tipaqo msaichi akepu kumoe momu amloksa shikepu kumoe.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,