James 4:6 - BAIBEL (BSI)

⁶ Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

Sümi Tiqhelimi Bible

⁶ Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”

Sumi Naga CL (Re-edited) Bible (BSI)

⁶ Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

James 4:6 ပူးပေါင်းရင်းမြစ်များ

YEKIKITHI AKINIU 32:26

Ashekhalo, tishi ae pinamu Hezekiya ngo Jerusalem lo akemiqono pano likhi pano kuchuni keu shiluve ike AMPEU ye Hezekiya no thive kethiu no timiqo ghimeqhike.

YEKIKITHI AKINIU 33:12

Pa ghimeqhi akelo paye akumtsha shi chuni iqighive eno AMPEU pa Lhou vilo kuphu penike ghenguno qhuinijuke.

YEKIKITHI AKINIU 33:19

Akukau no inikhu keu eno Alhou no tipau khochile keu eno pano xaideighi mphi lo axineqo shipe puakeu, tiye pano alhoksa kumla shikeu, asu-atu kumlla-a eno Ashera julho pano shikeu eno ajulho pano mlla chekeu kumtsu Tungkupmi Xughili lo yekike puani.

YEKIKITHI AKINIU 33:23

Ikemu paye papu no chuni iqighive keu toi shimoke eno AMPEU lau ideighimo ke; paye papu no shiche keu nguno alau shi axine shiveke.

YEKIKITHI AKINIU 34:27

nono izulo xaidelu puzu chuni iqighike, ino Jerusalem ngo tile akemiqo ghimeqhini keu shi shikumsa keu nono chilu puzu ophimini suxuveno mloqah ke. Niye okighini chiluvae

JOB 22:29

Ikemu Alhou no aqhekuzami sunhe qhive nani eno akumtsha akughuvu mi xalu nani.

LESHELE 138:6

Noye kunguu shishe qhemghai anamu, nono aqhokighemi tuchoke, eno aqhekuzamiye olauno itshuwuve mlae,

LESHELE 9:12

Alhou ye shiluksashi akemino ighamuku keu kumsuma chemo, Alhou amukhu kuluuye panoqo kumsulu acheni.

IPEKULU 18:11

Itehiye ino ithiveake AMPEU ye alhou kutauqo kumtsu nguno akijeuke, kughengu Ijipmino Israilmi jumithi ghi peithapusa acheke lono pano hipau shivetsuke.”

AHOLE 15:33

AMPEU sukumsaye alokutsu kukutsuke. Noye agigihupu ithulunike zuuno aqhokigheu shipaghi masae.

AHOLE 18:12

Khukhumu aqhokigheu shimoaye pa sumsa chemoe; qhezalaki kemiye shikupusa lalo cheni.

AHOLE 22:4

AMPEU gholulo, aqhokighemi shilo eno noye akini, agigihu eno axu kushu ithulu nani.

AHOLE 29:23

Qhezalaki keuno osunheqhive nani ikemu nono akumtsha kughuvu shiaye ogihu nani.

AHOLE 3:34

AMPEU ye timi thaigha chekemi peitha chemoe ikemu khunono aqhokighemi keno tipano lau amlo kiqi acheni.

ISAIAH 2:17

Timi qhekuza kishekhave nani eno timi chhoma kutsaleve nani. Ajulho shisukeu kumtsu qhoi hauve nani eno tipa tsalaniye AMPEU likhi xaqhepukukeu tsala shive nani.

ISAIAH 54:7

“Atuqhudo lakhi ghenguye ino oqhive ke; thonhei kimiyekeu pesu ino osachileu nani.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

MATTHEW 13:12

Kughengu timi khuu lau kiu aghini keno tipau lau alau shi tsu nani, eno pano kupukunoshi alupe nani; ikemu timi khuuno kiumu kuha keno pa lau kitila aghikeu ghi ikhisuwuve kepu shive nani.

MATTHEW 23:12

Khunono alikhi akughape suqheni keno tipanoye kuchunive nani eno khunono alikhi ampi pe kuchunini keno tipano suqheve nani.”

Luke 1:52

Pano akumto kukami panongu kuka lakhu lono sunheqhive, Ikemu aqhokighemi sunheqheve.

Luke 14:11

Kughengu khuno pa likhi pa pesu kije shi cheni keno aqhokigheu shivepe nani eno khuno alikhi apesu chuninei nikeno kije shivetsu nani.”

Luke 18:14

Jisu no pi, “Ino nongu vilo pini, timi hi ashekhauno Alhou lau amikucho shilu puzu pa kilo wovae, eno Farisimi huno kumoe. Kughengu khuno alikhi akughape qhemghai nikeno pa kughape kuchunive nani ikemu khuno alikhi akughape kuchuni nikeno pa kughape qhemghai tsu nani.”

James 4:10

Nonguno Ampeu zulo mtshaivulo eno pano nongu sunheqhe nani.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

SAMUEL ATUGHIU 2:3

Nongu qhekuza shekushu tavelo; nongu kijivilei chekeu inaqhoivelo. Kughengu AMPEU ye Alhou thwokha ithikicheu eno timiqo kumtsu lau pano xakutha benani.