James 4:5 - BAIBEL (BSI)

⁵ Momu kuchoyesulo, “Alhou no angu-agha nilolo qhitsukeuye anheshuqhiyi kumsukutu keu chhitoi acheni,” ipi puakeuye kumukumo kughashi kesha?

Sümi Tiqhelimi Bible

⁵ Ikeo nongu ye Kuchoyesü ye kiumu akiqi küha no Alhou no anheshuqhiyi aghungu ningu lolo qhitsü keu kümsükütü acheni kepi pipüani kepi kümsü ani kea?

Sumi Naga CL (Re-edited) Bible (BSI)

⁵ Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

James 4:5 ပူးပေါင်းရင်းမြစ်များ

BOTHUBO 26:14

Kughengu pano bheri, amshi eno aqemi kutomo pighiche kehu Filistiyamino paju anheshuwuve.

BOTHUBO 30:1

Rachel no atianuli punumokehu pafo ju anheshuwuve eno Jakob vilo ishi pi, “Atianuli itsulo tikumoaye niye thiniae.”

BOTHUBO 37:11

Pamunoqono paju anheshuve ikemu papu ye pano piqhikeu kumsukutoju ache.

BOTHUBO 38:9

Ati anuliqo hu pawu shimo nani kepi Onan no ithi ake hu pano pachi sasu zuke kumtsu pa phizu ayeghilo kighijive che, tishianguno pamu jelono atikughuko tsumoniaye ke.

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

LESHELE 106:16

Aghazulo panonguye AMPEU akimtheu qeu Muse ngo Aron pama jupe anheshuve.

LESHELE 37:1

Kixikilami ghenguno omlo kutakihi akevilo, akumou mlakemi jupesu anheshu kevilo.

AHOLE 21:10

Kixikilamiye pulhapuju alhoksa kumla shini shiqhiyi acheni; panonguye khumu kimiyeqhiyi chemoe.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

ISAIAH 11:13

Israil kukaqhaye Juda kukaqha jupesu khilemu anheshumove nani eno Juda ye Israil ghumi shimove nani.

AKIKIHI 11:29

Muse no ishi khochileve, “Noye ighenguno alokumsu shitsu ani keshea? Niye AMPEU pelo pa ghungu pesu pawu timi kumtsu tsupenishi ani eno kumtsu pelo tungkupu toi atsa pilupe nishike!”

AKIKIHI 23:19

Alhou ye timi kumo keke paye mikini chemoe; Paye timi lakhi kenomu pa kukumsu kiliveni chemoe; Pano kiu kiumu piqhivekeu pano shicheni; Pano pikelo tiye shive aghi cheni.

John 10:35

Alhou tsa khunoqo lau ighikeno tipaqo pesu alhouqo kepi ku-puani (eno kuchoyesulo pipuakeuye pevemlake.)

John 19:37

Itaghi kuchoyesu lakhilo pipuakeuno, “Panonguno timi khuu qhukeno panoqono timi tipau ju nani.”

John 7:42

Mesiya ye David laghami shi nani eno David no achekeu phu Bethlehem lono punu nani kepi kuchoyesulo pipuamo kesha?”

Apostolmi 7:9

“Nisunoqono pano thikuzu-u Josef ju anheshu puzu pa kughape Ijip lo timi qemi shiwuve peniye jesue. Ikemu Alhou no pa gholo ae,

Rommi 1:29

Eno panonguye xesuxeni, kusakugha, alakimne eno aghichipokeu jeli no chhitoi ani. Panonguye anhekushu, ghikiqhi, kuqhu kidimokeu, pishikiqhi eno kinhekushuno chhitoi acheni. Panonguye kutami xishi cheni

Rommi 9:17

Kughengu kuchoyesu lo Farao vilo ishi pipuani, “Ino osuqhepuku puakeuye opeitha puzu ikuka pephe nikeu kimji lonoe, tishianguno ayeghiqha kumtsulo ije vekuphawo peniyeke.”

1 Kor. 6:19

Nongu phimpiye Aghungu Kimthe chineki ke, Alhou no nongu tsukeu, paye nongu lolo akeu kepi nonguye mtha kesha? Nonguye nolikhi nongu wuke kumoe ikemu Alhou wuke.

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

Galatiami 3:8

Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.”

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.