James 3:6 - BAIBEL (BSI)

⁶ Amiliye ami lakhi toike. Amiliye niphimpi gholo achipikumo keu yeghiqha lakhike eno aphimpi kuchopu shipsa vetsu cheni. Amiyizu lono ighikeumi pesu nilhoaye kupujulo ami suvetsu cheni.

Sümi Tiqhelimi Bible

⁶ Amili ghí ami lakhi ke, amili ye aphimpi dolo küsakügha yeghiqha lakhi ke. Amili no aphimpi kuchopu shikuchubeve cheni ke, timi lakhi küxü kupuju lo ami sǘvetsü cheni, eno amili ghí amiyizü mi no pitive cheni ke.

Sumi Naga CL (Re-edited) Bible (BSI)

⁶ Amili ye ami toi, ni phimpi lo achipikumo yeghiqha hutoi ke. Tino aphimpi kuchopu shipüsave tsüno amiyizü mi pesü aküxü kupuju lo pitiqhi cheni

James 3:6 ပူးပေါင်းရင်းမြစ်များ

SAMUEL AKINIU 16:20

Tileno Absalom no ide ighino Ahitofel vilo pi, “Tishiaye ninguye hilehi ngoniae, ike noye kiu kukutsu pesu ningu tsuni kya?”

SAMUEL AKINIU 19:43

Israilmiqono ghechilepi, “Ninguye nongu nguno ghuthu chighi shoumu akukau David pukhakepu ani paye nowu timi shi aghinamu. Tighenguno nonguye kushiye ni jukunatha anikya? Ningu paghino akukau sachile saghiveni keu kuptsa phe tughu shilukeu kumsumavekepu kumoe!” Ikemu Juda lo timiqono Israilmi nguno ighono akumou shi pano chipiu pukhae.

YEKIKITHI AKINIU 13:17

Abija ngo pawu ghushimino Israilmi hephokichei leluve eno Israilmi ghushimi kishekiphe 500,000 kutolo pithive tsu.

LESHELE 140:3

Panoqo miliye apighi mili toi tsughaminhei, panoqo tsaye tuu-pighi tughu toike.

LESHELE 64:3

Panonguno azutakihi toi pano mili chighi eno apiji toi ayikusa tsa pesu imijike.

AHOLE 15:1

Mutshaminhei khochile keuno amlo kighide hekuqusu cheni ikemu atsa kumkano amlokighide xukutho puku cheni.

AHOLE 16:27

Alhoksamiye kutami shipsanikeu laghi phu cheni; panoqo tsapi ghi alhoksano pitipuzaqhi cheni.

AHOLE 7:5

Tipaqono kutami nipu launo eno totimino omusuluveni keu tsa pikeu lono noye putosuluve nani.

ISAIAH 30:27

AMPEU kuka ngo akimthe jukuvuye putouno ithuluve nani. Ami ngo amichhino pa loghu piye cheni. Pano pikeulo pa tsano ami toi iquke.

ISAIAH 50:11

Nongu khunoqono kutami kutsa veniye kuchughu cheni keno nowu kuchughu puakeu lono okutsave nani. AMPEU ampino tipau shivepe nani; noye angukusa lhoksa lono aghime sholu nani.”

JEREMIYA 20:10

Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

JEREMIYA 28:16

Tighenguno AMPEU ampino pike pano noikhiveni cheni. Hipau mipe wokha mphi lono noye thive nani kughengu timiqo pelo AMPEU shou hebide penike nono pianike.”

AKIKIHI 25:2

Khilehi Muab lo lhou mllache keno tilehi lhoxu heqhi kuchukusho shikeu alo totimi hipaqono Israilmi kusuuve. Israilmino achuqupu tipaqo chu eno Peor lo Baal

AKIKIHI 31:16

Totimino Balam kukutsu pape wuve no Peor lo timiqo pelo AMPEU lau amikucho kumo shivepe kepi kumsu mla kesha? Tino AMPEU wu timiqo shou pusa kusu sughike.

MATTHEW 12:24

Ikemu Farisimino ti chilu puzu ishipi, “Timi hipauno tughami haphelu akeuye tughami shou Belzebul no akuka pa tsukehuke.”

MATTHEW 5:22

Ikemu ino nongu vilo pinikeuye khunono pa thikuzuu shou amlo ideni keno kughakuthau zulo sawukepu shi nani; khunono pa thikuzuu vilo thaighakeu tsa pini keno Alhou zulo sawukeu shi nani, eno khunono pa thikuzuu vilo ‘No aghuzuu’ ipini keno ami pesu aghimetsuni keu-alo. wunikeu msakepu ani.

Mark 7:15

Ashouno kiu timi lolo ilokeno tiye pa shikuchhubeve chemo, ikemu timi lakhi lolono kiu ipeghikeno tipauno pashikuchhubeve cheni.

Luke 16:24

Tile pano ighamuku, ‘Apu, Abraham! Ikimiye tsulo eno Lazar pelo pa-uloti azulo chosuno imili dikumko tsupelo, kughengu niye ami hipaulo shishe ime ani.’

Apostolmi 20:30

Nongu likhi nongu gholono kixikila tsa pinikemi ipeghive nani, eno kutsuluvekemi musu sasu pano papewuvepe nikeu shi nani.

Apostolmi 5:3

Pitor no pa vilo pi, “Anania, kushiye Satan pelo omlo qhasuluvepe puzu noye Aghungu Kimthe pishiqhi eno olu jekeu lono pisa ithulukeu hami qhipe puave kya?

Apostolmi 6:13

Panonguno akimki shepe kughu pua puzu tipaqono ishi pi, “Timi hipauye pulhapuju ningu wu akimthe chineki ngo Muse yezah shou atsa kumo piachenie.

ZAKINIU 13:6

“Othikuzuu, onu, onga momu nono kimiye chekeu nipu momu oshou kuchou namu tuqhouno ovilo kutau lhou mllanike ohakite aghiluvike, nongu eno nopuasuqono khilemu mlla chemo keu lhou mlla peniye shi aghiluvike.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

James 2:7

Alhou no aje kivi khipau pesu nongu tsukeno tipau je kinimino thaigha chenike kumo kesha?

James 3:7

Lhoxu jeli, aghau, itikiche, azulo lhoxu kumtsu chhikughuvulu cheni eno timino chhikughuvue,

2 Peter 3:3

Atughishi nonguno hipau ithikututa shimasae, ike ashekha tsalaloye timino alikhi ashi ajino ngosukumla papewuve puzu nongu thaigha nani,

3 John 1:10

Tighenguno pano kiukiu shipuani keno ino ighi anguno pano ningu shou lhoksakugha tsa zalepukukeqo kumtsu kughaju nani. Paye tighi aghaqimo puzu pa ampino athikuzumi sasunikeu hachileve, eno kutamino sasunikeu ghi pano hachilevetsu eno akukuho lono athikuzumiqo hapheveke!

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 18:23

Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.