James 3:17 - BAIBEL (BSI)

¹⁷ Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

Sümi Tiqhelimi Bible

¹⁷ Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

Sumi Naga CL (Re-edited) Bible (BSI)

¹⁷ Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

James 3:17 ပူးပေါင်းရင်းမြစ်များ

KUKAMI ATUGHIU 3:12

nono khu akeu shitsuni. Ino alokutsu eno kimchi kulupu kighithi otsuni, khunomu ozuu eno othiu otoikeu lokutsu ipeghimo nani.

KUKAMI ATUGHIU 3:28

Kughou Israilmi no Solomon xakutha hipau chilukeno kumtsuno Solomon akiqheu lono asukumsa pa tsulu, kughengu Alhou lokutsu pa lolo akeu vechewo ighono shikusa kukupuna akeu achipi lono xathavetsuke.

KUKAMI ATUGHIU 3:9

Tighenguno timiqo shou achipiu eno kivikusa kimchiluno ayeh pelu penike alokutsu itsulo. Tishimokeloye owu timi hijejehi shou kishi puzu ayeh peluni kya?”

YEKIKITHI ATUGHIU 22:12

AMPEU oLhou pelo ololo alokutsu sutsuno Israilmi shou pa yehza kiqi lono ayehpelu peniu.

YEKIKITHI ATUGHIU 22:9

Ikemu pano ashoqhi lakhi ilau piqhie. Pano pi ‘Noye anu lakhi shi nani khuu alokughuno lono ayehpeni kuau keno, kughengu ino pa ghumi kumtsu launo pa ghenguno alakishi shitsu niae. Pa je ye Solomon kutsulo, kughengu pa yehkipe ghuloki lono ino Israilmi alakishi eno sushokulu sughitsu nanie.

JOB 28:12

Ikemu alokutsu puki khileno phulu nani kya? Eno tsaqui ithiluni keu a khile ani kya?

JOB 28:23

Alhou likhino tipau la tsaqui ithi anie, eno pano tipau-a ithi anie.

JOB 28:28

Alhou no timi vilo pi, “Ampeu sumsa keuye alokutsue, eno alhoksa lono tsughuve keuye tsaqui keu kighithie.”

IPEKULU 36:2

Muse no Bezalel ngo Oholiab eno shikithimi kutami khunoqo lau AMPEU no shikulupu eno khunoqono kuphu nishi aghikeno tipaqo kuluve eno panoqo vilo mla thuvelo pike.

AHOLE 2:6

Kughengu AMPEU no alokutsu tsucheni eno pa kichi no akighithi ngo vethakulu ighi cheni.

ISAIAH 2:4

Pano ashiayeh dolo kughatha nani, eno timi kutomo ghenguno xatha tsu nani. Panonguno azutakihi hepha pesu akuphu shive nani; eno panongu ngu pesu asubo kikixi zutachi shive nani. Ashiayeh qoye khilemu aghulalo wukithemove nani, khilemu aghukishi ghenguno kutokupui keu shimo nani.

ISAIAH 32:6

Kughuzumi lakhiye aghuzutsa pi cheni eno alhoksa shinikeu kumsupu acheni. Pano mla itha eno piche keuye AMPEU piputha keuke eno paye muzuthi kemi khilemu pulhu chemo momu tughuthi kemi kiumu piye chemoe.

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

DANIEL 1:17

Alhou no akighithi kutho eno akukumsu kutho kighithi pesu apumi pano bidi tsu, tipa shou ghi kungunhetsu eno asamo pekide lupekepu agho Danel tsuke.

MALAKI 2:9

Tighenguno ino Israilmi pelo nongu jumithi pe nani kughengu nonguno ipulou ghobideke eno kughou nonguno iw timiqo kutsupiye keno nonguye kumtsu aphiphishi peithamoke.”

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

MATTHEW 23:28

Tihutoi nongu ghi ashou ye timi kumtsu lau akivimi hutoike, ikemu nongu lo alouye akimki ngo kuhakughano chhitoi anie.”

MATTHEW 5:8

‘Akukumsu mithemitheikemi kumghae, kughengu panonguye Alhou ithulu nani!

MATTHEW 5:9

“Timi dolo alashitsukemi kumghae, kughengu panonguye Alhou nuliqo ipi ku nani!

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

Luke 6:36

Nongu paPuh ye kupukini kehu nongu ghi kupukini shilo.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:47

Nathana-el no pa lau cheghikeu Jisu no ithulu puzu, pano Nathana- el ghili ishipi, “Israilmi kuchou lakhi hichenike julo. Pa lolo pishikiqhi kuhae.”

Apostolmi 11:24

Barnaba ye timi kivi, Aghungu Kimthe eno akupuluno chhitoi kemie. Timi aqo kutomo Ampeu lawumi shilupeke.

Apostolmi 9:36

Jopa lo akukutsu papeluvekemi totimi lakhi ae, lije ye Tabitha. (Grik tsalo li jeye Dorka, tipau kiqiye “Ashe”). Lino akivi kumla eno kumlhomi kimiye-kinilo no ado peveche.

Rommi 12:18

Toluke thaqhu, omuzuloye timi kumtsu sasu kulakishi lono xuanikeu shilo.

Rommi 12:9

Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

Rommi 15:14

Ithikuzumiqo, niye nongu ghili chilu puzu ighakiqi shi akeuno, nonguye akivipuno chhitoi ani, eno ninguye akighithi kutomo xapusu chhitoi ani eno lakhino lakhi shikakilelu nanie.

1 Kor. 12:8

Milakhi lauye Aghungu vechewo asuqekighithi pikulupu tsu cheni, kutami lakhiuye Aghungu tipau huno akighithitsa pikulupu tsu cheni.

2 Kor. 10:1

Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke.

2 Kor. 6:6

Tiye ni mikucho, akighithi, kutuukulu eno kimiyekini akeu pesu; Aghungu Kimthe, kuchou kikimiye,

2 Kor. 7:11

Alhou launo nongu mlo ghime kishi peithaluve akeno julo: hino nongu pelo amlo tsushekeu shiveapeke, nonguye kiumu pimi puamokeu mutsuqheyive nike khekulho shipeke. Achipikumomi ghime alo nongu pelo axuidepe, thughuyilupe. kumsulupe, amlo tsulupe eno kutolupeke! Hipau vehulo nonguye pimi puamo kepi alaghi thwokha lono nonguno mutsuqheyi piyevae.

2 Kor. 9:10

Apiti yisukemi tsuchekeu eno chukepushi achuqupu tsuchekeu Lhou no nonguno apiti avehupu shiakeu tsupuzu tipau thuwulupe, nongu kimiyekini lono kinikulu shi ghile hulupe kepu shi nani.

Ephesiami 5:9

Kughengu akuvulo chechekeu lono akivipu, achipiu eno kuchou ipeghilupe cheni.

FILIPIAMI 1:11

Alhou jekipipu eno shekiqhepu ghenguno Jisu Khristo lau likhino ighichekeu mikucho xathino nongu shepichhiluve nani.

FILIPIAMI 4:8

Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

1 Thes. 2:7

monimoaye ninguye Khristo wu apostolmike ghenguno nongu launo kiu avehupushi akeno khukepu shiake. Tishinike zuqhu, ninguye aza no anuliqo tuchomujo ketoi ninguye agholauno nongu gholo acheke.

1 Tim. 5:21

Alhou zulono eno Khristo Jisu zulono eno kungumi kishe kipheqo zulono opelo akukutsu tsa hipaqo pape penike ino ohakite ani. Khilemu kumsukutoju mono kughathabe kevilo eno agi jumono shilo.

2 Tim. 2:24

Ampeu qemiye mutomushuyi kepu kumoe, ikemu kumtsu lau iqu ighayikeu, ghutsu-ghulayi keu kusuqhikuluu, akukutsuu

Titus 1:15

Mutsumisheikemi ghenguye thwokhalo kitiqekepu kuhae, ikemu kusakughami ngo pulunishimokeqo ghenguye kiumu muqhamiqhi keu kuhae; panongu kukumsu ngo kivikusa michilukeu mlo pe kusakugha kughulho vae.

Titus 3:2

Timi xishikevi, mutomushuyi kiyikevi, ikemu timi kumtsu lau iquneyi shipuzu akumtshakughuvu shilo pilo.

IBRIMI 12:11

Sakiyi qoputhu akeu tuqhudoloye khilemu aloviqhiyi chemoe ikemu aghimepu shi cheni. Tishiepimu khunoqomi aghimeshi puzu sakiyi qoputhuluve nikeno tipaqoye iquighayi keu mikucho lothi pithilu cheni.

IBRIMI 12:14

Timi kumtsu sasu kulashi anikeu pukaputsalo eno akimtheshi xunikeu pukaputsalo, kughengu tipau kuhakeloye khunomu Ampeu ithumla nani.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

James 1:5

Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

James 2:4

nonguye nolikhi nongu gholo kutuqukeu shipesu qhiani eno alhoksa kumsupuno kughathabe anike kumo kesha?

James 3:15

Tikithipu lokutsuye kungugha launo ighikeu kumoe; tiye ayeghiqha lowuke, tiye nguka ngugha ke eno tughakusapuke.

James 4:8

Alhou lau kupunu ighilo eno paye nongu kupunu ighi nani. Nongu axinemiqo, nongu-u shikimthevelo! Nongu amlo kini puchekemiqo, nongu mlo qhukimthevelo!

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 Peter 2:1

Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.

1 Peter 2:18

Aqemiqo, nonguye nongu mipemiqo qhoqhu masae eno gihukuzupu kumtsu pesu tsumasae, tiye ivunheyi eno akumtshami lau likhi kumono mughachhoikemi lau ghi tishimasae.

1 John 3:18

Atianuliqo, ninguye atsapilo likhino kimiyekeu shikepu kumoe ikemu akumla lono kuchou kikimiye piyekepue.

1 John 3:3

Khunono Khristo lau lajupu hipau anikeno Khristo no akimthe kehu timi tipau ghi akimthe shi xu cheni.