James 2:6 - BAIBEL (BSI)

⁶ Ikemu nonguno kumlhomi phimo gihumo chenie! Kinimino nongu nedaqoda cheni eno nongu sunhe sasu kughakutha alo wuchenike kumo kesha?

Sümi Tiqhelimi Bible

⁶ Ikemu nongu no athokhami gihumove ke. Kinímiqo no nongu haphe anike kumoe? Nongu sünhe pesü küghaki lo wu keu ye panongu ke kumo keshea?

Sumi Naga CL (Re-edited) Bible (BSI)

⁶ Ikemu nongu no kumlhomi gihu movae. Kinimiu no nongu nedaqoda eno küghakütha-a lo nongu sünhe sawu cheni kekumo?

James 2:6 ပူးပေါင်းရင်းမြစ်များ

JOB 20:19

Kughengu pano kumlhomi qhasu eno shikighimeke eno kutamino shipuakeu ki pano suxaluve achenie.

LESHELE 10:10

Akukuphu havekemi huye chunutha pinyive; pa ka-agha pesu panoqo suqoqhi.

LESHELE 10:14

Ikemu nono ithulu ani; shiluksa eno ghichhe-ghime nono ithitoi ani eno kuphuniye khe anie. akukuphu kuhakemino pa likhi pa pesu olau kulhuqhi; nono mighimi kuphu acheni.

LESHELE 10:2

Kixikilamino aqhekuza shi kumlhomi hakuqoqhi cheni, panongu muqu lono pano meluve pelo!

LESHELE 10:8

Paye aphulo itshu pesu ngono pimimo kemi heqhinike khe cheni. Pa nhethi nheghouno akukuphu kuha kemi ju acheni,

LESHELE 12:5

“Ikemu itehi niye ithughiniae, kughengu kumlhomi akijiksa shiakeqo eno ichhe-ime ake qono shishe igha-su auvae; Panonguno laju aketoi ino panoqo sushope qhinie,” ipi AMPEU no pi.

LESHELE 14:6

Alhoksamino kumlhomi kukughu hexavetsu cheni; ikemu AMPEU no sushokuluu ke.

AHOLE 14:31

Nono kumlhomi qhasu cheni aye tipaqo lhokeu Alhou thaigha anike ikemu kumlhomi tsu jekeu ye Alhou mllakeu kumla shianike.

AHOLE 17:5

Nono kumlhomi junuaye panoqo lhokeu Lhou thaigha ani. Khualano ahakusapu sholukelo amlokiqi shicheghi aye noye aghimepu otsu nani.

AHOLE 18:23

Kumlhomino atsa pini kelo aloqhaqhilei shino qhuiniju cheni ikemu kinimiye mugha chhoi khochile cheni.

AHOLE 22:16

Nono kinimi tughotili tsuaye momu kinimi shiniye kumlhomi nedaqoda aye noghi kumlhomi shive nani.

AHOLE 22:7

Kumlhomiye kinimi quaxemike. Pisa nalulo eno noye opuna keuno quaxeuke.

YETSAPIU 5:8

Kughou yehpekano kumlhomi nedaqoda veno kuchou xakutha ngo achipiu shitsumo nikeno tipau jupe akumzaqhiyi kevilo. Kijemi kumtsu panoqo nguno akijeuno shokha pesu acheni eno pama shou itaghi akijeu no sushope aphike.

ISAIAH 53:3

Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

AMUS 4:1

Hipau inijulo, nongu Samariami totimiqo, Bashan lo amshiqu ashi pubeyi keqo toi athapubei keqo, kumlhomi peitha pusa chekeqo, shiluksami qodaqhi chekeqo eno nongu kimiqo vilo aji xapuwo tsu alepi khuchekeqo!

AMUS 5:11

Nonguno kumlhomi qoda cheni eno pano thi suxaluve cheni. Tighenguno nonguno atu pesu aki kivi shipuakeulo nonguye ngomla nani momu atsayilu kivi nonguno chipe puakeu lono atsayiji shomla nani.

HABAKUK 3:14

Kughou tipaqono ni hale nike pasapagha toi ighi keno, tuqhouno kumlhomi nedaqhi chekemi toi tipaqono amlo qui shipuzu ighi kelo, opijino pawu aghushimi shou azah kutsuu jiqhivetsuke.

ZEKHARIA 7:10

Nonguye chimemi, mighimgha eno inami khunoqo nongu gholo ani keno momu khukhumu nongu kukuphu avehupu shi aghikemiqo nedaqoda kevilo. Momu lakhino lakhi shipusa nikeu laghi kughuqhi kevilo.’

John 8:49

Jisu no khochile, “Ilolo tughami kuhae, ikemu iPuh gihu cheni eno nonguno igihumoe.

Apostolmi 13:50

Ikemu Judami no aphughilo sakiphemi ngo totimi aqo-aholo sapheghi Alhou mlla chekeqo xukuthoe. Panonguno Paul ngo Barnaba pama shou shikighime nikeu xukutho eno tipa qha lono pama hapupove.

Apostolmi 17:6

Ikemu kughou panonguno pama phumlave keno Jeson ngo athikuzumi khami sunhe sasu tipau phughilo ayehkipemi zulo wu, eno ighamuku pi, “Ayeghi kumtsu pekidepukhu akemiqo hu hila ighi ani,

Apostolmi 18:12

Kughou Galio pelo Akhaiya qhalo Rom kuka wu Ahng shivepe keno, Judami kumtsu kuqhano Paul tsuqu sasu kughakilo wu.

Apostolmi 8:3

Tishi akelo, Saul ye akukuho kutsaniye pukaputsa ae. Pano aki kumtsulo ilo puzu kupulumiqo kiptimi ngo totimi sunhekiti sasu ipe puzu akughukilo sunhesu.

1 Kor. 11:22

Nonguye chuni shonikeu pututa ki kuha kesha? Ikeo, Alhou kukuhou thaigha nike eno kumlhomi shikukujoniye kya? Niye nongu vilo kiu pilo pikya? Niye nongu sheqhelo pikesha? Hipaulo niye nongu sheqhe mla thono!

James 2:3

nonguno aphimini kivi pepusu ighikeu jukuto auveno pa vilo, “Alakhu kiviu hipaulo iqa tsunima?” ipini, ikemu kumlhomi viloye, “Tila puthugholo momu ipukhu phivilo iqalo,” ipi piaye,

James 5:4

Ikemu khunoqono nongu lulo ghile hutsukeno tipaqo jume nonguye khilemu tsuchemoe. Panongu ghugha inijulo! Nongu lulo ghile hutsukemiqo ghughaye Aqokitikhi Mpeu kini tovae!

James 5:6

Nonguno kiumu shipimimo kemi peve cheni eno ghiqhi cheni; paye omujochile chemoe.