James 1:1 - BAIBEL (BSI)

¹ Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.

Sümi Tiqhelimi Bible

¹ James, Alhou eno Ampeu Jisü Khristo qeu lakhi, Shiyeqo dolo apanagha pe akemi ashiaye chighí kini lau: Petha tsü ani.

Sumi Naga CL (Re-edited) Bible (BSI)

¹ Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

James 1:1 ပူးပေါင်းရင်းမြစ်များ

KUKAMI ATUGHIU 18:31

Jakob khuu AMPEU no pa je Israil kuvetsu keno pa nuli chighi kini kiqi lono atu ikhilu.

EZRA 6:17

Shikimthe pe khaqhikeu tsalalo amshitsu alhothe 100, bheri 200, bheriti 400 anetsu chighikini Israil shiyeh chighikinino axine shivekeu axine kumllagho ghenguno tsukeu pesu heqhi mllake.

ESTHER 3:8

Haman no tipau tsa pesu akukau lau wuno hitoi pithu, “Okuka yeghiqhalo timi aqo lakhi acheku kumtsulo vekuphape ani, panonguye timi kutami khuaye toimokeu pepimhe acheni eno panonguye akukau yezahqo lutsumoe, tighenguno panonguye akukau kivipu ghenguno xua kuzupu kumoe.

IPEKULU 24:4

Muse no AMPEU zahkutsu kumtsu yepe qhive. Thanau itheno pano naghuto pukhu phivilo akiptia lakhi shipe qhino Israil shiayeh chighikini jehi pano atuqu chighi kini pewo qhi.

IPEKULU 28:21

Atu hipau chighikini lakhikhilo Jakob nu je lakhi yepukulo, tiye Israil lagha zuqhushi qhilo.

IPEKULU 39:14

Atu hipano chighikini lakhikhilo Jakob nuqo je lakhikhi yepuku puake, tiye Israil lagha chighi kini zuqhushi sukeuke.

EZEKEL 12:15

Kughou ino ashiayeh kutami gholo eno inami ghakhulo panoqo hale puwuni keno, tileno panonguno niye AMPEU kepi ithi nani.

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

MATTHEW 10:3

Filip ngo Bartholomew; Thoma ngo asuqhakuqhau Mathi; Alfaius nu Jems ngo Thadaius;

MATTHEW 13:55

Hipauye asu kumlami nuke kumo kesha? Pa zaye Maria kekumo kesha? Jems, Josef, Simon eno Judas ishiye pa thikuzumike kumo kesha?

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

Mark 3:18

Andrew, Filip, Bartholomi, Mathi, Thoma, Alfios, Jems, Thadius Simon aza yeghi kimiyekiniu,

Luke 22:30

Nonguye ikukaqhalo igholo kumtsa chusho nani, eno nonguno akuka lakhulo iqano Israil lagha chighi kini shou ayehpe nani.”

Luke 6:15

Mathi, Thoma, Alfia nu Jems, Simon azukiniu ipi kuchekeu,

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

John 7:35

Judamiqono panongu dolono ishi piae, “Paye khilau wuveni cheni keno ninguye pa phumlave nani kepi anikya? Paye Grikmi phughi qolo Judami akeqo lau wupuzu Grikmiqo kutsuwuve nikeu shi ani kesha?

Apostolmi 1:13

Panonguye aphughilo ilo puzu panonguno ngochekeu ki kunguu chebolo ikue: Pitor, Johan, Jems, Andrew, Filip, Thoma, Bartholomew, Mathi, Alfius nu Jems, aza yeghi kimiyekicheu Simon, Jems nu Judas ngo ishi.

Apostolmi 12:17

Panongu pelo inaqhoive peniaye pano au kutsu piye, eno Ampeu no akughuki lono kishi pa saipeghiluve keno kishekulu lhepiye. “Hipau pesu Jems vilo ngo athikuzumi kutami vilo pilo” ipi pano pive. Ipuzu paye cheve eno a-a kutau wuve.

Apostolmi 15:13

Pamano pitave kethiu Jems no khochile pi, “Athikuzumiqo, itsa initsulo!

Apostolmi 15:21

Kughengu Muse yezah ye khaghino Sabat atsu-tsu Sinagog lo phisu che, eno pa tsa taun kumtsulo asheshu cheke.”

Apostolmi 15:23

Panonguno tipaqo ulo yesu ishi yetsu puwu: “Ni athikuzumi apostolmi ngo kupulumi kichimiqono nongu Judakumomi athikuzumi khilehi Antiok, Siria eno Kilikia ghakhulo ani keno petha tsu ani.

Apostolmi 2:5

Tishiakelo ayeghiqhalo ashiayeh jeli kumtsu lono Judami achine yehlo amlo tsukemiqo ighieno Jerusalem lo akhae.

Apostolmi 21:18

Tishiwo thoghiu Paul no ningu sasu Jems lau wuke akukuholo kichimiqo kumtsu aghi.

Apostolmi 23:26

“Klaudia Lusia no panguno Akiqheu, ahng Feliks lau petha tsu ani,

Apostolmi 26:7

Ike tipau piqhi puakeu ithulu kepushi ni shiayeh chighikinino amlo tsuqhiyi putho pucho Alhou mlla achenike. Hipau lakuju ghenguno Judamiqono inguku anie, o Akukau!

Apostolmi 8:1

Tipanino Jerusalem lo akukuho shou shishe akijipusakeu ipeghive. Apostolmi thono kupulumi kutamiqoye kumtsu Judia ngo Samaria bocholo apanagha kohave.

Rommi 1:1

Jisu Khristo qeu Paul ye Alhou tsakiviu pikulha penike apostolmi shi kuluve keuno yeh ani.

Galatiami 1:19

Niye Ampeu thikuzuu Jems thono apostolmi kutami lakhimu sasu kushomlae.

Galatiami 2:12

Jems no timi khami puwukeqo ighi mphi loye Pitor no Judakumomi sasu kuchukusho shiche. Ikemu timi tipaqo ighive kethiuye paye tsughuveno Judakumomi gholo chumove, kughengu paye Judakumomi pelo aphighu yiko ghave penishi chekemiqo msave.

Galatiami 2:9

Alhou no amakho hipau itsuke akukuholo sakiphemi shiaghikeqo, Jems, Pitor eno Johan ishino ithulu puzu panonguno Barnaba ikujo sasu aqo lakhi kepi petha shino kuposhulu. Nino Judakumomi gholo mla wunikeu shi eno panonguno Judami gholo mla nikeu shi kughalue.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 32:26

Ino panoqo qhoi kutsaleveni cheni, tishianguno khunomu pano kumsuchilelumo nanie.

ZAKINIU 4:27

“AMPEU no ashiayeh kutami gholo nongu halepuwuve nani tilau nonguye aghuloshi likhi puxulu nanike.

FILIPIAMI 1:1

Khristo Jisu qemi Paul ngo Timothi pamano Filipia lo Alhou wu timiqo ngo akukuholo pastormi eno dikonmiqo lau yehani.

2 Tim. 4:21

Noye susutsala shimphi lono ighinike pukaputsalo. Eubulu, Puden, Lina, Klaudia eno athikuzumi kumtsuno petha tsupuwu ani.

Titus 1:1

Alhou qeu eno Jisu Khristo wu apostolmi Paul no yeani. Alhou no kishepheluvekemi kupulu shiqhetsupe nike eno saphepiye penike ikishepuwuke.

1 Peter 1:1

Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

Jude 1:1

Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.

Piyeküsü 7:4

Amichi chishida pukuvekemiqo kihikutsulu keu kikihi ivilo pikeuye 144,000. Panonguye Israilmi alagha chighikini gholonoke.