ISAIAH 7:4 - BAIBEL (BSI)

⁴ Pa vilo tsukhui, iqunei shilo pilo eno paye kutuxoxo momu izuyicho kevilo pilo. Akukau Rezin ngo pawu Siriyami eno Akukau Peka pama loghu kighideye chuchumi akeu amusu kinilo amichhi akeu paphike eno tikithipuye akuighupu kuhake.

Sumi Naga CL (Re-edited) Bible (BSI)

⁴ Eno pa vilo pilo, ‘Kutokupui eno inaqhoi shilo, msa kevi, eno amsü miche ilhouve keu Syriami Rezin ngo Remaliah nu hupama xukighide ghenguno o mlo hauve kevilo.

ISAIAH 7:4 ပူးပေါင်းရင်းမြစ်များ

KUKAMI AKINIU 15:27

Akukau Uzia no Juda lo kakeu mpe lhopungu akiniu shi akelono, Remaliya nu Peka no Israil lo akukau shiluveno Samaria lo ampe muku ayehpelu.

YEKIKITHI AKINIU 20:17

Nongu ye aghukishi hipau shimo nani ke. Vejoi no-a kutolulo eno khelo; AMPEU no tokulu nongu tsukeu nonguno ithulu nani ke. Juda ngo Jerusalem lo akemiqo, izuichoi kevilo momu msa kevilo. Aghu shinike wulo eno AMPEU no nongu gholo che nani ke!”

ISAIAH 10:24

AMPEU, aqokitikhi MPEU no pawu timi Zion lo xua kemiqo vilo ishi pike: “Asiriyamino Ijipmino shikeu toi nongu qoqhi cheghi namu nonguye panoqo musaichi kevilo.

ISAIAH 30:15

AMPEU Alhou, Israil Lhou akimtheuno timiqo vilo piani, “Ideghilo eno tsaqui shieno ipukhulo. Tishianguno nonguye mutotoi eno sushokulu anani.” Ikemu nonguno tishimopi milive!

ISAIAH 30:7

Ijip no kuphukeu huye adouke, ikehu ino Ijip pesu ‘ghuzamlakeu Dragon’ ipi aje kupuatsu ake.”

ISAIAH 35:4

Aghuthi suvekemi lakhikhi vilo pilo, “Akumto shilo eno musa kevilo! Alhou no nongu xaphelunike cheni, noghumiqo ghimeqhinike cheni.”

ISAIAH 37:6

pano khokichile hipau tsupuwu: “No kukau vilo pilo, AMPEU no ishi pianike; Asiriya kukau timiqono ithaighakeu tsa pi keu ghenguno noye musaichi kepu kumoe.

ISAIAH 41:14

AMPEU no pi, “Musakevilo, kitila eno miqemileyi keu, Jakob, Israil timiqo; ino okuphu nanike. Ni, Israil Lhou akimtheu, ino oxalu chenike.

ISAIAH 7:1

Jothem nu Akukau Ahaz ye Uziya tilimi lakhike pano Juda lo ayehpe ake ghuloki lono aghukishi ipeghive. Siriyami kukau Rezin ngo Remalia nu Peka, paye Israilmi shou akukauke, pamano Jerusalem leighike, ikemu tipau khathamlave.

ISAIAH 7:8

Kughengu Siriya ye tipau phughitou Damaska nguno akumtou kumoke, eno Damaska ye Akukau Rezin nguno akumtou kumoe. Israil ghenguye ampe lhotsugho pungu dolono ipopinyive nani eno ashiayeh lakhi shi puxuamlave nani.

ISAIAH 7:9

Israil ye tipau phughitou Samaria nguno akumtou kumoke eno Samaria ye Akukau Peka nguno akumtou kumoe.” “Nongu kupulu mutotoi monapiaye nonguye ngosumla nani.”

ISAIAH 8:4

Anu itimi huno ‘Ipuo’ ‘Izao’ ipimla aphi lono Damaska lo kinikulu kumtsu eno Samaria lo kinikulu xulesuwo puakeu kumtsu Asiriya kukauno xapuwuve nani.”

ISAIAH 8:6

“Timi hipaqono Shiloa ghokitilo azu mutshaminhei qowu akeu miliveke ghenguno eno Akukau Rezin ngo Akukau Peka zulo musa khokhoshi keghenguno,

AKUMLO 3:26

AMPEU wu xakulu ghenguno iquighai kheakulu shi keuye aloke.

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

HABAKUK 2:3

Hi yepe qhilo kughengu hipau kuchou shi ighinikeu ghuloki kumphike. Ikemu aghulokiye papashi ighi nani eno kiu opiye keno tiye kuchou ighini putsake. Hi ighinike asheshi aghiluvi ikemu tipau khelo; hiye mutsuqheyino shi nani putsa ke eno hiye munuvemo nani.

ZEKHARIA 3:2

AMPEU wu kungumino Satan vilo pi, “AMPEU no okileqhive peniu, Satan! AMPEU, Jerusalem kimiyekicheuno okileqhive peniu. Timi hipauye ami lono puxuphelu keu sulu lakhi toike.”

MATTHEW 10:28

Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.

MATTHEW 24:6

Nongu kupunulo aghushi akeu chilu nani, aghachelo aghushi anie pikeu sutsa nongu vilo pi nani, ikemu nonguye thughuyive kepu kumoe. Hikithipu ighimasae, ikemu tiye ashekha tsala ighiveake kumoe.

ZAKINIU 20:3

‘Israil lo timiqo, inilo! Ishi tsalalo nonguye aghu shini chenike noghumiqo jumsa kevilo momu amlo loti kevilo momu izuichoive kevilo.

SAMUEL ATUGHIU 17:32

David no Saul vilo pi, “Akijeu, khuunomu Filistiyami hupau msa akepu kuhae! Ino wuno pa sasu kichighini.”