ISAIAH 66:3 - BAIBEL (BSI)

³ “Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

Sumi Naga CL (Re-edited) Bible (BSI)

³ “Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

ISAIAH 66:3 ပူးပေါင်းရင်းမြစ်များ

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

AHOLE 21:27

Kughou kixikilamino alhoksa kimiji lono aghashipe mllani keno AMPEU ye tipau mithi cheni.

ISAIAH 44:19

Ajulho shisukemiye ishi pinikeu alokutsu momu kumsukulu kuhake, “Asu tuxaye ino sughu cheni. Amibalu lono ino asho pugha cheni eno ino ashi ghuno chuve cheni, Tipasu tuxaye ino ajulho shisuke. Niye asulu lakhi zulo itsaiqi pishiqho auvae!”

ISAIAH 53:6

Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

ISAIAH 57:17

Ino panoqo shou imlo idevekeuye panoqo xine eno panoqono aghukha shikeu ghengunoke, ike ino panoqo ghimeqhi eno qhiveke. Ikemu panonguye amlo kiqhimi eno panongu gho apuloulo checheuve.

ISAIAH 65:12

Nonguye ghuilo wokeu kithi shi akishelo yepuakeu shipe nani, kughengu kughou ino nongu kukelo nonguye khochilemo momu ino pikelo inimoke. Nonguno ighobide eno alhoksa shinikeu kisheluke.

ISAIAH 65:2

Ihekibidemiqo salu nike tsala kupujulo iu sukhope laju ke, panoqoye ala kivi kumolo chechekemi eno pano lhoksa pape chekemiqoke.

ISAIAH 66:17

AMPEU no pi, “Khunoqono tughachine ghenguno aphikimthe shicheni, khunoqono tughachine ghutu shikimthe keulo shekujo wucheni eno khunoqono awoshi ngo ajifu eno aphikumqhupu chuqupu chucheni keno tipaqo ghenguno ashekha shiveni keu kupunuvae.

JEREMIYA 6:20

Panonguye kushiniye Sheba kudauno musughuta ilau sughi cheni momu aghache yeghi lono vekuju mukhu sughi cheni kya? Niye panoqono akumllagho tsukeu lutsumoe momu panoqono lhoxu heqhi itsukeulo aloqimoke.

ACHINE 2:2

Aron laghami achineu lau sughilo. Peitha keu achineuno asho mukhu ngo teli au kie lakhi eno tsungquikeu zu kumtsu pewo akiptia shouno pitilo tiye kumsumamo keu michi lakhi shi kumtsu pesu AMPEU mllavekeu kumlho shinia ke. Achuqupu kumllagho xo hipauye AMPEU lopu shicheni.

HAGAYI 2:14

Tileno Hagayi no pi, “AMPEU no pianike timi hipaqo eno hipano shiayeh ghi izulo tipaphike eno panonguno kiu mlaqhini keno tishive anie; ike panonguno akumlla kiptialo mllakeu kumtsu kitiqevae.”

ZAKINIU 14:8

Awoshi chukevilo. Tipaqoye mithemoke; tipanoqoye aphukhu mutsu shobake ikemu akhakile chemoke. Lhoxu hipaqo lakhimu chukevilo momu tipaqo kithikumo bukevilo.

ZAKINIU 23:18

Tike kumono, hitoi shipuzu pisa qelukeuye shoqhi bekutha shikupukeu lakhi shinike AMPEU nongu Lhou kilo suloghi pekevilo. AMPEU no achinekilo kusalhami jumithi achenike.

XAKUTHAMI 10:14

Wulo eno nonguno kisheluvekeu lhouqo lau ighamuku khuulo. Nonguno aghime shi akelo panongu pelo nongu xaphelu pelo.”

XAKUTHAMI 21:25

Tipau ghulokilo Israil lo akukau kuhano acheke. Kumtsu no pututa chipiu kiqi lono aghoshi xu ache.

XAKUTHAMI 5:8

Israilmino kutau lhou kithe kisheluve ikehu aghakhu lo aghukishi ipeghive. Israil lo timi 40,000 wuke dolo khuwano azuto momu angupa pewu keshea?