ISAIAH 53:3 - BAIBEL (BSI)

³ Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

Sumi Naga CL (Re-edited) Bible (BSI)

³ Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

ISAIAH 53:3 ပူးပေါင်းရင်းမြစ်များ

LESHELE 69:29

Ikemu niye shishe supuzu amlo kusa shiani; ikhapeqhelulo, O Alhou, eno ixalulo.

LESHELE 88:4

Niye timi thiveniaye akeqo gholo kihisuvekemi toive, ikumto kumtsu chevae.

ISAIAH 49:7

Israil Lhou akimtheu eno xaku luuno Ashiayehqono mithi achekeu eno shishe jukunatha achekeu eno ayehkipemiqo qeu vilo ishi pi: “Okuqhopheve keu kukamino ithulu nani eno ithughino panoqono agigihu tsu nani kukapumi ghi tipau ithulu nani, eno panongu ghi aqhou shi itsaiqi puzu ogihu nani.” Hipau shi nani putsa kughengu AMPEU no pa qeu kisheluve ake; Israil Lhou akimtheuye pano tushoqhivekeu pecheni.

ISAIAH 50:6

Iheqhi akemi lau ino imqa mighe tsuke. Panonguno ithaighakeulo niye pano qo lakhamoke, panonguno ikichimhi phivetsu eno igilo musute keulo niye panoqo lakhamoke.

ISAIAH 52:14

Kughou timino pa ithulu keno panonguye thughuyive; Paju shishe shipusavetsu kehu paye timi kumo toive.

ISAIAH 53:10

AMPEU no pi, “Pano aghime shikeuye ipulou ke; pa kithiye peve tsukile keu sughinike aghashikeuke. Ikehu paye pa laghami ithulukha nani; paye akuxu kushuwa xu nani, eno pa vechewo ino kimji pesu akeu tokulupu shi nani.

ISAIAH 53:4

“Ikemu nino aghichhe ghime shia kepu pano puqheluvetsuke, akusupu nino xapu akepushi akeu hu pano puqheluve tsuke. Tishiake kutolo pano ghichhe ghime shiakeuye Alhou no pa ghimeqhi anikepi nino kumsuveke.

MICAH 5:1

Jerusalem lo akemiqo, no-ghukishipu jeli hekutsulo! Ninguye suholuvae! Panonguye ayikusu pesu Israil lo ayehkipeu shou ghapuku anike!

ZEKHARIA 11:8

Niye bherikhemi kutami mikuthu iju mithi chekemiqo lau kheakulu kuhave ikehu aqhi lakhi dolono panoqo kumtsu ino kutsave.

MATTHEW 26:67

Tishieno panonguno pa gilo musute puku, pa chishiqhi; eno khamino pa ghaqhi ghi ishi pi,

MATTHEW 27:63

ishipi, “Akijeu, hu kuhakughau huno pano xuaphi lono ishi pichekeu ninguno kumsulu ani: ‘Atsala kuthu thiu niye xuthughive nanie.’

Mark 10:33

“Julo, ninguye Jerusalem lo iqho cheni, eno tilano ni Timi Nu ye achinetomi ngo Ayezah kukutsumi lau kughapesu sawuve nani. Panonguno pa pithivepe nikeu shi pa koleqhive nani eno Judakumomi ulo suvetsu nani.

Mark 10:34

Tipaqono pa pithive nani, eno atsala kuthu thiuye pa xuputhuve nani.”

Mark 14:34

Pano pano kuthu vilo ishi pi, “Niye thivenikeshi imlo shishe ime ani! Hile ngolo eno jukutolo.”

Mark 15:19

Panonguno akusu pesu pa kutsulo ghatsu eno pa shou musute puku eno qhoqhunhepeno pa gihuke ghilishi itsaqipiye.

Mark 9:12

Jisu no ishi khochile, “Elija ye atughushi ighi puzu thwokha kutope qhi. Eno ni Timi Nu ghenguno kuchoyesulo kushiye paye thwokha aghime shinikeu eno pa jukunathani keushi yepuani kya?

Luke 16:14

Farisimiye akini kupu chekemi kehu, kughono Jisu no hi kumtsu pikeu chilukeno panonguno pa junu.

Luke 19:41

Pano Jerusalem phughi kupunu ighive eno kughou ti ithulu keno tipau ghenguno mloqa ghi pi,

Luke 8:53

Panonguno pa junuqhi kughengu liye thive keu panonguno ithi ake.

Luke 9:22

pi, “Timi Nu ye shishe ime masae; muchomiqo, achinetomi eno Ayezah kukutsumiqo pelo pa levepe, pithivepe masae ikemu akuthunino xuputhuve nani.”

John 11:35

Jisu no qah.

John 8:48

Judamino Jisu khochile pi, “Noye Samariami lakhie eno tughami lakhi ololo anike pi pikeu ninguye achipike kumo kesha?”

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

IBRIMI 4:15

Ningu chinetouye nino tomochhimo keulo amlo imekuqha tsumla keu kumoe, ni chinetouye alaghi thwokha lono ningu ghukeju cheketoi pa ghujupe puani, ikemu paye axine shipuamoe.

IBRIMI 5:7

Jisu no ayeghilo xuachekelo aghugha kuloghi eno anhezu piji puzu pa kighini pesu akithi lono pa xakulupu shiakeu, Alhou vilo inikhu cheke eno pano Alhou sukumsa akeu ghenguno pa kighini ikhilutsue.