ISAIAH 51:3 - BAIBEL (BSI)

³ ‘Niye Jerusalem lau eno tipau ixa pinyi akeulo kughuna akemiqo shou amlo ighiqhiyi keu anike. Li yeghiye asayeqha lakhi shianamu ino tipau pesu aghutu lakhi shi tsu nani, tiye Eden lo ino shikeu ghutu kimihi lakhi shi nani. Alokivi ngo alokiqipu tilehi anani eno sheqhekeu ngo shikimthi keu le tilehi ilau tsu nani.

Sumi Naga CL (Re-edited) Bible (BSI)

³ Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 51:3 ပူးပေါင်းရင်းမြစ်များ

BOTHUBO 13:10

Ikehu Lot no pishipuwo Jordan khila qha ti Zoar kutolo eno tiye azu nibonilei akeu ithuluve, AMPEU ghutu kimihike momu Ijip yeghi kimihike. Hiye AMPEU no Sodom ngo Gomora phughi puhavetsu mphi zuuke.

LESHELE 85:8

Niye AMPEU Alhou no kiu piani keno chiluni; ninguno anikha laghilo wokithemo aye pawu timiqo lau pano alokughuno tsunipi piqhi puanike.

ISAIAH 12:1

Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

ISAIAH 35:6

Apukhu kinitave kemino ikaulu eno ilhelu nani, atsa piphemla kemino alovi igha nani.

ISAIAH 41:16

Nono amlhulo elepukuve nani; amlhuno tipaqo xapuwuve nani, eno pasapaghano tipaqo kutho leve nani. Tileno nono alovi nani kughengu niye oLhou ke; nono ni Israil Lhou akimtheu sheqhe nani.

ISAIAH 43:19

Avehu akithe ino shiniye akeu jualo. Tipauye shi ipeghiayeke nonguno itehiye tipau ithulu nani! Asayeqha kathasu ino ala lakhi mula nani, eno tilano aghokiti zu nongu tsu nani.

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

ISAIAH 49:13

Kungughaqo alephelo! Ayeghi, alokivi launo ighamukulo! Naghutoqo pelo vekipighi ale phepelo! AMPEU no pawu timiqo lokughuno tsu nani; pawu timi aghimeshi akeqo jupe amlo ighiqhiyi nani.

ISAIAH 49:19

“Noghakhuye xalepinyive eno kughukughaiveke, ikemu itehiye tilehi kughunaniye chekemiqo ghenguno ngozula nani. Khunoqono nongu xalepinyive tsu keno tipaqoye nongu launo putosulo ikhikiqeve nani.

ISAIAH 49:8

AMPEU no pawu timiqo vilo pike, “Kughono nongu xalukepu ghuloki ighini keno, ino nongu kupuqhiyi keu piye nani eno nonguno kuphulepi ighakeu khochile tsu nani. Ino nongu kheni eno nongu sushoni eno nongu vechewo timi kumtsu sasu puloshoqhi lakhi shi nani. Itehi noyeghi peveno adoushi akeulo itaghi nongu pelo ngolupe nani.

ISAIAH 51:12

AMPEU no pi, ‘Oshikumto chekeu huye nike. Nonguye kushiye thivenikuau timi musa cheni kya? paye atsuni nguno akushuu xuchemo ke.

ISAIAH 52:9

Jerusalem xalepinyipe akeqo, alokivi ghugha ighaphelo! AMPEU no pa phughi lekholu nani eno pawu timi lokughunotsu nanike.

ISAIAH 61:10

Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

ISAIAH 65:18

Ino lhophekeulo pulhapujulo alokivi eno alokiqi shiachelo. Jerusalem akitheu ino lhophe akeuye alokivino chhitoi nani eno li timiye alokivimi shi nani.

JEREMIYA 31:25

Khunoqo aghuthisu ani keno ino aghuthi puxu tsu nani eno akhuamzu lono miqemileive kemiqo kumtsu ino achuqupu pesu aghapiqitsu nani.

EZEKEL 28:13

Noye Alhou ghutu Eden lo xuacheke eno akughupu tu jeli nicheke: rubi, hira, topaz, beril, karnelia jesper, safir, emeral eno garnet. Noye shunayino shikeu achila acheke. Tipaqoye olhoke tsala lono oghenguno mlape qhike.

EZEKEL 36:11

Ino timi ngo pichepighi alau ikowolupe nani. Nonguye puzuu nguno kutomo shive nani eno nonguye atianuli kutomo shi nani. Nonguno puzuu achekeu toi ino nongu pelo tilehi xulupe nani eno ino nongu pelo puzuu nguno kinikulu shilupe nani. Tileno niye AMPEU kepi nonguno ithi nani.

EZEKEL 36:35

Ayeghi hipau atughuloye aghasa keloye kishi puzu itehiye Eden Ghutu kimihi shiluvea eno aphughi hipaqo puzuuye tuleqhive, xulepuwuve eno ixapinyi qhive keno itehiye kughunauve eno aliwono putukhave akelapi timi kumtsuno pi nani.

JOYIL 2:3

Ami toi tipaqono asutsuni chuve. Tipaqo zulo ayeghiye Eden ghutu toike, ikemu tipaqo thiu juaye asayeqha toi thoqhaleike. Kiunomu tipaqo zulo pokaumlake.

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,