ISAIAH 1:9 - BAIBEL (BSI)

⁹ AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

Sumi Naga CL (Re-edited) Bible (BSI)

⁹ Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ISAIAH 1:9 ပူးပေါင်းရင်းမြစ်များ

BOTHUBO 18:26

AMPEU no pi, “Sodom phughilo amikuchomi lhopungu aghikeu ino phulu aye, panongu ghengu lono aqha kumtsu qhipuatsunie.”

BOTHUBO 18:32

Abraham no pi, “O AMPEU agha idetsu kevilo ipelo hilikhi pilu pelo. Tsala michighi phulu ayeo?” Pano pi, “Michighi phulu aye panongu ghengu lono ti pukahvetsu moe.”

BOTHUBO 19:24

Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

KUKAMI ATUGHIU 19:18

Tishimu Israil yeghilo timi 7,000 ye xuaphie, tipaqoye ighokulumiqoke, panonguye Baal zulomu pishiqho mphie momu pawu asuatuqo mu mumakeu shimphie.”

KUKAMI AKINIU 19:4

Asiriya lo akukauno paw kijemi atou hapuwuno akuxu kuau Lhou thaigha anipe. AMPEU oLhou pelono hi kuthakugha tsa chiluno piqhikemiqo lau aghime tsupeniu. Tighenguno ningu achilishi akemi nitimiqo ghenguno Alhou vilo inikhutsulo.”

ISAIAH 1:8

Jerusalem likhivae, aghumino khasupe ngoluvae eno atsayilulo axapiki putu khamokeu toivae, akukalilo apusho shipuakeu toivae.

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

ISAIAH 11:16

Asiriya kudauno alaghila lakhi pawu Isrilmi ghenguno auve nani, tilau puxupe aghikeqo ghenguno, tiye panoqo puasuno Ijip qhive no wuvekelo aghikeu toi nani.

ISAIAH 17:6

Timi aghulo likhi ghupuaghive nani eno Israil ye oliv subo lakhilo athi kumtsu xoluveno akkelo kinia kuthua likhi ghuvekeu toi nani momu aloka aqhou akeulo alothi lakhia kinia ghuvekeu toi nani, Ni, AMPEU Israil Lhou no piani.”

ISAIAH 24:13

Hiye ayeghiqha kumtsulo eno ashiayeh lakhikhi lau kiu shiniye ani keno tipauke. Hiye ghile hukeu ashekha shivekelo oliv lothiqo tipasubo lakhikhi lono sukini qhiluve eno atsayibolo atsayithi ashekhau kutolo xoluveke toive nani.

ISAIAH 24:6

Ikehu Alhou no ayeghi shou musuini pukuveke ghenguno timiqoye panono mlavekeu lochile anike. Timi aghuloshi likhi xuauve cheni.

ISAIAH 37:4

Asiriya kukatouno pawu kijemi atou puwu puzu akuxupu Lhou thaigha anike. AMPEU oLhou pelo hi thaigha akeu chilu puzu tipau piqhi akemiqo ghime penike, tighenguno ni timi akuxu puxupe puaghikeqo ghenguno Alhou lau inikhutsulo.”

ISAIAH 46:3

‘Jakob laghamiqo, itsa inilo, nongu iwu timiqo gholono ghupe puaghikeqo. Nongu punuqhike lono ino nongu tuchohiju cheke.

ISAIAH 6:13

Timi chighi gholo milakhi likhi ayeghilo achili shiaghive kepu shiepinamu tipaqo ghi kutsapiniyive nani; tiye aphisu yeqhiveno asuzungu likhivekeu toive nani.” (Alhou wu timiqoye tipau suzunguke.)

ISAIAH 65:8

AMPEU no pi, “Timi khuumu atsayithi akivi kutsave chemoe, tishike kumono tipaqo pesu atsayiji mla cheni. Nighi iwu timi kumtsu kutsavemo nani, khunoqono iqechekeno tipaqo ino xalu nani.

JEREMIYA 23:14

Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

JEREMIYA 42:2

eno ivilo pi, “Kishimoake ninguno ovilo inijukeu shi tsulo! Nighenguno niLhou AMPEU vilo inikhutsulo. Ningu khunoqo puxu puaghitsu keno tipaqo ghenguno inikhutsu alo. Ghuthu lakhiye ningu kutomo acheke; ikemu itehiye ningu aghulo likhiveake, nono ithulu anike.

JEREMIYA 50:20

Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

AKUMLO 3:22

AMPEU wu ikiqivemo keu kikimiye ngo kupuqhiyikeuye achephi.

AKUMLO 4:6

Ingaqo ghime huye Sodom xine ghengu no aghime tsukeu nguno akijeu shi ado kitila dolono peiveno khunomu panoqo kuphu kulupu shimove.

EZEKEL 14:22

Timi khualano xuaghi puzu pati anuli puxupe aghi aye panonguno nongu lau ighikelo tipaqo shou jupukujulo panonguye kiutoi alhoksa kela julo eno tipau lono ino Jerusalem shou aghimepu sughikeu huye achipi kepi mutsumishei ithilo;

EZEKEL 6:8

“Ino panongu gholo khamiye ghiqhi keu lono poluvepe nani eno ashiayeh kutami gholo apanagha wuvepe nani,

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

HABAKUK 3:2

O AMPEU, nono kiu mlaveakeno ino chiluvae, eno niye apuchopungovae. Itaghi ni ghulokilo ghi nono akumzapu kumla kije shichekeu shitsulo. Nono aloghu ide akelo pinamu kupuqhiyilo.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

MATTHEW 7:14

Ikemu aliwo kibikhoyikeu eno ala sholokutu keuno akuxupulo sawu cheni eno timi aghulono tipala phulu cheni.

Rommi 9:27

Isaya no Israilmi ghili ishi asheshu puani: “Israilmi no azughi saye jejehi aghipinamu, panoqo gholo aghulo likhi xalu nani;

Rommi 9:29

Hiye Isaya no azunatha ghi piveke toi, “Aqokitikhi Mpeu no ningu tikughuko qhitsu mokenapiaye, ninguye Sodom ngo Gomora phu kimihi shivetsu aghini cheke.”

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.

2 Peter 2:6

Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

Piyeküsü 11:8

eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.