IPEKULU 7:3 - BAIBEL (BSI)

³ Ikemu ino akukau pelo kuthovi auve pe nani eno akumsapu jeli khije jehi shinamu paye otsa initsumo nanike.

Sumi Naga CL (Re-edited) Bible (BSI)

³ Ikemu I no Pharaoh mlo shikümkave tsü nani, eno Egypt yeghi lo amchipu ngo akümzapuqo küghüsü mla anamu,

IPEKULU 7:3 ပူးပေါင်းရင်းမြစ်များ

NEHEMIA 9:10

Nono Akukau shou akumzapu kumla mlae, pawu kijemi eno pa yeghilo kuami shou, kughengu panonguno kishishi owu timiqo nedaqoda che keno nono ithie. Nono ishi tsalalo ojekipi aketoi tipa ghuloki loghi nono toluke.

LESHELE 135:9

Farao eno pa qholo akemi kumtsu ghimeqhi nike tilau pano amchipu eno akumzapu shipiyeke.

LESHELE 78:12

Panongu puasuno jukuto akelo, Alhou no akumzapu kumla shike, tiye Zoan qa eno Ijip yeghi lono ke.

IPEKULU 11:10

Muse ngo Aron pamano akukau zulo akumzapu michi hipaqo kumtsu shike, ikemu AMPEU no pamlo hekike vetsuke eno pano Israilmi pelo pano ghakhu lono chevepemoke.

IPEKULU 11:9

AMPEU no Muse vilo pi, “Akukauye otsa initsumo kepi omili auve nanike, tishianguno Ijip lo niye iwu akumzapu michi alau shiluniye ke.”

IPEKULU 14:4

Ino pa mlo hekikeve tsu nani eno pano panongu ha nani eno ino akukau ngo pawu ghushimiqo shou toluve keu huno ije kipipu shilunike. Tileno Ijipmi no ino AMPEU kepi ithi nani,” Panongu vilo pive keu toi Israilmino tipatho lono shike.

IPEKULU 3:20

Ikemu ino ikuka peitha nani eno akuighupu jeli tilau shikeu lono ino Ijip ghimeqhi nanike. Tishike thiuno pano nongu pelo wulupe nani.

IPEKULU 4:21

Itaghi AMPEU no Muse vilo pi, “Noye Ijip lo ide iqi cheake ghenguno kuchouno noye akukau gizulo akumzapu michi kumtsu shimasa ke, khipaqo ino opelo shilu penike akuka otsuvea keno shimasa ke. Ikemu ino akukau pelo kuthovi auve pe nani eno paye timiqo pelo wupemo nani.

IPEKULU 4:29

Ikehu Muse ngo Aron pama Ijip lo wuno Israilmi sakiphemi kumtsu hekutsu kumqo.

IPEKULU 4:7

Tileno AMPEU no pi, “Ophikuzu qhou ou su kithevelo.” Pano tishive eno kughou pano pau ikhiphe keno tiye vithai, aphimpi kutau toive aghi.

IPEKULU 7:13

Tishiepimu akukauye pamlo hekike pesu auve, eno AMPEU no pikeu tho lono akukauno Muse ngo Aron tsa initsumoe.

IPEKULU 9:16

Ikemu ikuka opiyenike ino opelo xuaghi anipeke tishianguno ijekipiye ayeghiqha kuchopulo vekuphawo peniyeke.

AHOLE 21:1

AMPEU no mlalei aghoki qowukeula wulupe ketoi akukau kukumsu ghi ghakutsupe ani.

ISAIAH 51:9

Idathughilo AMPEU, nikuphulo! Okuka peithano ni xalulo; khaghi ghulokilo nono shikeu toi okuka peithajulo.

MICAH 7:15

O AMPEU, nono Ijip lono nisasu ipeghike ghulokilo shikeshi nighenguno akumzapu kumla shitsulo.

John 4:48

Jisu no pa vilo ishipi, “Nonguno amchipu eno akumzapu ithumlake kutolo nonguye pulumoe.”

Apostolmi 2:22

“Israilmiqo, atsa hi inijulo, Nazaret no ghami Jisu ye nongu lau Alhou no kophetsukemi lakhi nongu gholo Alhou no pa vechewo akumzapu ngo akichiqhipu eno amchipu shikeu nongu ghi tsaqui ithi ani.

Apostolmi 7:36

Pano Ijip lono timiqo sasu ipe, eno Ijip yeghilo ngo Akuhu Zughilo eno ampe lhobidi timi kughunamoke-alo pano amchipu eno akumzapu shishe mla.

Rommi 15:19

Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.

Rommi 9:18

Ikehu pano khunoqo qhuivulayi keno tipaqo qhuivulayi cheni, eno pano pulokeu hutoi khami mulo shikumkavetsu cheni.

ZAKINIU 4:34

Nongu Lhou AMPEU no Ijip lo nongu lau shike toi alhou khualano msamo puzu ashiayeh lakhi launo timi aqo lakhi salu no pawu timiqo shilu pekeu anima? Nongu nhekithe lono pano pa kuka akumto peithake; pano pusa ngo aghukishi saghike, akichiqhi akumzapu kumla shike eno akumsa akuighupu shipeke.

ZAKINIU 7:19

Pusa lhoksa jeli no likhi no nhethino ithuluve keu, akumzapu akichiqhipu eno akuka kumto kije AMPEU nongu Lhou no peitha puzu nongu kuqhopuwu keu kumsululo. Pano Ijipmi kutsaleve kepaphi lono timi hipaqo itehi nonguno musa akemi kumtsu kutsave nanike.