IPEKULU 5:3 - BAIBEL (BSI)

³ Muse ngo Aron pamano pi, “Ibrimiqo Lhou ampi no nilau pephe piye vae. Ningu pelo atsala kuthu asayeqhalo izuwu no AMPEU lau lhoxu heqhipe akumllagho niLhou tsuwupelo. Ninguno tishimo aye pano kusukini momu aghukishi pesu ningu pithive nanike.”

Sumi Naga CL (Re-edited) Bible (BSI)

³ Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.”

IPEKULU 5:3 ပူးပေါင်းရင်းမြစ်များ

KUKAMI AKINIU 17:25

Kughou panonguno atughushi tile iloghikeno panonguye AMPEU mllamoe, tighenguno pano abongushu puwuno panongu khami heqhi chuvepe.

YEKIKITHI AKINIU 30:8

Panoqo toi nonguye kuthovi akevilo ikemu AMPEU gholulo. Jerusalem lo Achineki khipau AMPEU nongu Lhou no alhokupuju ghenguno akimthe shive tsu keno tilehi ighilo eno pa mllalo tishianguno paye nongu lau aloghu ide kithe pemo nike.

EZRA 7:23

Kungugha Lhou no pa chineki ghenguno kiu avehupu shi aghini keno kumtsu nonguno tsulo, tishianguno pa pelono ilau momu khukhu uno ithiu ka pinamu agha idepemo kepu shilo.

IPEKULU 3:18

“Nono iwu timiqo vilo kiu pikeno panoqoye tipau ini nanike. Tileno noye Israilmi sakiphemiqo sasu Ijip lo akukau vilo ishi pilo, ‘Ibrimi Lhou AMPEU ampino nilau pephe piyevae. Ike ningu pelo atsala kuthu ghenguno asayeqha qalo chesu wuno nilhou AMPEU lau lhoxu heqhi pe akumllagho tsulupelo.’

IPEKULU 7:16

Tishino akukau vilo ishi pilo ‘Ibrimi Lhou AMPEU no ovilo pawu timiqo puwuve lopi pipeniye ipuwue, tishi anguno panonguno asayeqha lono pa mllalu penike. Ikemu itehi kutolo nono ini tsumoe.’

IPEKULU 8:1

Tithiu AMPEU no Muse vilo pi, “Wupuzu akukau vilo AMPEU no ishi pi ani pilo, ‘Iwu timiqo puwuvelo panongu pelo imllape kepushi.

IPEKULU 8:20

AMPEU no Muse vilo pi, “Thanau inaqhe itheno wupuzu akukauno aghokilo wuche ke lono pa sasu kushono pa vilo AMPEU no ishi pi ani pilo, ‘Iwu timiqo pelo wuve pelo tishianguno panonguno imllalu penike.

IPEKULU 8:27

Ninguye Alhou no ahza ningu tsuve keu toi asayeqha lo ghulo kuthu lachelo wupuzu niLhou AMPEU lau heqhi mllakeu shimasa ke.”

EZEKEL 6:11

Akughushu MPEU no pi, “Nongu u chunu alo! Nongu pukhu ti alo! Israil lo akemiqo shou alhoksa, kuchhubekeu jeli akeulo, kughengu panonguye aghushi, puqumiyekeu eno kusukini lono thini ae.

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

ZAKINIU 28:21

Pano kusukini shelo kusukini puwu puzu nonguno ngoluniye kuto akeu yeghilo nongu milakhimu qhimove nani.