IPEKULU 3:2 - BAIBEL (BSI)

² Tileno AMPEU wu kungumi lakhino asuminipho mtalono ami kuyiqu lakhi toi pa lau ipeghi. Asu minipholo ami iqu akeu Muse no ithulu ikemu tipau pitivekeu shimoe.

Sumi Naga CL (Re-edited) Bible (BSI)

² Eno Ampeuw kungumi no asüminipho mta lono ami mili lakhi shi pa lau ipeghi. Pa no ithulu eno julo, asüminipho ye iqü aghi, ikemu tipau ye piti pühave moe.

IPEKULU 3:2 ပူးပေါင်းရင်းမြစ်များ

BOTHUBO 21:17

Alhou no anu no qa akeu chiluve eno atsutsu lono Alhou wu kungumi no Hagar ku puzu li vilo pi, “Noye kiu shilusa ani kya? Msa kevilo. Alhou no anu no khileno qa anikeno chiluvae.

BOTHUBO 22:11

Ikemu atsutsu lono AMPEU kungumi lakhino ishi pa ku: “Abraham!” Pano ishi khochile, “Iye, ni hi anie.”

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

LESHELE 66:12

Nono nighumi pelo ni nedaqodapeke; ninguye azulo putsuju ami lono ghujuke, ikemu itehiye nono a-a kivilo nisaghivae.

IPEKULU 19:18

Sinai Toghi kuchopu amichhino kuzu pholuve kughengu AMPEU no ami lono tipa shou ighike. Amichhiye amiphoki kuloghi lono amichhi ipeghi ke toi kunguu iku ae eno naghuto kuchopu shishe ithake.

IPEKULU 23:20

“Nonguno izuwu chekeulo sushokulu apenike ino kungumi lakhi nongu zuu puwutsuni eno ino kutope qhipuakeu-alo nongu saighini.

IPEKULU 3:16

Wulo eno Israilmi sakiphemi hekutsu kumqolo eno panoqo vilo panoqo pu asu Lhou ni AMPEU, Abraham, Isak eno Jakob Lhou no olau ipeghi ke pi pilo. Niye panoqo lau ighi ani eno Ijipmino panoqo shou kiu shi ani keno ino ithuluve akepi pilo.

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

DANIEL 3:27

Panonguno mtazu ipeghive. Kukapumi ahng kumtsu eno akukau qholo kijemiqo kumtsu shekuha ighino kumqope amino pitimono ipeghive keu pano kuthu jua. Panongu philo asamu ghamo, aphi aminighi pitimo eno panongu philo amichhimu munamoe.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

Mark 12:26

Kithimi xuputhukeu vehu hu nonguye Muse kakulo asuminiphono iqukeu tsajolo phiju mphi kesha? Kughengu tile ishi yepuakeuno Alhou no Muse vilo ishi pi, ‘Niye Abraham Lhou, Isak Lhou eno Jakob Lhou.’

Luke 20:37

Kithimi xuputhu nikeu Muse no mtsumishei piyepe puani. Asuminiphono iqukeu ghili yepe puakeu kihedolo pano pi puakeuno. Ampeu ye ‘Abraham Lhou, Isak Lhou eno Jakob Lhou.’

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

ZAKINIU 33:16

Pano yeghiye akivi jelino chhitoi peni, AMPEU no alo akeu huno kumghalu peniu, Asu minipho lono putsa keu huno. Kukumgha hipaqo Josef lagha lau ighi peni, kughengu paye pa thikuzumi gholo sakipheue.

ZAKINIU 4:20

Ikemu nonguye pano Ijipmi miphoki lono ishi tsalalo nonguno pawu shi aketoi nonguye pawu timiqo shipenike pano saipeghike.

2 Thes. 1:7

nongu nigholo aghime shiakeqoye pano alokughuno tsu nani. Hiye Ampeu Jisu no kungumi sasu kungugha lono ighi kelono tishi nani.

XAKUTHAMI 13:13

AMPEU wu kungumi no khochile, “Onipu ye ino li vilo kiu pive akeno tipaqo kumtsu shimasae.