IBRIMI 1:3 - BAIBEL (BSI)

³ Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

Sümi Tiqhelimi Bible

³ Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

Sumi Naga CL (Re-edited) Bible (BSI)

³ Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 1:3 ပူးပေါင်းရင်းမြစ်များ

YEKIKITHI ATUGHIU 29:11

Noye kije eno akumtou, ajukuvupu, saghusaghui keu eno akukau ke. Atsutsulo eno ayeghilo thime kumtsu owue eno noye akukaue, kumtsu shou ayehkipeu ke.

JOB 37:22

Ahuu kudau no mulapuyi keu ithulue eno Alhou jukuvu no ni ghuchheqhie.

LESHELE 110:1

AMPEU no impeu akukau vilo pi, “Iu ajeu hile iqalo ino aghumiqo pesu opukhu qholo qhitsumoke kuto.”

LESHELE 75:3

“Lhoxu jeli kumtsuno msa khokho shi anamu, eno ayeghi thotsu sukini namu ino tipau boqha mutotoi pua nani.

YETSAPIU 8:4

Akukauye akuka gha pesu mlaitha cheni eno pano kiu shikeno khunomu mujochile mlae.

ACHINE 15:15

Achineuno tikuma gholo lakhi pesu axine kumllagho shi eno lakhiu pesu pitikeu kumllagho shi mllalo. Hitoi shipuzu pano timi tipau ghenguno shikimthekeu chine chinilo.

MICAH 5:4

Kughou ayehkipeuno ighini keno AMPEU launo ighikeu kumto ngo AMPEU Alhou je kuloghi pesu pano pawu timiqo shou ayehpe nani. Pawu timiqo sushokululo anani kughengu ayeghilo akemi kumtsu paje kuloghi ithikuthulu nani.

MATTHEW 22:24

ishipi, “Kutsuchekeu, Muse no pikeuno, ‘Timi lakhino atianuli kuhano thive aye, pa thikuzuuno pamu nipu achimeu hu sasu kughuna masae, tiye akithiu ghenguno atianuli lhophetsulu kepushi.

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 1:4

Atsa huye pa lolo akuxupu ae, eno akuxupu hipauno timi lau akuvu sughitsu.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Apostolmi 7:56

Pano ishi pi, “Julo! Atsutsu khaqhi akeu eno Alhou- u ajeu Timi nu kungughalo puthugho akeu ino ithulu ani!”

Rommi 1:16

Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

Rommi 8:34

Khualano panoqo ghushokulupu kesha? Jisu Khristo thivekeu huno keo? Tikekumono, paye akithi lono xaputhuve puzu Alhou u-ajeu ngono ningu ghenguno qhuinijutsu ani.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

Kolosiami 3:1

Nonguye Khristo gholono xuputhu puaghi aye, khilehi Khristo no Alhou u-ajeu akuka lakhulo iqa anikeno, ti kungughalo akeqo thime shou nongu mlo belo.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 1:13

Ikemu Alhou ye pawu kungumi lakhi vilomu ishi pipuamoe: “Ino oghumiqo pesu opukhuno nepuku kepu shitsumphi kutolo, Hile i-u ajeu iqalo.”

IBRIMI 10:12

Ikemu Khristo no axine ghenguno ghuthu lakhi aghashivekeu huye alhokupuju ghengunoke, eno tishive puzu pano Alhou u-ajeu iqave.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 4:14

Tishiaye ninguno pikiphe shichekeu kupulu hu mutotoi tsuqupe ani nolo, kughengu ningu chinetou kije lakhi ani, Alhou Nu Jisu ke, paye kungughalo wuvae.

IBRIMI 7:27

Paye achinemi kutami toimoke. Paye atsala kipetsu pa likhi pa xine ghenguno eno tipathiuno timiqo ghenguno lhoxu heqhi pesu Alhou lau akumllagho tsukepu avehupu kuhae. Kughou pano pa likhi pa mpi ikhiphepe tsukeno tileno ghuthu khavino alhokupuju ghenguno hipau shivae.

IBRIMI 8:1

Ti pi ighivekeulo atsa akhoto huye hike: ninguye achinetou hukithipu anie, kungughalo Akughushuu kuka lakhu ajeu iqa chekeuke;

IBRIMI 9:16

Kughengu puloshoqhi lakhi aghikelo khuno tipau shikeno timi tipau thiakemokeno mutsuqheyi shipaghi masae.

IBRIMI 9:26

tishike aye ayeghi lhophe kemtsa lono paye ghuthu kutomo aghime shive nicheke. Ikemu tilehiye tiqheli kumtsu kishekhaveni chekelau pano pulhapuju ghenguno ghuthu khavino ipeghivae, tiye pa likhi pa pesu aghashi thikeu vechewo axine pevetsu niyeke.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 3:22

Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

2 Peter 1:16

Kughou ninguno nongu vilo niMpeu Jisu Khristo no ajekipi jukuvu lono ighinikeu ghili pesu pikeno ninguye timino muqumughashino iqiphekeu kughakichetsa pesu pithike kumoe, ikemu ninguye pa kimthe jukuvu ithulu puakeqoke.

2 Peter 1:17

Apu Alhou no agigihu eno akimthe jukuvu pa tsu eno Akimthe jukuvu sutsa pa lau piakelo ninguye tilehi ake, “Hiye iNu iqhuuke, niye pa lau ilokiqi shi acheni.”

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.

Jude 1:25

ni Mpeu Jisu Khristo vechewo niXakuluu eno pa likhino Alhou ke, pa lau akimthe jekipi, akughushu, akuka eno ayehkipe, khaghi wovekeu lono itehi kuto eno alhokupuju lono alhokupuju kuto apelo! Amen.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”