HOSIYA 8:4 - BAIBEL (BSI)

⁴ “Iwu timiqono kukami kisheluke ikemu pano kutoshino tipau shike. Panonguno sakiphemi sukusu shipe qhi ikemu ilauno pulozah lumoe. Panonguno pano likhi pano ghuzapushi shunayi ngo tsandiyi pesu ajulho shipeqhi.

Sumi Naga CL (Re-edited) Bible (BSI)

⁴ Panongu no kükami kishe kemu I vecheo shimoe. Panongu no sakiphemi süsü kemu Ni ye ithimoe. Panongu no pano ampi kütsani ye panow ghükayi ngo ameshoyi pesü ajulhoqo mlae.

HOSIYA 8:4 ပူးပေါင်းရင်းမြစ်များ

KUKAMI ATUGHIU 12:28

Tishi kumsuve kethiu, pano shuna no amshiti julho kini mla eno pawu timiqo vilo ishi pi, “Nongu ghenguno Jerusalem lo wuno mlla nikeuye alaghi shuloe. Israilmiqo, hino nongu lhouke, hino Ijip lono nongu saipeghiluke!”

KUKAMI ATUGHIU 13:34

Pa xine hipaqo ghenguno pa lagha yehkipe huye ixapiniyive eno kumtsu hepinheveke.

KUKAMI ATUGHIU 16:31

Akukau Jeroboam toi axine shivekeu likhi kumono tinguno alaughi paye Sidon lo akukau Ethbaal nga Jezebel sasu kulakupu shiveno Baal mllauve.

JEREMIYA 16:20

Timi lakhi ye pa lhouqo mlalu nani kesha? Moe, pano tipau mlalu namu tipaqoye alhouqo kuchou kumoe.”

EZEKEL 18:31

Nonguno alhoksa shiakeu kumtsu phevelo eno nonguye amlo kithe akukumsu kithe pululo. Israilmiqo, nonguye kushiye thiani kya?

DANIEL 3:1

Akukau Nebukadnezar no shunano ajulho lakhi mla keu akiqhe lau miter mukutsuni, akijelau miter kuthu, ike tipaupe Babilon yeghilo Dura ipikeu bokhulo ghope qhi.

HOSIYA 13:1

Wovekeu tsalalo, kughono Efraim laghano atsa pikelo Israil lagha kutamiqoye musave cheke; Israil lo Efraim peqhepuku cheke. Ikemu panonguno Baal mlla keu lono axine shive eno hipau ghenguno panonguye thive nani.

HOSIYA 13:11

Ixukighide lono ino kukami nongu tsuke eno ino muqhumuza akelono ino panoqo ikhisuwuveke.

HOSIYA 13:2

Panonguno mllanike ayi pesu ajulho shikeu lono axine shi acheni, timi kukumsu lono tsandiyi pesu ajulho kutshakughashi shikeu eno timi uno mlakeu! Tishi puzu panonguno pi, “Lhoxu heqhipe tipaqo mllalo!” Kishi puzu timino ajulho shisukeu, amshitsu julho kimihi lono shikeu muma cheni kela!

HOSIYA 2:8

Ino athi, atsayi ji, oliv teli, tsandiyi ngo shunayi kumtsu tsuno lino tipau pesu Baal, mlla chekeu liye khilemu ithi tsuni chemoe.

HOSIYA 8:3

panonguye akivi kiu keno phevae. Hipau ghenguno panoqo ghumino panoqo papesu hawu nani.

MATTHEW 25:12

Ikemu kulapuuno ishi khochileve, ‘Kuchouno niye nongu mthae.’

Luke 13:25

“Aki mpiu huno ithu puzu ahukikha khave nani, tile nonguno khalau puthughono ahukikha khukhu puzu, ‘Akijeu, ighenguno ahukikha khaqhilo’ pini keno pano nongu khochile nani, ‘Nonguye khilano cheni keno niye mthae!’

Luke 13:27

Pano itaghi pi nani, ‘Nonguye khilano cheni keno niye mthae. Ilauno chevelo, nongu alhoksa kumlami kumtsu!’

John 10:14

Niye akheu akiviuke. Apu no ni ithi ani, eno ino Apuh ithi ani, tihutoi ino iwu bheriqo ithi ani eno panonguno ni ithi ani. Niye panoqo ghenguno ikuxu pephetsu cheni.

Galatiami 4:9

Ikemu itehiye nonguye Alhou ithivae, momu piniaye Alhou no nongu ithivae, tishiaye nonguye kishi puzu idechilewo qeinayikeu eno aqu agha ghahwu qu-axemi shikithenishi cheni kya?