HOSIYA 7:7 - BAIBEL (BSI)

⁷ “Pano mlo kighide kumqho lono panonguno ayehkipemi ghiqhive cheni. Panoqo shou kukamiqo apasushi ghiqhi pithive, ikemu milakhi nomu kuphu penike ivilo khumoe.”

Sumi Naga CL (Re-edited) Bible (BSI)

⁷ Panongu kümtsü no amiphoki külü toike, eno panongu no panow yepemi kütsave cheni. Panow kükami kümtsü ikiqivae, ikemu khunomu I ku ighimoe.

HOSIYA 7:7 ပူးပေါင်းရင်းမြစ်များ

KUKAMI ATUGHIU 15:28

Tiye akukau Asa no Juda lo kakeu mpe akuthuu shi ake lonoke. Tileno Baasha no Nadab zuqhushi Israilmi kukau shiluve.

KUKAMI ATUGHIU 16:18

Kughou Zimri no aphughi ikiqi wochekeu ithuluve keno paye posu aphughi khile akuka ki bokutha shipuakeno tile ilono ami suvetsu eno pa ghi amilono pa pitiqhive.

KUKAMI ATUGHIU 16:22

Ashekhaloye khunoqono Omri pulo akeno panonguno toluve; Tibni ye thive eno Omri no akukau shiluve.

KUKAMI AKINIU 10:14

Tileno Jehu no pawu timiqo ahza tsupuzu akuxuno panongu kughalulo pi! Kuchono panonguno tipaqo kughaluve, tishino pano tipaqo kumtsu Beth Eked aqokuchu-a phivi lono pithi khave. Panongu kumtsu kuqhakelo pano lhobidi kini lakhimu puxumono pithi khave.

KUKAMI AKINIU 10:7

Kughou Jehu yesu ithulukeno Samaria lo sakiphemino Ahab laghami pano lhotsuni kutsu miche pesu ashoghi lakhilo suno Jezril lo Jehu lau tsupuwu.

KUKAMI AKINIU 15:10

Jabes nu Shallum no atheshino akukau Zekharia ye Ibleam a lono ghiqhiveno pa zuqhushi akukau shiluve.

KUKAMI AKINIU 15:14

Gadi nu Menahem no Tirza lono Samaria lo wuno Shallum ghiqhive eno pa zuqhulo akukau shiluve.

KUKAMI AKINIU 15:25

Pekahiya ghushimi gholo kijemi lakhi Remaliya nu Peka ipikeu no Gilead lono timi lhopungu sasu kuchughu no Samaria lo akukaki sholokuuno Pekahiya ghiqhive eno pa zuqhulo akukau shiluve.

KUKAMI AKINIU 15:30

Uzia nu Jotham no Juda lo kakeu mpe amukuu shi akelono Ela nu Hoshea no atheshino akukau Peka ghiqhiveno pa zuqhulo kaluve.

KUKAMI AKINIU 9:24

Jehu no pa kumto kumtsu suno pa piji kapuwu kehu apiji no Joram mqalo vepuku keuno vepili ilo pa mlolo vesuve. Tileno Joram ye pawu khurkulu lono ikiqi thive,

KUKAMI AKINIU 9:33

tileno Jehu no panongu vilo pi, “Hilau ti sunhe kuluqhivelo!” Panonguno li sunhe kuluqhive eno li jino atozu eno khurshi shou kumtsu veda puku khave. Jehu no li kumo shouno pawu khurkulu tuhasu wu,

JOB 36:13

Aqhekuzami no pa shou aloghu ide cheni, pano panongu tsughape ghimeqhi kelomu kuphulepi inikhu chemoe.

LESHELE 14:4

Akighithi kuha kesha? Kusakughami kumtsuno hipaqono asho chukeshi iwu timiqo tsa khaveke, eno panonguye AMPEU vilo inikhu moe.

ISAIAH 43:22

AMPEU no pi; ‘Ikemu Israil, nonguye iju anga ghaiveke; nonguno imllamoveke.

ISAIAH 64:4

Timi khunomu otoikeu lhou ithulu momu chimla aphike, opulube chekemi ghenguno nono mlatsukeu toike kutami kuhae.

ISAIAH 64:6

Ningu kumtsuno axine toiva eno ni mikucho kumla kumtsu niqhunilai keu phinhe toike. Nixine ghenguno ninguye asunipa thizumyive puzu amlhuno fupewuvekeu toike.

ISAIAH 64:7

Milakhimu akighini lono olau ideghimoe, milakhimu opelo kuphu penike wumoke. Noye nilauno itshuluve eno nixine ghenguno niqhiveke.

ISAIAH 9:13

Israil lo akemiye, AMPEU no panoqo ghimeqhive kethiu pinamu xaideghimoke, panonguye pa lau ideighimoke.

EZEKEL 22:30

Timi khualano putukha keu shilu nani kemokela ino phujuke, eno khualano putukha keu khileno ileve keno tipaulo puthugholu puzu ino iloghu kighide lono tipau kutsaveniye shiakelo, ayeghi shokhalu nimalayeke, ikemu niye milakhimu phumlake.

DANIEL 9:13

Muse yezah lo kiu ghime ithulu nanipi yepuani keno tipau lakhimu qhimono ni ghimeke, ikemu itehi kutolo, O AMPEU niLhou, ninguye nixine lono idesu olau ighino opulou shinikeu momu owu kuchou pape nikeu pukaputsa mono aphie.

HOSIYA 13:10

Nonguno akukau lakhi eno sakiphemi khuke ikemu panonguye kishi puzu noshiayeh xaluni kya?

HOSIYA 5:15

“Iwu timiqoye panoqo xine ghenguno lukumkha shi aghime shimoke kutolo eno iphusu ighimoke kutolo niye panoqo pheve nani. Kutomu panonguno aghimeshi kelono iphu nike pukaputsa nani keniake.”

HOSIYA 7:10

Israil lo akemiqo qhekuzano panoqo shou ighamuku auvae. Panoqo shou thwokha jeli shive kethiu ghi panonguye ni, panoqo Lhou AMPEU lau xa ideghimoke.

HOSIYA 7:14

Panonguye amlo tsuqhiyi ivilo khuinimoe ikemu Alhou mlla chemo kemi toi iluqino huhushi igha cheni. Panonguno athi ngo atsayi ji ghenguno inikhu aye Alhou mllachemo kemi toi pano likhi pano hethapinyi cheni; panonguye isasu kumjo acheni!

HOSIYA 8:4

“Iwu timiqono kukami kisheluke ikemu pano kutoshino tipau shike. Panonguno sakiphemi sukusu shipe qhi ikemu ilauno pulozah lumoe. Panonguno pano likhi pano ghuzapushi shunayi ngo tsandiyi pesu ajulho shipeqhi.

MICAH 2:1

Khunoqono ihozuno tsukhutsuvai puzu alhoksa kughu cheni keno tipaqo ghenguno ahakusapuke! Inaqhe shivekelo ado ithulu kemtsa panonguno alhoksa kughupuakeu shi cheni.