HOSIYA 7:1 - BAIBEL (BSI)

¹ “Ino Israil lo iwu timiqo shipiviniye eno panoqo pelo itaghi kinikulu shipenishi kelauye, niye panoqono kixikila kumla shikeu eno panonguno alhoksa shikeu likhi ithulu ani. Panonguno lakhino lakhi pishiqhikile; panonguno aki-xu ilo puka; eno alaghilalo heqhino suxaluke.

Sumi Naga CL (Re-edited) Bible (BSI)

¹ Kughou I no Israel shipivini keno, Ephraim xine ngo Samaria kümla lhoksa pephe nani; kughengu panoqo no pishikiqhi kilhisho shi küpkami no hepho ilo, eno khalau no süxa ishike.

HOSIYA 7:1 ပူးပေါင်းရင်းမြစ်များ

ISAIAH 28:1

Israil kukaqhaye ahakusapuke! Tipaulo sakiphemi shomzupu akemiqo kutsulo axamununo akutsukuqho shipu aketoi tipau jekipiye idem-muyive nani. Panongu qhekuzapu kutsulo axokutsungu supu aghiluvi ikemu panonguye shomzu cheive no ihozu anike.

ISAIAH 59:12

“AMPEU, ninguno ohekibide xineye kutomoke. Nixineno ninguku ani. Ninguno tipaqo kumtsu tsaqui ithi ani.

ISAIAH 59:13

Ninguno oshou hebide, omilive eno opapemo kepi hebideve. Ninguno kutami qodaqhi eno olauno tsughuchile wuve. Nikukumsuye kichileu eno nitsaye akimki ke.

ISAIAH 59:14

Kuchou xakuthaye hapupove eno achipiuye punukhoi ighimla. Mishi xakutha alo kuchouye kupuxake eno amikuchoye tilehi a-a kuhaveke.

JEREMIYA 51:9

Inaghami tile kughuna chekemiqono pike: ‘Ninguno Babilon kuphuniye pukaputsake, ikemu tiye munuveke. Ningu itehiye tipau qhiveno nighakhulo idewove nike. Alhou no pa kuka kumto kumtsu pesu Babilon ghimeqhike, eno tipau qhoi kutsaleve ake.’ ”

EZEKEL 16:46

“Ofoye ahuu akeu Samaria eno tipau hokuxalo aphu akeqoke. Otsunipuye apeu akeu Sodom eno aphu akeqoke.

EZEKEL 23:4

Akichiu jeno Ohola (lino Samaria ke) eno ayitiu jeno Oholiba (lino Jerusalem ke). Ino pama kinikujo sasu kulave eno pamano atianuli punu itsuke.

EZEKEL 24:13

Jerusalem, okimthekumo kumlaqono oshipixivae. Ino pukaputsa othakimtheju akemu noye kitiqe pesu auvae. Noye iloghu kighide muqhamiqhiyi keu shimlano anani.

HOSIYA 10:5

Samaria phughilo kughuna akemiqoye musaichive nani eno Bethel lo shunayino shikeu mishitsu puhavekeu ghenguno mloqa nani. Timiqo ngo achinemi khunoqo ajulho tipau qecheni keno tipau ghenguno qa nani. Kughono tipau shunayi jukighilepu shi akeu xavetsuni keno panonguye ihu-igha qa nani.

HOSIYA 11:12

AMPEU no pi, “Israil lo akemiqono akimki ngo pishikiqhi pesu isuholuve eno Juda lo akemiqono ni, amikucho eno akimthe Lhou mujochile aphike.”

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

HOSIYA 12:1

Israil lo akemiqo inaqheno putho kutolo shikeu adou likhi eno kutsakungove kepu likhike. Kichileu ngo heqhi buqhikeu kumla panoqo gholo ikowo ani. Panonguno Asiriya sasu kulashikile eno Ijip sasu lhidi lhighi shike.’

HOSIYA 12:2

AMPEU ye Juda lo akemiqo shou ngukukepu lakhi sughi kepu shiani; paye Israil lo akemino kishi mla itha cheni keno tipau ghenguno aghime tsuni cheni. Panoqono kiu mlapuani keno tipau ghenguno pano panoqo lochile nani.

HOSIYA 4:17

Israil lo akemiqoye ajulho shisukeuno shikughuzu pesu ani, panoqo pelo pano ghoshi wuve pelo.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

HOSIYA 5:1

“Nongu achinemiqo, hipau inilo! Israil lo akemiqo amlo tsuqhiyi inilo! Nongu kukami bolomiqo, hi inilo! Nonguye achipiu xakutha pesu kughathabe kepuke tighenguno nongu shou kughathabe keu ikughi nani! Nonguno Mizpa lo alichhe lakhi ilhouveke, Tobor toghilo akhame sukhope akeu shiveke,

HOSIYA 6:4

Ikemu AMPEU no pi, “Israil ngo Juda okujo, niye okujo pesu kiu shive tsulopi kya? Nonguno ikimiye chekeuye inaqhe akimhi toi pai hauve cheni; tiye atsuzuno inaqheno hauvekeu toike.

HOSIYA 7:13

“Panoqoye ahasapuke! Panonguno iqhive puzu isasu kumjo ani. Panonguye kutsave nani. Niye panoqo xalunishi akemu panonguno imllakeuye kichileke.

HOSIYA 8:5

Niye Samaria lo akemiqono shunayi mishitsu mllachekeu mithike. Niye panoqo shou iloghu ideke. Panonguno ajulho mllachekeu qhivenikeu ado khitohi luniaphi kya?

HOSIYA 8:9

Israil lo akemiqoye agha gadaha toi kuthovilo puzu panoqo gho apulou lalo wuveke. Panonguye Asiriya launo akukaphu khuniye wuvae eno ashiayeh kutami pelo panoqo susho peniye piqeke.

AMUS 3:10

AMPEU no pi, “Timi hipaqoye heqhi buqhikeu eno suxaluvetsu keu nhemgha pesu panoqo ki kuloghi chhitoi ani. Panonguye amikucho shinikeu ghi mthake.

AMUS 3:9

Khunoqono Ijip ngo Ashdod lo akighikilo ngo acheni keno tipaqo vilo pikulhalo: “Samaria sukumxalo naghuto akeqolo hekutsupe kumqolo eno tilehi kuthakumla eno heqhi bukiqhi akeu julo.”

AMUS 8:14

Khunoqono Samaria lo asu atu julho akeu jelono tushoqhi kelo ishi picheni keno, ‘Dan lo alhou akeu je lono’ momu ‘Bersheba lo alhou akeu je lono,’ timi tipaqoye ikiqive nani eno idethughimove nani.”

MICAH 6:16

Hipaqo shi nanike kughengu akukau Omri ngo pa nu akukau Ahab pamano ghushoghili lhoksa shikeu nonguno papeke. Nonguye pamano mijepe puatsukeu pekishe pechephi ikehu nonguye shipsa keulo ino sawo suve nani eno timi kumtsuno nongu jukunatha nani. Aqha kumtsulo timino aphi kumqhupu shi nongu peitha nani.”

MATTHEW 23:37

“O Jerusalem, Jerusalem! nono tungkupumi pithivetsu eno aghinimi olau puwukeqo atupesu veqhivetsuke! Awuquno achishibo qholo litiqo vakutsulu keshi ghuthu khijejehi niye owu timiqo ilau hekutsulu nishi acheni kya?

Luke 13:34

“O Jerusalem, Jerusalem! Alhou no olau tungkupmi puwukeu pithive, aghinikishimi olau puwu kemi atu pe veqhive! Awuquno achisibo qholo ati vakutsuke toi niye ghuthu kutomo i-u pe owu timiqo vapeni shi cheke ikemu nonguno ipelo tishi pemoe!

Luke 19:42

“Nongu ghi ishino ithike aye — kiu lono alashilu cheni kela! Ikemu nono ithulumlae!