HOSIYA 6:3 - BAIBEL (BSI)

³ Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

Sumi Naga CL (Re-edited) Bible (BSI)

³ Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

HOSIYA 6:3 ပူးပေါင်းရင်းမြစ်များ

SAMUEL AKINIU 23:4

Paye tsukinheno khungkusu kukuha inaqhe tsalalo phuphuyi ye aketoike, tsughu tave kethiu tsukinhe no atsaneghu qolo yebide pesu mlapui ithulu aketoike.

JOB 29:23

Tsutsughu kheakeshi panonguno ikhekulho shie, eno ghixu tsutsughu kheakeshi panonguno itsa muno qhiluve cheke.

LESHELE 19:4

Ikeghi panongu sutsaye ayeghiqha kumtsulo wu cheni, eno panongu tsaye ayeghi shekha kutolo wu acheni. Alhou no atsutsulo tsukinhe ghenguno akungoki lakhi shipuani.

LESHELE 19:6

Hiye atsutsu aku lakhi lono ipeghi eno tipa shekha kutolo homuxae; eno kiumu tipau kushu launo itshuvemlae.

LESHELE 63:8

Niye omtupe acheni eno ouno isunhe pe acheni.

LESHELE 65:9

Nono ayeghi ima keu lono azu piqitsu; Nono ayeghi pelo kinikulu shi aghuma shilupe. Oghokiqoye azuno chhitoi ani, nono timiqo lau athi jeli kutotsuke. Nono hikithipushi shipuani:

LESHELE 72:6

Akukauye aluzalo tsutsughu ighike toi shipelo, ayeghi shou ghuqhi puku akehu toi shipelo.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 2:3

Timi kutomono ighino pi nani: “Ighilo ningu AMPEU naghutolo iqhoni, Israil Lhou chinekilo wuni. Tileno paye ningu pelo kiu shipe nishi anikeno pano ningu shika nani; ninguno pano kishetsukeu laghi pulani. Kughengu AMPEU kukutsuye Jerusalem lono ighi nani, Pano Zion lono pawu timiqo putsa nani.”

ISAIAH 32:15

Ikemu itaghi ghuthu lakhi Alhou no pa Ghungu puwu nani. Lumovekeu yeghiye aghuma yeghi shive nani, eno aluqalo axa kinikulushi pithi nani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ISAIAH 5:6

Tipaulo alupino ghonhaluve peni. Niye atsayibo kixiphemoveni momu ayeghi holemoveni; tishinike zuqhulo aghusahu ngo asahubo pelo tipau nhaluvepeni. Ino khungkusu pelo tipaulo tsutsughu ghuqhi pemonike lakhaveni.”

ISAIAH 54:13

“Ni ampino nowu timi shikapiye nani, eno kinikulu ngo alakishi panoqo tsu nani.

JEREMIYA 24:7

Panoqo pelo niye AMPEU kepi ithipeni shikeu ape nani. Tileno panonguye iwu timi shive nani eno ino panoqo Lhou shive nani kughengu panonguno amlo kuchopu tsupuzu ilau ideighi nani.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

HOSIYA 10:12

Ino pi, ‘Nosala ayeghi kithe hokidelo, amikucho shosulo eno nonguno ilau amlo tsuqhiyikeu huno kukumgha xakulupu shilo. Itehi nonguye ni, nongu AMPEU lau xaideghi kepu ghuloki shivae, ino ighi puzu nongu shou kukumgha lepukutsu nani.’

HOSIYA 14:5

Niye Israilmi ghenguno qhayikeu yeghilo tsutsughu ighikeu toi shi nani. Panonguye axamunu toi puile nani; panonguye Libanon lo asuboqo toi akuhu akivishi qusulu nani.

HOSIYA 14:6

Panonguye akhuni kuxu thuwu ipeghi keshi nani, eno Oliv subo toi jukighilepu shi nani. Panonguye Libanon lo kedar suboqo toi axono vechighiyi nani.

HOSIYA 2:20

Niye ishoqhi qhini eno opesu iwu shini, eno nono ipesu AMPEU kepi kighithi kileni.

MICAH 4:2

“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

ZEKHARIA 10:1

Ghixu tusho lono AMPEU vilo tsutsughu khulo. AMPEU no tsutsughu eno khungkusu puwutsu cheni eno kumtsu ghenguno aghasalo atsuni mini ipeghipe cheni.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 13:11

“Kungugha yehkipe tuqhouqo ithipe nike nongu lau tsuvae, ikemu panoqo lauye tsu puamoe.

Luke 1:78

Panongu xineqo pevetsu keu vechewono pawu timiqo vilo xakulu kighithi tsu nani. Kughengu niLhou ye kimiyekini eno kupukini ke;

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

Apostolmi 17:11

Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

ZAKINIU 32:2

Ikukutsuye tsutsughu kighiji toi iqighi eno ayeghi shou atsuzu toi kumqolue. Itsaye tsutsughuno atsuni khunu shou ikiqi iku ketoi, atsani kumtsha shou mkhano ghupuku keu toi.

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

2 Peter 1:19

Ikehu tungkupmino Alhou tsape shikeu tsalo ninguye alaushi mutotoi kitheluvae. Hipaulo nonguno amlo tsaqutsaleyi tsukeuno akivipu shilu nani kughengu Atsala vuipeghi puzu inaqhe yepuno nongu mlolo yepuvumoke kutolo hipauno akuzu alo akulu lakhino yepuvuakeu hutoike.

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”